Ŵafilipi 3:18 - Chiyawo Bible

¹⁸ Mbele ndili kumsalila kaŵilikaŵili, nipo sambano nguwilisya kumsalila soni jemanja mwakulila misosi, kuti pana ŵandu ŵajinji ŵele ŵakusaŵengana ni ciwa ca Klistu ca pa msalaba.

Lilangano lya Sambano

¹⁸ Nansalile kakajinji chindu chi, ni sambano ngunsalila sooni akuno njililaga, ŵandu ŵajinji akutama nti ŵammagongo ŵa nsalaba wa Kilisito.

Ŵafilipi 3:18 Iomraidhean Croise

Masalimo 119:136

Meso gangu gakugwisya misosi mpela sulo, ligongo ŵandu ngakugasunga malamusi gawo.

Yesaya 8:11

AMBUJE ŵaŵecete mwamacili ni une, nipo ŵangalamwisye pakusalila kuti ngajenda mlitala lya ŵanduŵa. Ŵatite,

Yelemiya 13:17

Nambo naga ngampikanila. Mtima wangu tiwucililila pacisyepela ligongo lya lilama lyenu; Tinjilila mwakupweteka mtima, nipo m'meso mwangu timucigumbala misosi jakuŵaŵa ligongo lyakuti ŵandu ŵa AMBUJE ajigalidwe kwawula ku ukapolo.

Yelemiya 9:1

Nganonyele kuti mtwe wangu uŵe mpela cisima ca mesi, kuti meso gangu gaŵe mpela uliŵa wa misosi, kuti ndile musi ni cilo, kwalilila wosope uŵawile ŵa mtundu wa ŵandu ŵangu.

Daniele 4:37

“Ni ligongo lyakwe sambano une Nebukadinesa ngusalambila, kwacimbicisya ni kwatendela ucimbicimbi mwenye jwakwinani. Yosope yakusatenda yili yambone, nipo matala gakwe gosope gali gakulungamika. Akusiŵanondiya wosope ŵakulikwesya.”

Lefitiko 13:8

Jwakutaga mbopesi amlolecesye soni mundujo. Naga akuwona kuti cakuyimbaco cijendelele kwene pa cilu, ajenesye kuti jwakulwalajo ali jwamsakale, gelego gali matana.

Luka 19:41

Yesu piŵaŵandicile ni kuwuwona msinda wa Yelusalemu ŵawulilile.

Masengo 20:19

Namtumicilaga Ambuje mwakulinandiya mnope ni misosi jejinji, nipo nakamwile masengo gangu mpela jwakutumicila jwa Ambuje mu ndaŵi jakusawusya jijangwilile une ligongo lya malindi ga Ayuda.

Ŵaloma 9:2

Mu mtima mwangu mugumbele ni canasa soni ukumbweteka mnope ligongo lya acalongo acimjangu, ŵandu ŵa mtundu wangu.

1 Akoli 1:18

Utenga wakusala ya ciwa ca Yesu ca pa msalaba uli cindu cakuloŵela kwa ŵandu ŵali mkwasika, nambo kwa uwe ŵituli mkulupusidwa gali macili ga Mlungu.

1 Akoli 6:9

Ngusimicisya kuti jemanja mkumanyilila kuti ŵandu wosope ŵa yitendo yakusakala ngisapocela Ucimwene wa Mlungu.* Mkalilambusya, ŵandu ŵalilama, ŵakulambila milungu jine, ŵa cikululu, ŵakusagonana acalumepe,

2 Akoli 11:13

Ŵandu ŵamti myoyoŵa nganaŵa ŵandumetume asyesyene, nambo ali ŵamasengo ŵa unami, ŵele ŵakusalilandanicisya ni kuwoneka mpela ŵandumetume ŵa Klistu.

2 Akoli 11:29

Naga jwine ali jwakulepetala, none jwakwe ngusaŵa jwakulepetala myoyo; naga jwine akumlemwekasya, une ngusadandawula mnope.

