Ŵafilipi 3:8 - Chiyawo Bible

⁸ Kusyene, yosope nguyiwona kuti yili yangapindulisya pakuyiwanicisya ni kum'manyilila Yesu Klistu, ŵele ŵali Ambuje ŵangu. Ligongo lya Klistu nakundile kuleka yosope yene, ni kuyiwona mpela ya pacitutu, kuti cakupata cangu ciŵe Klistu,

Lilangano lya Sambano

⁸ Elo, ngaŵa yeleyo pe, indu yose nguiwona yangali chindu kwa ligongo lya chindu chachikulungwa chambone cha kwamanyilila Kilisito Yesu, Ambuje ŵangu. Kwa ligongo lyao nyasile indu yose ni kwiŵalanjila usakwa kuti naapate Kilisito

Ŵafilipi 3:8 Iomraidhean Croise

1 Ayi 14:10

Ligongo lya yindu yimtesileyi, tinalijonanje liŵasa lyenu lyosope. Tinamwulaje jwamlume jwalijose jwa mwiŵasa mwenu, kutandila kapolo mpaka mlukosyo. Tinalijonanje kwamtundu liŵasa lyenu lyosope, mpela mwele ukasajocela moto ndoŵe, mpaka kutinika syosope.

2 Ayi 9:37

Nipo mawupa gakwe tigaciŵa mpela manyowa mu mgunda, nipo tipaciŵa pangali mundu jwalijose jutaciwumanyilila mtembo ŵakwe.’ ”

Yobu 20:7

tacisoŵa ngawoneka soni. Ŵandu ŵiŵamanyililaga ŵelewo taciwusyaga kuti ana jemanja jila apite kwapi?

Masalimo 126:6

Mundu jwakwenda ali mkulila ali ajigele mbeju syakupanda taciwujilila kumusi ali jwakondwa; ali atwicile yakugowola yakwe.

Masalimo 73:25

Pangali jwine jungwete kwinaniko akaŵe ŵalakwe Mlungu. Ni pa cilambo capasi pano pangali jwine jungumsaka akaŵe Ŵalakwe.

Yesaya 53:11

Patiyicimala yisawusyo yakweyo, taciwona cakupata cakwe, nipo tacijikutila. Mwa umanyilisi wakwe jwakutumicila jwangu jwakulungamajo tacipocela cilango ca ŵandu wosope kuti ŵajinji mwa jemanja akasasimanikwa soni ŵakulemwa.

Mala 2:3

Tinjipeleka cilango kwa ŵanace ŵenu ni kumpaka ndoŵe sya yinyama yimkupeleka mbopesi ku ngope syenu, ndoŵe sya yinyama yimwapelekaga mbopesi ni tinjija kumjasa pampepe ni ndoŵe.

Numeli 14:30

Une naŵisile cilanga cakuti jemanja tacitama kweleko, nambo pangali jumo jwa jemanja jutacitamako, nambo Kalebu ni Yoswape basi.

Luka 1:43

Une ndili nduni kuti ŵalakwe, mama ŵawo Ambuje ŵangu kuti ayice kukungungulusya?

Luka 11:20

Nambo naga une ngusakamulisya masengo macili ga Mlungu pakujikoposya misimu jakusakala, ni kuti yikulosya kuti Mlungu atandite kala kuwutamilisya Ucimwene wakwe pasikati pa jemanja.”

Yohana 14:20

Pitiliciyika lyele lisikulyo, jemanja timcimanyilila kuti une lumbikene na Atati ŵangu nipo kuti jemanja mlumbikene ni une, mpela mulumbikanile une ni jemanja.

Yohana 14:7

Jwalakwe ŵasalile ŵakulijiganyawo kuti, “Pakuŵa jemanja sambano mumanyilile une, timcamanyilila Atati ŵangu soni, nipo kutandilaga sambano jino mpaka pasogolo jemanja akwamanyilila soni ŵaweni.”

Yohana 16:3

Ŵandu tacimlagasya jemanja camti myiyi ligongo ngakwamanyilila Atati kapena une.

