Ŵafilipi 3:9 - Chiyawo Bible

⁹ ni kumanyilila kuti une ndili jwakwe. Une ngaŵa mkulitenda mwajikape kuti m'mbe jwakulungama pakugapikanila Malamusi, nambo ngoleje kulungama kwakukusimanikwa pakumkulupilila Klistu, kulungama kwakutyocela kwa Mlungu kwakukwegamila pa cikulupi.

Lilangano lya Sambano

⁹ ni kulumbikana nawo kuli kusyene. None nganguŵalanjilwa sooni jwambone paujo pa Akunnungu kwakujitichisya malajisyo, nambo nguŵalanjilwa jwambone paujo pa Akunnungu kwa kwakulupilila Kilisito. Kwele kutendekwa jwambone paujo pa Akunnungu kukutyochela kwa Akunnungu kwa litala lya chikulupi.

Ŵafilipi 3:9 Iomraidhean Croise

Genesesi 7:23

Mlungu ŵayijonasile ya umi yosope ya pa cilambo capasi: ŵandu, yinyama ni yijuni. Nowa ni wosope ŵiŵaliji m'combo ni ŵiŵakulupwice.

1 Ayi 8:46

“Ndaŵi jele ŵandu ŵenu Aisalaeli akumlemwecesya, pakuŵa pangali mundu jwangalemwa, nipo ŵalakwe akwatumbilila ni kwapeleka kwa amagongo ŵawo, kuti ŵajigale ukapolo kwawula nawo ku cilambo cine cilicose, atamose cilamboco ciŵe kwakutalicila,

2 Mbi 32:25

Hesekiya ŵatandite kulinonyela pa yele Mlungu yiŵamtendele jwalakwejo, nipo AMBUJE ŵatumbilile ŵandu ŵa ku Yuda ni ku Yelusalemu.

2 Mbi 32:31

nipo atamose piŵayice ŵa mitenga ŵakutyocela ku Babiloniya kuwusya ya yindu yiyatendekwe mcilambomo, Mlungu ŵamlesile Hesekiya jika kuti amlinje ni kumanyilila yosope ya mu mtima mwakwe.

Masalimo 14:3

Nambo ŵandu wosope ali ŵasokonecele, ŵandu wosope ali ŵakusakala. Pangali jumo jose jwakusatenda yambone, pangali atamose jumo jose.

Masalimo 143:2

Akasanjimba magambo une jwakutumicila jwawo, pakuŵa pangali mundu jwacijumi jwali jwagoloka pameso pa ŵalakwe.

Masalimo 19:12

Ŵani ŵakupakombola kuyimanyilila yakulemwa yakwe? Andyocesye yakulemwa yangu yakusisika, ŵalakwe AMBUJE.

Jwak 7:20

Kweli, pa cilambo capasi pangali mundu jwakusatenda yindu yambonepe ni ngalemwa.

Yesaya 46:13

Lisiku lya cikulupusyo nalisejesye pakuŵandika. Nganiliŵa kwakutalicila kose ngasingokoŵa kwika kukumkulupusya. Tinjikulupusya msinda wa Yelusalemu, nipo tinjipeleka ucimbicimbi ku cilambo ca Isalaeli.”

Yesaya 53:11

Patiyicimala yisawusyo yakweyo, taciwona cakupata cakwe, nipo tacijikutila. Mwa umanyilisi wakwe jwakutumicila jwangu jwakulungamajo tacipocela cilango ca ŵandu wosope kuti ŵajinji mwa jemanja akasasimanikwa soni ŵakulemwa.

Yesaya 53:6

Wosope twasokonecele mpela ngondolo. Jwalijose jwagambaga kulijendela mwa lisosa lyakwe, nipo AMBUJE ŵampele jwalakwejo cilango, citukajenele uwe wosope.

