Ŵafilipi 4:18 - Chiyawo Bible

¹⁸ Ngusimicisya kuti napocele yosope yimwambele une, nipo yaliji yejinji. Sambano ngwete yosope yakusosekwa, pakuti mbocele kutyocela kwa Epafulodito yimwandumicisye yila. Yili mpela cakupeleka ca liwungo lyambone kwa Mlungu, mbopesi jajili jakupoceledwa ni kumsangalasya jwalakwejo.

Lilangano lya Sambano

¹⁸ Ngwete indu yose ni yakupunda, sooni igumbele, pakuŵa che Epaflodito ambelechele yose yaityosile kukwenu. Mitulilo ji jili nti sadaka jajikununjila yambone ni mpela mbopesi jakukundikwa ni jajikwanonyelesya Akunnungu.

Ŵafilipi 4:18 Iomraidhean Croise

Ekisodo 29:18

Mkajoce ngondolo josopejo pa malo gakupelecela mbopesi. Jelejo tijiciŵa mbopesi jakutinisya jakupeleka kwa une AMBUJE. Tijiciŵa mbopesi jakupeleka pa moto kwa une AMBUJE, ja liwungo lyambone.

Numeli 15:3

Ng'ombe syamkambako, ngondolo, kapena mbusi komboleka kusipeleka kwa AMBUJE mpela mbopesi syakutinisya kapena mpela mbopesi jakwanilisya malumbilo kapena mpela mbopesi ja mtendele kapena mpela mbopesi ja ndaŵi sya pakutenda yindimba ya pakupopela, liwungo lya mbopesi sya yele yakulyayi likusaŵa lyakusangalasya kwa AMBUJE.

Masengo 10:4

Jwalakwe ŵalilolecesye lilayikalyo ni woga, nipo ŵaliwusisye kuti, “Ana kwambone, Ambuje?” Lilayikalyo lyajanjile kuti, “Mlungu asangalele ni mapopelo genu, pampepe ni masengo genu gakwakamucisya ŵakulaga.

Ŵaloma 12:1

Sambano acalongo acimjangu, pakuti Mlungu atutendele canasa cekulungwa camti myiyi, ngumŵenda kuti mpelece yilu yenu kuti yiŵe mbopesi ja cijumi, jajiswela, ni jakumsangalasya Mlungu. Lyeleli liŵe litala lyenu lyakumlambila Mlungu mu usyesyene.

2 Akoli 11:8

Ndaŵi jinakamulaga masengo pasikati penu, nalipidwaga ni mipingo jine. Nasumulaga jemanjajo cipanje cawo, pakuŵeceta yakuwona nditu, kuti namkamucisye jemanja.

2 Akoli 9:12

Pa masengo gelega gamkwatendela ŵandu ŵa Mlungu, ngagakwakamucisya pa yakusoŵa yawope iyayi, nambo soni cine ni cakuti ŵandu ŵajinji tacimtogolela Mlungu kwejinji.

Ŵaefeso 5:2

Mnonyelaneje, mpela mwele Klistu* ŵatunonyele uwe, ni ŵapelece umi wakwe ligongo lyetuwe mpela mbopesi jakununjila jakusangalasya Mlungu.

Ŵafilipi 4:12

Kuŵa jwakulaga ngusakumanyilila, nambo soni kuŵa jwakusicila ngusakumanyilila. Pa yosope yeneyi nalijiganyisye asili jakwe jakutama mwakwikutila pa yindu yiwukwete, pa ndaŵi jingwete yakulya kapena pa ndaŵi jimkiningola, pa ndaŵi jingwete yejinji kapena pa ndaŵi jimkiningola.

2 Ates 1:3

Tukwenela kumtogolela Mlungu ndaŵi syosope ligongo lya jemanja ŵakulupilila wosope. Kuli kwakwenela kutenda myoyo ligongo cikulupi cenu cikwendelecela kuja msogolo ni cinonyelo cimkwete pa jwalijose pasikati penu.

Ŵaeblania 13:16

Kasimliŵalila kutendelana yambone ni kamucisyana jwine ni mjakwe, ligongo mbopesi syamti myiyi sikusasangalasya Mlungu.

1 Petulo 2:5

Jemanja mŵe soni mpela maganga ga umi gakuti Mlungu ataŵile nyumba jakwe. Myoyo mtumicile mpela ŵakutaga mbopesi ŵaswela pamasengo gakupeleka mbopesi syakwiticisidwa ni Mlungu kupitila mwa Yesu* Klistu.