Ŵafilipi 4:12 - Chiyawo Bible

¹² Kuŵa jwakulaga ngusakumanyilila, nambo soni kuŵa jwakusicila ngusakumanyilila. Pa yosope yeneyi nalijiganyisye asili jakwe jakutama mwakwikutila pa yindu yiwukwete, pa ndaŵi jingwete yakulya kapena pa ndaŵi jimkiningola, pa ndaŵi jingwete yejinji kapena pa ndaŵi jimkiningola.

Lilangano lya Sambano

¹² Nakumanyi kutama ndili jwangali chindu ni sooni ngumanyilila kutama ndili ngwete ipanje. Nalijigenye indu yose, kola sala pane kwikuta, kukola yachuluka ni kusoŵekwa nombe.

Ŵafilipi 4:12 Iomraidhean Croise

Nehemiya 9:20

Ligongo lya umbone mtima wa wawo, wawo ŵasalile jemanjajo yakwenela kutenda; soni wawo ŵapele jemanjajo cakulya ca mana ni kwapa soni mesi kuti amweje.

Yesaya 8:11

AMBUJE ŵaŵecete mwamacili ni une, nipo ŵangalamwisye pakusalila kuti ngajenda mlitala lya ŵanduŵa. Ŵatite,

Yelemiya 31:19

Sambano pakuti tugalawice mitima, tukupikana canasa. Sambano pakuti tulijiganyisye, tukuliputa pa mtima, tutesile soni nipo tunyalayisidwe, ligongo lyakuti twatesile ulemwa* pitwaliji acacanda.’

Matayo 11:29

Twicilani likongwa lyangu nipo mlijiganye kwa une, pakuti ndili jwakutulala mtima ni jwakulinandiya; naga mkutenda yingumsalilayi, timcisimana cipumulisi ca umi wenu.

Matayo 13:52

Pelepo jwalakwe ni ŵasalile ŵanduwo kuti, “Ni ligongo lyakwe mwalimu jwalijose jwa Malamusi, juŵalijiganyisye ya Ucimwene wa kwinani, ali mpela msyene liŵasa jwakusakoposyaga yindu ya sambano ni yindu yakala mu ngokwe ja cipanje cakwe.”

2 Akoli 10:1

Une Paulo namsyene ngumŵenda jemanja, mwa kuŵeŵa kwa Klistu,* uneji jundili jwakulitulusya pameso penu, nambo jwakulimba mtima ndili ndalikangene namwe.

2 Akoli 10:10

Paja ŵane akuti, “Yikalata ya Paulo yili ya ukali ni ya macili, nambo naga msyene ali pasikati petu, akusaŵa jwangali macili nipo maloŵe gakwe gakusaŵa gangalumbana.”

2 Akoli 11:27

Ngamwile masengo gakupesya mnope, mwamti mbele ndili mkucesya ngagona lugono. Jangwete sala ni njota, nipo kaŵilikaŵili naliji jwangali yakulya nipo soni kusoŵa yakuwala ni gambaga kulaga ni mbepo.

2 Akoli 11:7

Nalinandiye jika kuti jemanja mŵe ŵakupikanika. Namlalicile mwalulele Ngani Syambone sya Mlungu. Ana ni kuti pelepo nalemwisye?

2 Akoli 11:9

Nipo ndaŵi jinaliji ni jemanja kumangwenuko, nganinamsawusya jwalijose kuti angamucisye atamose pinaliji jwangali kandu kalikose. Acimjetu ŵane ŵakutyocela ku Masedoniya ŵambaga yiliyose yinasosaga. Soni nganimba katundu jwakumsitopesya jemanja ndaŵi jelejo, nipo ngasimba jwakumsitopesya jemanja msogolo muno.

Detulonomo 32:10

“Ŵasimene ali mgamba kwendajenda mcipululu, kwitinji kwangali ŵandu. Ŵasamalile cenene ni kwacenjela, mpela mwakalicenjele asyene.