Yohana 17:3

Nipo umi wangamala ugopolela kuti ŵandu ŵamanyilile ŵalakwe ŵali Mlungu jikape ŵakuwona, nipo soni am'manyilile Yesu Klistu* juŵamtumile wawojo.

Yohana 17:8

Une namsalile jemanjajo maloŵe giŵasalile kuti namsalile nipo ŵagapocele, akumanyilila kuti yili yakuwona yakuti une natyocele kwa wawojo, nipo akulupilile kuti wawojo ŵandumisye une.

Yohana 20:13

Jemanjajo ŵamwusisye jwamkongwejo kuti, “Ana, ligongo cici mkulila?” Jwamkongwejo ŵajanjile kuti, “Ŵandu ŵatyosisye Ambuje ŵangu, ni ngangumanyilila kuŵaŵisile!”

Yohana 20:28

Tomasi ŵatite, “Ambuje ŵangu ni Mlungu jwangu!”

Masengo 20:24

Nambo une, ngangusamala ya umi wangu kose, nambo bola malisye masengo gangu ni utumiki wele ŵambele Ambuje Yesu, ni wakuti lalicile pakulanguka Ngani Syambone* sya umbone mtima wa Mlungu.

Ŵaloma 8:18

Ngusimicisya kuti yisawusyo yitukusimana nayo ngayikuŵajilwa kuyilandanya ni lumbili luŵalinganyisye Mlungu kuti tatulosye msogolo muno.

Ŵaloma 8:39

kapena ya kwinani kapena ya pasi pano, kapena soni kandu kane kalikose kakupanganyidwa, ngasikatulekanganya uwe ni cinonyelo ca Mlungu, citukwete mwa Klistu Yesu Ambuje ŵetu.

1 Akoli 2:2

Nambo pinaliji ni jemanja, nasimicisye kuti ndiŵalile yine yosope akaŵe Yesu* Klistu* juŵamwuleje pakumkomela pa msalaba.

1 Akoli 9:10

Ana nganagambaga uweji piŵaŵecete gele maloŵego? Yili yisyene kuti ŵalembile yeleyi ligongo lya uwe, pakuti jwakulima ni jwakuputa tiligu wosopewo akusakamulaga masengo ni cembeceyo cakuti tacipocela mbuwa ja mbejujo.

2 Akoli 4:4

Jemanjajo ngakukulupilila, ligongo nganisyo syawo asiŵisile mcipi Satana* jwele jwali mlungu jwa cilambo capasi cino, kogopa kuti taciliwona lilanguka lya Ngani Syambone. Lilanguka likulosya lumbili lwa Klistu,* nipo mwa jwalakwe Mlungu akusawoneka.

2 Akoli 4:6

Pajatu Mlungu ŵatite, “Lilanguka tiliciŵala kutyocela mcipi.” Mlungu jujojo ni juŵatumulicile m'mitima mwetu, kuti ŵandu amanyilile lumbili lwa Mlungu lwele lukuŵala pangope ja Klistu.

Ŵagalatia 1:16

Sambano piŵandendekasisye kuti nimwone Mwanace jwakwe, kuti pakutenda myoyo ngalalicile Ngani Syambone syakwamba jwalakwejo kwa ŵandu ŵa mitundu jine,* une nganinjawula kwa mundu jwalijose kukumwusya mate ga yeleyi.

Ŵaefeso 4:13

Nipo soni pakumalisya tuciyika ku umpepe wele ukusasimanikwa pakukulupilila soni pakum'manyilila Mwanace jwa Mlungu. Nipo pelepo tucikomangala kusyesyene ni kwika pa msingu wakwenela wa Klistu.

Ŵafilipi 1:1

Cikalataci cikutyocela kwa une Paulo ni Timoteo, ŵatuli ŵakutumicila ŵa Yesu* Klistu.* Tukulembela cikalataci kwa ŵandu wosope ŵa mu msinda wa Filipi* ŵali mu umpepe ni Klistu Yesu nambo soni kwa acimlongola sikati ja acakulungwa ŵa mpingo* ni ŵakwakamusya.

