Ŵafilipi 3:13 - Chiyawo Bible

¹³ Ŵakulupilila acimjangu, nganguganisya kose kuti niyipatile kala. Cindu cimpepe cingusacitenda cili cakuti ngusaliŵalila yayili mu nyuma mwangu, ni kulinjilila kumbali jangu kuti nayiyicile yayili msogolo.

Lilangano lya Sambano

¹³ Achalongo achinjangu, nganguliganichisya kuti masile kupochela ntulilo, nambo nguchitenda chindu chimo pe, nguiliŵalila indu yepite ni nguchalila kuti ngole indu yaikwika.

Ŵafilipi 3:13 Iomraidhean Croise

Masalimo 27:4

Mbendile cindu cimope kwa AMBUJE; cindu cakusosekwa mnope; cakuti ndameje m'Nyumba ja AMBUJE masiku gosope ga umi wangu; kuti ngasangalale ni kuwuwona umbone wawo AMBUJE, ni kuti nalambileje ŵalakwewo m'Nyumba mwawo.

Masalimo 45:10

Mpikane, mwanace jwamkongwemwe, ni mtejele lipikanilo lyenu; mwaliŵalile acalongo ajenu ni soni nyumba ja atati ŵenu.

Luka 10:42

nambo cakusosekwa ni cimope basi. Maliya asagwile cindu cakupunda mnope, soni celeci pangali jwine jutacimsumula.”

Luka 9:62

Yesu ŵatite, “Mundu jwatandite kulima aku ali mkulola munyuma jwalakwejo ngakuŵajilwa mu Ucimwene wa Mlungu.”

2 Akoli 5:16

Ni ligongo lyakwe kutandila sambano ngatukumlamula mundu pakujigalila mwaŵelele iyayi. Myoyo atamose kuti kalakala twamlamwile Klistu pakujigalila muŵawonecelaga, nambo sambano ngaŵa mkuganisya camti myoyo ya jwalakwejo.

Ŵafilipi 2:12

Ali ni ligongo lyakwe ŵakunonyeledwa acimjangu, mŵele mli ŵakupikanila ndaŵi syosope kutyocela pa ndaŵi jinaliji ni jemanja. Nambo sambano pinganimba ni jemanja, mŵeje ŵakupikanila mnope. Mpitilisye ni kwikasya cikulupi cenu pasyesyene mwa woga ni mwakutetemela.

Ŵafilipi 3:12

Nganguŵeceta kuti mbocele mbote, kapena kuti masile soni kwika pa cele cingulinjilila. Nambo ngupitilisya kuwutuka ni kulinjilila kuti ngapocele mbote, yaliji pa ligongo lyeleli Klistu Yesu ŵandendekasisye une kuti m'mbe jwakwe.

Ŵafilipi 3:8

Kusyene, yosope nguyiwona kuti yili yangapindulisya pakuyiwanicisya ni kum'manyilila Yesu Klistu, ŵele ŵali Ambuje ŵangu. Ligongo lya Klistu nakundile kuleka yosope yene, ni kuyiwona mpela ya pacitutu, kuti cakupata cangu ciŵe Klistu,

Ŵaeblania 6:1

Kwende tujawule pasogolo sambano, ku majiganyo gamakomangale ni kuleka majiganyo gandanda gala ga ciklistu. Tukawilisya soni kwiganya yele yayili mpela yilimbilimbi, mpela yakupitikuka mtima ni kuleka masengo gangalumbana ni kulupilila Mlungu,

2 Petulo 3:8

Ŵakunonyelwa acimjangu mwa Ambuje, mkaliŵalila cindu cimpepe, kuti yaka 1,000 yili mpela lisiku limo pameso pa Ambuje.