2 Akoli 2:4

Pinaliji mkumlembela cikalata cila, mtima wangu waliji pakulaga ni kusinjinika kwakukulungwa, nipo nalilaga misosi. Nganisaka kumdandawulisya, nambo cakulinga cangu nasacile kuti m'manyilile kuti ngusinamnonyela mnope.

Ŵagalatia 1:7

Syele syasikukolanjidwa kuti ngani syambonesyo nganisiŵa ngani syambone sisyesyene. Nguŵeceta yeleyi ligongo apali ŵandu ŵane ŵakumsokonesya jemanja nipo jemanjajo akusaka kutindanya utenga wakwamba Klistu ni kuŵecetaga ya unami.

Ŵagalatia 2:14

Pinaweni kuti jemanjajo ngakutama mwakulungama mpela mwakatamilaga, pakuyicisya usyesyene wa Ngani Syambone, une namsalile Petulo pameso pa ŵandu wosope kuti, “M'mwejo mli Myuda, nambope mkukuya misyungu ja ŵandu ŵa mitundu jine, ngaŵaga ja Ciyuda. Nambi mpaka mwatendekasye uli ŵandu ŵa mitundu jine kuti atameje mpela mwakusatamila Ayuda?”

Ŵagalatia 2:21

Nganguwutenda wangali mate umbone mtima wa Mlungu. Naga mundu akulungamisidwa pameso pa Mlungu pakugakuya Malamusi, ni kuti kuwa kwa Klistu kwaliji kwangali mate.

Ŵagalatia 5:21

litima, kukolelwa, ni yine yejinji. Sambano ngumkalamusya jemanja, mpela munatendele soni kala, kuti ŵandu ŵakusatenda yamti myiyiŵa, ngasapocela Ucimwene wa Mlungu.*

Ŵagalatia 6:12

Ŵandu ŵakulinga kumcisya jemanja kuti mwumbale, ni ŵele ŵakulinga kulilosya ni kulilumba pa yindu yakuwoneka ni meso. Akusatenda yeleyo melepe kuti akalagasidwa ligongo lya msalaba wa Klistu.

Ŵagalatia 6:14

Nambo une ngaŵa mkulilumba pa kandu kane kalikose akaŵe msalaba wa Ambuje ŵetu Yesu* Klistupe, ligongo jwalakwejo ŵawile pa msalaba, myoyo une ndili mpela jwam'we ku yindu ya cilambo capasi pano, nambo soni ndili mpela jwamkolecedwe.

Ŵaefeso 4:17

Mu lina lya Ambuje ngumsalila sambano kuti, kasimjenda mpela mwakusatendela ŵandu ŵa mitundu jine* pakuya nganisyo syawo syangalumbana.

Ŵafilipi 1:4

Pingusinampopelela jemanja ndaŵi syosope, ngusimbopela mwa lukondwa

1 Ates 4:6

Pa yeleyi, mundu jwalijose akusamlemwecesya mlongo mjakwe kapena kumlambusya. Uwe twamsalile ni kumtetela cilepe kuti Ambuje tacipeleka cilango kwa ŵandu ŵakutenda yeleyi.

2 Ates 3:11

Tukuŵeceta yeleyi ligongo lyakuti tukupikana kuti pasikati penu pana ŵandu ŵane ŵakwete ndamo sya ulesi. Jemanjaji ŵangakamula kose masengo, nambo m'malo mwakwe akusagamba kwinjilila ya acimjawo.

2 Petulo 2:10

Mnopemnope tacipeleka cilango kwa ŵandu ŵakusakuya ya cilu ni kunyosyaga ulamusi. Aciŵalimu ŵa unami ni ŵakulikwesya, ŵele ŵangasamala ya mundu jwalijose, ŵele ŵangajogopa kwatenda cipongwe ŵa lumbili ŵakwinani.

Yuda 1:13

Jemanjaji ali mpela matumbela gaukali ga panyasa gagakusakoposya ciwulo ca yakusakala yawo. Ali mpela ndondwa syesokonecele, nipo Mlungu akwasunjila malo ga cipi cekulungwa ca ndaŵi syosope.