Ŵafilipi 3:16 - Chiyawo Bible

¹⁶ Nambo atamose yiŵe camtuli, kwende tupitilisye kwawula msogolo mwakulingana ni malamusi gitukukuya mpaka sambano jino.

Lilangano lya Sambano

¹⁶ Nambo, kwa yailiyose tujendelechele mmbujo mu litala lilyolyo lyatukuiye mpaka sambano.

Ŵafilipi 3:16 Iomraidhean Croise

Ŵaloma 12:16

Mŵeje ŵakupikanganana jwine ni mjakwe, soni mkalikwesyaga, nambo msyoŵekaneje nawo ŵandu wamba. Mkalijigalaga mwasyene mpela ŵalunda.

Ŵaloma 15:5

Mlungu jwakusapeleka macili kwa ŵandu kuti mpakombole kupilila ni kwalimbisya mitima, amkamucisye jemanja kupikanganana cenene, pakukuya cisyasyo ca Klistu Yesu,*

Ŵagalatia 5:7

Mwaliji mkutenda cenene pa mkamulano wenu ni Klistu. Ana ŵani ŵamlekasisye kuti mlece kupikanila yakuwona yisyesyene?

Ŵagalatia 6:16

Mlungu apelece mtendele, ni kwatendela canasa ŵandu ŵakwe wosope ŵakusakuya litala lyeleli, ni ŵandu ŵa ku Isalaeli.

Ŵafilipi 1:27

Sambano cakusosekwa mnope cili cakuti ndamo syenu siŵe syambone mpela musikuŵecetela Ngani Syambone syakwamba Klistu. Naga ndili jwakupakombola kwika kukumlola, yili yambone nditu, nambo soni atamose naga ngulepela kwika kukumlola jemanja, nambo ngusaka mbikaneje kuti jemanja mkulimbicila ni mtima umpepe. Ngusaka kupikana soni kuti mwakupikanganana ni mwakamucisyana kuputa ngondo ligongo lyakulupilila Ngani Syambone.

Ŵafilipi 2:2

Ali ni ligongo lyakwe ngumŵenda kuti musangalasye kusyesyene pakwiticisyana nganisyo ni kunonyelana mwakulandana, kuŵa ŵa mtima umo ni cakulinga cimpepe,

Ŵafilipi 4:2

Yuwodiya ni Sintike, conde ngumŵenda jemanja kuti mlinje kukamulana mpela ŵakulupilila mwa Ambuje.

Ŵakolosai 2:6

Sambano pakuti mwajiticisye kuti Klistu Yesu* ni Ambuje ŵenu, umi wenu wosope uŵe wakulumbikana ni Jwalakwe.

Ŵakolosai 4:2

Mpopeleje mwangalecesya, nipo ndaŵi jimkupopela mŵeje cilepe soni ni kumtogolela Mlungu.

Chunukuko 3:3

Sambano mkumbucile yimwalijiganyisye, ni yele yimwayipikene. Myikuyeje yeleyi ni kupitikuka mtima. Naga ngamkutama mpela aklistu, tinjiyika mwakusisimucisya mpela jwawiyi, nipo ndaŵi jitinjiyicila kwa jemanja ngasimjimanyilila.