Yesaya 6:5

Pelepo une natite kuti, “Likungu kwa une! Njonasice! Pakuti ndili mundu jwa ngomo syakusakala, nipo ngusatama sikati ja ŵandu ŵa ngomo syakusakala. Nambope ni meso gangu naweni mwenye, AMBUJE Ŵamaciligosope.”

Yelemiya 23:6

Pandaŵi jitaciŵa mwenye, ŵandu ŵa ku Yuda tacikulupuka, nipo ŵandu ŵa mu Isalaeli tacitama mwa mtendele. Jwele mwenyejo tacimpa lina lyakuti ‘AMBUJE cikulupusyo cetu.’ ”

Yelemiya 33:16

Pandaŵi jelejo ŵandu ŵa ku Yuda tacikulupuka, nambo soni ŵa ku Yelusalemu taciŵa pa mtendele. Myoyo msindawu tiwucikolanjidwa ni lina lyakuti, ‘AMBUJE ali cikulupusyo cetu.’

Daniele 9:24

“Yaka 49 yaŵicidwe kuti ŵandu ŵenu ni msinda wenu weswela alece ya upandu ni kuleka ulemwa ni yakusakala. Sambano yimwayiweni m'mesomkulola yila soni yiyalocesedwe tiyicitendekwa, nipo malo gamaswela gakulambila tigacitamilisidwa.

Matayo 9:13

Mjawule mkalijiganye gopolela kwa maloŵe ga Mlungu gala gagakuti, ‘Ngusasaka canasa, ngaŵa mbopesi.’ Pakuti nganiyicila kukwaŵilanga ŵandu ŵakulungama nambo ŵandu ŵa ulemwa.”

Ŵaloma 1:17

Ngani Syambonesi sikusatujuwulila mwele Mlungu mwakusiŵalungamicisya ŵandu pameso pakwe. Yeleyitu yikusakwanilisidwa kutyocela pandanda mpaka pambesi mwa cikulupi mpela muyilembedwele m'Malemba kuti, “Mundu jwele jwali jwakulungama pameso pa Mlungu tacilama kupitila mu cikulupi.”

Ŵaloma 10:10

Pakuti mundu akusatiji naga akulupilile ni mtima wakwe, akusasimanikwa kuti ali jwakulungama pameso pa Mlungu, soni akusatiji naga ajiticisye ni pakamwa cikulupi cakweco, akusakulupuka.

Ŵaloma 16:7

Mumbelecele moni kwa Andiloniko ni Yuniya, ŵali acalongo acimjangu ŵa Ciyuda ŵiŵataŵidwe pampepe ni une. Jemanjaji ŵaliji ŵakumanyika sikati ja ŵandumetume, soni jemanjaji ni ŵaŵaliji ŵandanda kuŵa aklistu une mkanimbe.

Ŵaloma 5:21

Myoyo mpela muŵalamulilaga ŵandu ulemwa ni kwikasya ciwa pasikati pawo, myoyo soni kwaliji kwakusosekwa kuti umbone mtima wa Mlungu ulamulile pakwikasya cilungamo kwa ŵandu, ni kwayicisya ku umi wangamala* mwa Yesu Klistu Ambuje ŵetu.

Ŵaloma 8:1

Sambano pangali magambo gakwasisya ŵandu ŵali mwa Yesu* Klistu.*

Ŵaloma 8:3

Mlungu ŵatesile yele Malamusi giŵalembile Mose* ngimkinigakombola kuyitenda, ligongo ndamo ja ŵandu jakusakala jatendekasisye kuti Malamusi gaŵe gangali macili. Nambo Mlungu ŵamgopwele jemanja piŵatumisye Mwanace jwakwe, jwele juŵayice mu upagwe wa cilu mpela ca uweji ŵandu ŵakulemwa, kukuwugomeka ulemwa.

