Ŵafilipi 3:3 - Chiyawo Bible

³ Uwe ngaŵaga jemanjajo ni ŵitwawumbele kusyesyene, pakuti uwe tukusitumlambila Mlungu mwakulongoleledwa ni Msimu wakwe Ŵaswela. Tukusasengwa mu umpepe wetu ni Klistu* Yesu* soni ngatukusakulupilila yayikutendekwa pa yilu yetu.

Lilangano lya Sambano

³ Uweji tuli ŵandu ŵaumbale isyene, ngaŵa ŵanyawo, pakuŵa tukwapopelela Akunnungu kwa kulongoswa ni Mbumu jwao ni tukulilapa kwakulumbikana ni Kilisito Yesu. Ngatukuikulupilila indu yaikutendekwa mu chiilu.

Ŵafilipi 3:3 Iomraidhean Croise

Masalimo 105:3

Mpoce mu lina lyakwe lyaliswela; mitima ja ŵandu ŵakumsosa AMBUJE jisangalale!

Yesaya 45:25

Nambo mwa AMBUJE yisukulu yosope ya Isalaeli tiyicipunda ni kupata lumbili.”

Yelemiya 4:4

Mŵeje ŵakulupicika ni kundumicilaga une AMBUJE ni mtima wenu wosope. Mtendeje yeleyi jemanja ŵandu ŵa ku Yuda ni jemanja ŵakutama ku Yelusalemu, kogopela kuti lutumbilo lwangu lutakubuka ni kumkolelela jemanja mpela moto ligongo lya yitendo yenu yakusakala, soni ngisasimanikwa jwine jwalijose jwakupakombola kuwusimisya motowo.”

Mala 1:11

Palipose ŵandu akusanjimbicisya une. Kulikose ŵandu akusatutumisya ubani* ni kupeleka mituka jambone mu lina lyangu. Wosope ŵeneŵa akunjimbicisya une.

Ŵaloma 1:9

Pakuti Mlungu jwele jungusinamtumicila ni mtima wangu wosope pakulalicila ya Ngani Syambone sya Mwanace jwakwe, jwalakwejo ali mboni jangu kuti une ngusinampopelela jemanja ndaŵi syosope.

Ŵaloma 15:17

Mwa Klistu Yesu, ngulikwesya pa masengo gingumkamulila Mlungu.

Ŵaloma 7:6

Nambo sambano tugopoledwe ku Malamusigo. Twatesile mpela twawile ni kulekangana ni Malamusi gigaliji mkututaŵa kala. Msimu Ŵaswela akutukamucisya sambano kumtumicila Mlungu mwa litala lya sambano, ngaŵaga soni mwa litala lyakala mpela muŵagagoselaga Malamusi gakulembedwa.

Ŵaloma 8:15

Pakuti Msimu umwapocele jemanja, ngawumtendekasya kuŵa acikapolo nikuti mŵe ŵawoga. Nambo Msimuwo ukusamtendekasya jemanja kuŵa ŵanace ŵa Mlungu, nipo mwamacili ga Mlungu pakupopela kwa Mlungu tukusatiji kuti, “Abba! Atati!”

Ŵaloma 8:39

kapena ya kwinani kapena ya pasi pano, kapena soni kandu kane kalikose kakupanganyidwa, ngasikatulekanganya uwe ni cinonyelo ca Mlungu, citukwete mwa Klistu Yesu Ambuje ŵetu.

Ŵaloma 9:6

Ngaŵaga kuti Mlungu alepele kukwanilisya yilanga yakwe. Pakuti ngaŵaga ŵandu wosope ŵakupagwa mu lukosyo lwa Aisalaeli ali ŵandu ŵakusagulidwa ŵa Mlungu.

2 Akoli 11:18

Pakuti ŵandu ŵajinji akulikwesya nayo ya pa cilambo cino, une soni tinjitenda myoyo.

Ŵagalatia 5:25

Pakuti Msimu atupele uwe umi, myoyo jwalakwejo akwenela kulamulila ma umi getu.

Ŵagalatia 6:16

Mlungu apelece mtendele, ni kwatendela canasa ŵandu ŵakwe wosope ŵakusakuya litala lyeleli, ni ŵandu ŵa ku Isalaeli.

Ŵaefeso 6:18

Mtendeje yosopeyi mwakupopela, ni kuŵenda cikamucisyo ca Mlungu ndaŵi syosope. Ndaŵi jilijose mpopeleje mwakulongoleledwa ni Msimu Ŵaswela, kwa ligongo lyeleli mŵe cile ni kupopela mwangalecesya, ni kwapopelela ŵandu wosope ŵa Mlungu.

Detulonomo 10:16

Myoyo kutandila lelo jino mpaka msogolo, mlece kuŵa ŵandu ŵa makani, nambo mŵe ŵakwapikanila AMBUJE.

Detulonomo 30:6

AMBUJE Mlungu jwenu tacimpa jemanja ni yisukulu yenu mtima wakupikanila, kwakuti timciŵa mkwanonyela ni mtima wenu wosope, ni umi wenu wosope. Myoyo timkatame ni umi mcilambo celeco.

Ŵafilipi 1:1

Cikalataci cikutyocela kwa une Paulo ni Timoteo, ŵatuli ŵakutumicila ŵa Yesu* Klistu.* Tukulembela cikalataci kwa ŵandu wosope ŵa mu msinda wa Filipi* ŵali mu umpepe ni Klistu Yesu nambo soni kwa acimlongola sikati ja acakulungwa ŵa mpingo* ni ŵakwakamusya.

Ŵafilipi 3:12

Nganguŵeceta kuti mbocele mbote, kapena kuti masile soni kwika pa cele cingulinjilila. Nambo ngupitilisya kuwutuka ni kulinjilila kuti ngapocele mbote, yaliji pa ligongo lyeleli Klistu Yesu ŵandendekasisye une kuti m'mbe jwakwe.

Ŵafilipi 3:14

Nguwutucila cakumbesi kwa malo ga mpikisano wakuwutukawu kuti ngapocele mbote Kwinani, jakutuŵilanjila Mlungu kupitila mwa Klistu Yesu.

Ŵakolosai 2:11

Mwa Klistu jemanja mwawumbele, ngaŵa kuwumbala* kwakutendekwa ni ŵanduku iyayi, nambo kuwumbala kwakutendekwa ni Klistu kwele kuli kutyoka m'macili gakunonyela ulemwa.*

Yuda 1:20

Nambo jemanja ŵakunonyelwa mkamusyaneje, kuti umi wenu wacikulupi uwe uli mkulilakulila. Mpopeleje ni macili ga Msimu Ŵaswela.