Ŵafilipi 4:1 - Chiyawo Bible

¹ Ŵakunonyeledwa ŵakulupilila acimjangu, ngusacilisya mnope kuŵa ni jemanja. Jemanja mkusandendekasya une kuti mbeje jwakusengwa. Amu ni mumkwenela kwimila nji ni umi wenu mwa Ambuje.

Lilangano lya Sambano

¹ Kwayele, achalongo achinjangu ŵakunonyelwa, ngulajila kwannope kwaona sooni. Ŵanyamwe ni ŵanli lukondwa lwangu ni chindu changu chachili mpela singwa. Ŵakunonyelwa ŵangu ngummenda njime kwakulimbangana nkulumbikana ni Ambuje.

Ŵafilipi 4:1 Iomraidhean Croise

Yobu 31:36

une ngacikolece cikalataco pekoyo pangu mwakupocela, soni ngaciwete cikalataco ku mtwe mpela cisoti ca ucimwene.

Masalimo 125:1

Ŵandu ŵele ŵakumkulupilila AMBUJE* ali mpela Litumbi lya Siyoni,* lyele likakukomboleka kutenganyika nambo lya citamile kwa yaka yosope.

Masalimo 27:14

Myoyo mwakulupilile AMBUJE. Mŵeje ŵamacili, ni ngajasa mtima. Mwakulupilile AMBUJE.

Matayo 10:22

Ŵandu wosope tacimŵenga jemanja ligongo lyakunguya une. Nambo mundu jutacipilila mpaka pa mbesi, jwelejo ni jutacikulupuka.

Yohana 8:31

Myoyo Yesu ŵaŵecete kwa ŵandu ŵiŵakulupilile mwa jwalakwe ŵala kuti, “Naga mkuyitenda yinajiganyisye une, nditu jemanja mli ŵakulijiganya* ŵangu,

Masengo 11:23

Piŵayice Banaba ni kulola mwele Mlungu ŵapelele upile, ŵasangalele ni ŵasalicisye wosopewo kuti asimicisye mtima kuŵa ŵakulupicika kwa Ambuje.

Masengo 14:22

Ŵalimbisye mitima ŵakulijiganya ŵala ni ŵasalile kuti akajasa cikulupi cawo. Ŵasalile kuti, “Kuti tukajinjile mu Ucimwene wa Mlungu* tukwenela kupilila yisawusyo yejinji.”

Masengo 2:42

Ndaŵi josope ŵaliji mkusongana kuti apikane yele yiŵajiganyaga ŵandumetume ŵala, soni ŵaliji mkusyoŵekana nipo ŵalyaga mkate ni kupopela pampepe.

Ŵaloma 2:7

Jwalakwejo tacipeleka umi wangamala* kwa ŵandu ŵakusalimbicila mwa mtawu kutenda yindu yayili yambone, kusosasosa lumbili ni ucimbicimbi ni umi wangamala wakusapeleka Mlungu.

1 Akoli 15:58

Sambano acimjangu ŵakunonyeledwa, limbicilani, mŵe ŵakulimbangana, mkamule masengo ga Ambuje mwacitema masiku gosope, mcimanyililaga kuti masengo gimkusimwakamulila Ambuje ngaŵa kuti gangali mate.

1 Akoli 16:13

Mlindilileje, mŵeje ŵakutamilicika mu cikulupi cenu, mtendeje mwa cilumelume, mŵeje ŵakulimbangana.

2 Akoli 1:14

mpela mwatandite kala kutumanyilila panandi, tacitumanyilila mnope, mnopemnope pa lisiku lya Ambuje Yesu tacikombola kutusangalalila uwe, soni nowe ŵakwe tucimsangalalila jemanja.

Ŵagalatia 5:1

Klistu* ŵatugopwele kuti tukaŵa acikapolo. Myoyo mlimbicileje, nipo mkakunda kuŵa acikapolo soni.

Ŵafilipi 1:27

Sambano cakusosekwa mnope cili cakuti ndamo syenu siŵe syambone mpela musikuŵecetela Ngani Syambone syakwamba Klistu. Naga ndili jwakupakombola kwika kukumlola, yili yambone nditu, nambo soni atamose naga ngulepela kwika kukumlola jemanja, nambo ngusaka mbikaneje kuti jemanja mkulimbicila ni mtima umpepe. Ngusaka kupikana soni kuti mwakupikanganana ni mwakamucisyana kuputa ngondo ligongo lyakulupilila Ngani Syambone.

Ŵafilipi 1:8

Mlungu ali mboni jangu kuti ngusinamsacilila mnope jemanja, pakuti ngusinamnonyela ni mtima wangu wosope, pakusyasya cinonyelo ciŵalosisye Klistu Yesu msyene.

Ŵafilipi 2:16

pakwasalila jemanjajo maloŵe gakupeleka umi. Myoyo une tinjikola ligongo lyakusengwela pa Lisiku lya Kuyika soni kwa Klistu, ligongo yimtesile jemanja tiyicilosya kuti nganimbutuka mwa mtega pa mpikisano wakuwutuka, kapena kukamula masengo mwa mtawu kwa mtega.

Ŵafilipi 2:26

Nambo sambano akumsacilila kumwona jemanja, mwakuti jwakulagasika mu mtima pakumanyilila kuti jemanja mwapikene kuti jwalakwejo akulwala.

Ŵakolosai 4:12

Akumpa moni Epafula, jwele jwali jumo jwa jemanja, soni jwakutumicila jwa Klistu Yesu. Ndaŵi syosope jweleju akusampopelelaga jemanja mnope. Akusatenda yeleyi pakusaka kuti jemanja mŵe ŵakutamilicika ni komangala pakutenda yosope yakuyisaka Mlungu.

1 Ates 3:13

Myoyo Jwalakwe tacilimbisya mitima jenu kuti jiŵe jambone ni jangali magambo pameso pa Mlungu Atati ŵetu, katema kitaciyikaga Ambuje Yesu pampepe ni ŵaswela ŵakwe wosope.

2 Ates 2:15

Sambano ŵakulupilila acimjetu, mŵeje ŵakulimbicila, nambo soni mkamulisyeje masengo misyungu jitwamjigenye ni maloŵe gakuŵecetana ni jemanja kapena pakumlembela cikalata.

2 Timoseo 2:1

Sambano m'mwe, mwanangu, mlimbicile pakamulisya masengo mituka jalulele jimkwete mwa Klistu* Yesu.*

Ŵaeblania 10:23

Kwende tukamulisye mnope cembeceyo citukwiticisyaci, ligongo tukulupilila kuti Mlungu tacisunje cilanga cakwe.

Ŵaeblania 3:14

Pakuŵa uwe tutendekwe kuŵa ŵakwe ŵa Klistu, naga tukukamulisya mnope mpaka pambesi kulimba mtima kwele kutwakwete pandanda kula.

Ŵaeblania 4:14

Kwende sambano, tukamulisye cikulupi cele citwacijiticisye. Pakuti tuli najo jwamkulungwa jwa ŵakutaga mbopesi* jwamacili, jwele juŵapite mpaka kuja kwika kwinani kusyesyene kwa Mlungu. Jwalakweju ni Yesu, Mwanace jwa Mlungu.

2 Petulo 3:17

Sambano jemanja ŵakunonyeledwa, pakuti sambano myimanyi yeleyi, mkalamuce kuti yakulemwa ya ŵandu yitakumsokonesya ni kugwa.