1 Akoli 1:30

Mlungu ni juŵamlumbikenye jemanja ni Klistu Yesu, soni Mlungujo ŵamtesile jwalakwejo kuti aŵe lunda lwetu. Ligongo lya Yesu tukusasimanikwa kuti tuli ŵakulungamika pameso pa Mlungu, soni tukusaŵa ŵandu ŵakweŵakwepe ŵa Mlungu, soni ŵagopoledwe.

2 Akoli 5:17

Myoyo naga mundu ali mwa Klistu, ali ciwumbe casambano. Yakala yipite, nipo yipali ni yasambano.

2 Akoli 5:21

Klistu nganalemwa kose, nambo Mlungu ŵamtesile jwa ulemwa ligongo lyetuwe, kuti mwa Jwalakwejo uwe tuŵe ŵakulungamika pameso pa Mlungu.

Ŵagalatia 2:16

Nambope tukumanyilila kuti mundu ngaŵa mkusimanikwa kuti ali jwakulungama pameso pa Mlungu ligongo lyakutenda yigakuti Malamusi, nambo pakulupilila mwa Yesu Klistu. Uwe soni twakulupilile mwa Yesu Klistu kuti tuŵe ŵakulungama pameso pa Mlungu pakukulupilila mwa Klistu, ngaŵaga ligongo lyakutenda yigakuti Malamusi. Pakuti pangali mundu jutacisimanikwa kuti ali jwakulungama pameso pa Mlungu ligongo lyakutenda yigakuti Malamusi.

Detulonomo 27:26

“ ‘Alwesece mundu jwalijose jwakukana kugajiticisya ni kugapikanila malamusi ni majiganyo gosope ga AMBUJE.’ “Nipo ŵandu wosope tacijanga kuti, ‘Elo, yiŵe myoyo!’

Ŵafilipi 3:6

nipo cangu caliji cekulungwa mwakuti nawusawisye mnope mpingo* wa Mlungu.

2 Timoseo 1:9

Jwalakwe ŵatukulupwisye, ni ŵatuŵilasile kuti tuŵe ŵandu ŵakwe. Nganatenda yeleyi ligongo lyakuti uwe twatesile yindu yambone iyayi, nambo ligongo lyakuti msyenejo ŵatendele cilepe yeleyi mwakusaka kwakwe ni umbone mtima wakwe mwa Klistu Yesu ndaŵi mkanijitande,

Tito 3:5

Myoyo jwalakwejo ŵatukulupwisye ngaŵaga ligongo lya masengo gakulungama gitwatesile uwe, nambo ligongo lya umbone mtima wakwe pakutujojesya ni kutupagwisya soni mwasambano ni kutupa umi wasambano mwa Msimu Ŵaswela.

Ŵaeblania 6:18

Myoyo yipali yindu yiŵili, cilanga ni kulumbila,* yele yangaŵa mkomboleka kuyigalawusya, nipo Mlungu ngaŵa mkulambusya. Mwa yeleyi Mlungu ŵasacile kutulimbikasya mtima uwe ŵatwatilile kwa jwalakwe, kuti tukamulisye cembeceyo cele ciŵatuŵicile pameso petu.

Yakobo 3:2

Wosopewe tukusalemwa mu yindu yejinji. Naga pana jwine jwangalemwa pakuŵeceta, ni kuti jwalakwejo aŵele jwakulungama, soni kuti jwele komboleka kucilamula cilu cakwe cosope.

2 Petulo 1:1

Cikalataci cikutyocela kwa une Simoni* Petulo,* jwakutumicila ni ndumetume* jwa Yesu* Klistu.* Cikalataci cikuja kwa ŵandu ŵiŵapocele cikulupi citwapocele uwe soni. Jemanja soni ŵacipocele ligongo lya cilungamo ca Mlungu ni Mkulupusyo jwetu Yesu Klistu.

1 Yohana 3:4

Jwalijose jwakusalemwa akwete magambo gakukasa malamusi ga Mlungu, ligongo ulemwa* uli yalumo mpela kukasa malamusi.