Ŵafilipi 3:10

Cele cingusaka cili cakuti nim'manyilile Klistu, nambo soni macili gigamjimwisye jwalakwejo ku ŵawe. Ngusaka soni kupikana yipwetesi pamo ni jwalakwejo ni kulandana ni jwalakwejo mu ciwa cakwe.

Ŵafilipi 3:12

Nganguŵeceta kuti mbocele mbote, kapena kuti masile soni kwika pa cele cingulinjilila. Nambo ngupitilisya kuwutuka ni kulinjilila kuti ngapocele mbote, yaliji pa ligongo lyeleli Klistu Yesu ŵandendekasisye une kuti m'mbe jwakwe.

Ŵafilipi 3:7

Nambo ligongo lya Klistu yele yinaganisyaga kuti yili yakupindulisya, sambano nguyiwona kuti yili yangali mate.

2 Timoseo 4:6

Kuŵeceta ya une, umi wangu utandite kalape kutajidwa mpela mbopesi, nipo ndaŵi jikwanile jakuti njawuleje ulendo wangu wakutyoka mu umi awuno.

Ŵaeblania 3:14

Pakuŵa uwe tutendekwe kuŵa ŵakwe ŵa Klistu, naga tukukamulisya mnope mpaka pambesi kulimba mtima kwele kutwakwete pandanda kula.

1 Petulo 2:7

Kwa jemanja ŵimli ŵakulupilila, Jwalakwejo ali jwamtengo wapenani. Nambo kwa jwangakulupilila, yili mpela mugakuŵecetela maloŵe ga Mlungu kuti, “Liganga liŵalikanile ŵakuŵaka nyumba kuti lyangali mate lilyolyo lyaŵele liganga lyakusosekwa mnope lya pandumba.”

2 Petulo 1:2

Umbone mtima wa Mlungu ni mtendele wapawinji yiŵe pa jemanja pakum'manyilila jwalakwejo nambo soni Yesu Ambuje ŵetu.

2 Petulo 1:3

Mlungu mwamacili gakwe ŵatupele yosope yakutukamucisya kutama ni umi ni mu utame wa kwa Mlungu, pakutumanyisya ya jwalakwejo juŵatuŵilasile ku lumbili ni umbone wakwe wakupunda.

2 Petulo 1:8

Naga yosopeyi yikuŵa mwa jemanja, ni kutupaga, ngasimŵa ŵakulepela ni ŵangali mate pa lunda lwakwamanyililila Ambuje ŵetu Yesu Klistu.

2 Petulo 3:18

Nambo mkule mu canasa ni mu umanyilisi wa Yesu* Klistu,* Ambuje ni Mkulupusyo jwetu. Jwalakwejo aŵe ni lumbili kutandila sambano mpaka kalakala. Ami.*

1 Yohana 1:3

Cele citwaciweni ni kucipikana, tukumlalicila, kuti jemanja pampepe ni uwe tuŵeje ŵakusyoŵekana ni Atati, soni ni Mwanagwawo, Yesu* Klistu.*

1 Yohana 2:19

Ŵandu ŵelewo ŵatesile kutyoka pasikati petu, nambope nganaŵa ŵa mwikuga mwetu kusyesyene, pakuti jemanjajo akaŵe kuti ali ŵa mwikuga mwetu akaliji ciŵela ni uwe. Nambo ŵatutyocele ni cakulinga cakuti awonecele pakulanguka kuti mwa jemanjajo paliji pangali atamose jumpepe juŵaliji jwa mwikuga lyetu.

1 Yohana 5:20

Tukumanyilila kuti Mwanace jwa Mlungu jwayice, ni ŵatupele lunda kuti tum'manyilile Mlungu jwakuwona. Uwe tuli mwa jwalakwejo jwali jwakuwona, ligongo tuli mwa mwanace jwakwe Yesu Klistu. Jwalakwejo ali Mlungu jwakuwona nambo soni ali umi wangamala.