Ŵafilipi 3:5 - Chiyawo Bible

⁵ Unetu nawumbele pinaliji ni masiku msano ni gatatu cipagwile. Une ndili jwa mtundu wa Aisalaeli, jwa lukosyo lwa Benjamini, Mhebeli msyesyene jwakupagwa kutyocela mwa acinangolo ŵa Cihebeli. Natesile yosope yene yigasakaga Malamusi ga Ciyuda kuti nayitende, naliji Mfalisi,*

Lilangano lya Sambano

⁵ Naumbele panaliji ni moŵa nane pakumala kupagwa. Uneji ndili Mwisilaeli jwa lukosyo lwa Benyamini ni Mwebulania kwa chipago. Nkati kugakamulisya malajisyo, naliji Mfalisayo,

Ŵafilipi 3:5 Iomraidhean Croise

Genesesi 14:13

Nambo mundu jwine juŵakulupwice, ŵayice kukumsalila Abulamu jwa Cihebeli, juŵatamaga mwakuŵandikana ni yitela ya mtundu yila, msyene jwakwe ŵaliji Mamule, jwa mtundu wa Aamoli. Acalongo acimjakwe ŵaliji Eshikolo ni Aneli. Ŵandu ŵatatu ŵeleŵa ŵaliji pamkamulano ni Abulamu.

Genesesi 17:12

Mumwumbasyeje mwanace jwamlume jwalijose ali akwanile masiku msano ni gatatu cipagwile cakwe. Mumwumbasyeje mwanace jwamlume jwalijose pa mipago jenu josope, mlukosyo kapena kapolo jwele jumwamsumile kwa mundu jwa cilendo jwangaŵa mbumba jenu.

Genesesi 40:15

Unetu ŵatesile kunjiŵa, ni ŵayice ni une akuno kutyocela ku cilambo ca Ahebeli. Soni atamose akuno, nganindenda kandu kakulemwa ka mpaka kumbugalila nako mu ukayidi.”

Genesesi 41:12

M'nyumba ja ukayidijo mwapali mcanda jwa Cihebeli pamo ni uweji, juŵaliji jwamasengo jwa jwamkulungwa jwa asilikali ŵakulondela. Twamsalile sagamisi syetu sila, ni ŵatugopolele mate gakwe, jwalijose mpela mwa sagamisi syakwe.

Yona 1:9

Jwalakwejo jwajanjile kuti, “Une ndili Mhebeli, ngusinalambila AMBUJE, Mlungu jwa Kwinani, juŵapanganyisye nyasa ni mkuli.”

Luka 1:59

Pigakwanile masiku msano ni gatatu mwanacejo ali apali, acalongo acimjakwe ni acanasi ŵasongene kuti amwumbasye, nipo ŵasacile kumpa lina lya Sakaliya babagwe.

Luka 2:21

Pigamasile masiku msano ni gatatu gakupagwa kwakwe, jakwanile ndaŵi jakuti amwumbasye, nipo piŵamwumbesye mwanacejo ŵampele lina lyakwe Yesu.* Linali lyaliji lilalila lyele lilayika liŵamsalile Maliya lila mkanakole citumbo.

Luka 5:38

Nambo finyo jwasambano jukwenela kutajidwa m'misaku ja sambano.

Masengo 22:3

“Une ndili Myuda, napagwile ku Talisasi ku Silisiya, nambo ndeledwe amuno mu Yelusalemu, Gamaliele* ŵaliji mwalimu jwangu jwele juŵanjiganyisye cenene kusunga Malamusi ga acinangolo ŵetu. Nipo naliji jwakulimbicila mnope ya Mlungu, mpela mwele mumkutendela wosope ŵamli apano lelo.

Masengo 23:6

Paulo piŵamanyilile kuti ŵandu ŵane ŵa jemanjajo ŵaliji Asaduki* soni ŵane Afalisi,* ŵagumisile mu nganyamo acitiji, “Acimjangu Aisalaeli, une ndili Mfalisi, mwanace jwa Mfalisi. Une ndili pa magambo amuno ligongo lya kulupilila kuti ŵandu tacijimuka ku ŵawe.”

Masengo 6:1

Masiku gelego ciŵalanjilo ca ŵakulijiganya* cakulilagakulilaga. Ayuda ŵakuŵeceta Cigiliki* ŵadandawulaga Ayuda ŵakuŵeceta Cihebeli kuti acakongwe ŵawo ŵamasije nganasamalidwaga cenene pagaŵanya yikamucisyo ya canasa ya lisiku ni lisiku.

Ŵaloma 11:1

Sambano nguwusya kuti, “Ana Mlungu ŵakanile ŵandu ŵakwe?” Iyayi, Mlungu nganajasa ŵandu ŵakwe. Une soni ndili jumo jwa mtundu wa Aisalaeli, cisukulu ca Abulahamu* jwa lukosyo lwa Benjamini.

2 Akoli 11:22

Ana jemanjajo ali Ahebeli? Myoyo none jwakwe. Ana jemanjajo ali Aisalaeli? Myoyo none jwakwe. Ana jemanjajo ni ŵanace ŵa Abulahamu?* Myoyo none jwakwe.

1 Sam 4:6

Afilisiti ŵakupikene kugumilako nipo ŵatite kuti, “Apikane kugumila kwakogoya ku masakasa ga Aisalaeli! Ana yeleyi yikugopolela cici?” Piŵapikene kuti Libokosi lya Cilanga ca AMBUJE lyayice ku masakasa ga Ahebeli,