Ŵafilipi 3:12 - Chiyawo Bible

¹² Nganguŵeceta kuti mbocele mbote, kapena kuti masile soni kwika pa cele cingulinjilila. Nambo ngupitilisya kuwutuka ni kulinjilila kuti ngapocele mbote, yaliji pa ligongo lyeleli Klistu Yesu ŵandendekasisye une kuti m'mbe jwakwe.

Lilangano lya Sambano

¹² Ngangusaka kusala kuti masile kwika kumbesi pane ndili jwamalilwe. Nambo nguchalila kuti mbate ntulilo, kwa litala lya wele ntulilo wo Kilisito Yesu asyene ambatile une meje jwao.

Ŵafilipi 3:12 Iomraidhean Croise

Yobu 17:9

Nambo ŵandu ŵakulungama kusyesyene akusapitilisya kumkulupilila Mlungu, soni ŵandu ŵinganakola ulemwa akusapitilisya kutama mwamacili mu usimu.

Masalimo 119:5

Nganonyele kuti matala gangu gaŵe gakulupicika, pakugasunga malamusi gawo.

Masalimo 138:8

AMBUJE tacikwanilisya lisosa lyawo pa une kuti litendekwe. Canasa cawo ŵalakwe cili cangamala. Amalisye masengo gagatandite.

Masalimo 42:1

Mpela mbaŵala jikusapumasika kusosasosa lusulo lwa mesi gakusisima, myoyo soni ni mwele mtima ŵangu muwukwasosela ŵalakwe Mlungu jwangu.

Masalimo 63:8

Umi ŵangu ukukanilila kwa ŵalakwe, mkono wawo wamlyo ukunjenjela.

Masalimo 84:2

Umi ŵangu ukusacilila, kutama m'Nyumba jawo AMBUJE, ni mtima ŵangu wosope ngwajimbila mwakusengwa ŵalakwe Mlungu ŵacijumi.

Masalimo 94:15

Cilungamo ticiciwujila soni kwa ŵandu ŵaswela mtima. Wosope ŵagoloka mtima tacicikuya.

Misyungu 4:18

Nambo litala lya ŵandu ŵakulungama lili mpela kumasikusiku kwele kukusaŵa kuli mkulangucilalangucila mpaka palikukwela lyuŵa pa mtwe.

Yesaya 51:1

AMBUJE* akuŵeceta kuti, “Mumbikanile jemanja ŵimkusosa kulupuka, jemanja ŵimkusosa kuti nimkamucisye. Mganicisye ya lwala luŵamsepile, ku liwunjili lya maganga kuŵamsosile.

Hoseya 6:3

Kwende tulimbicile kuti twamanyilile AMBUJE. Taciyika kwa uwe mwangakayicila mpela kumasikusiku. Taciyika kwa uwe mpela mesi ga ula, ula jakwe ja cuku jele jikusatendesya litaka kuti liŵe lyenyoŵe cenene.”

Matayo 5:48

Myoyo mŵeje ŵambone mnope mpela mwaŵelele Atati ŵenu ŵakwinani.

Masengo 9:15

Nambo Ambuje ŵamsalile kuti, “Mjawule, pakuti jweleju sambano ali jwakutumicila jwangu, junamsagwile kuti akalalicile ya lina lyangu kwa ŵandu ŵa mitundu jine,* ayimwene, nipo soni Aisalaeli.

Ŵaloma 8:39

kapena ya kwinani kapena ya pasi pano, kapena soni kandu kane kalikose kakupanganyidwa, ngasikatulekanganya uwe ni cinonyelo ca Mlungu, citukwete mwa Klistu Yesu Ambuje ŵetu.

1 Akoli 13:10

nambo paticiciyika cele cili cacimalilwe, cele cili cakupelembelaco ticicimala.

1 Akoli 13:12

Pakuti yitukuyiwona sambano jinoyi, tukuyiwonaga mpela ciwanicisyo pegalasi, yangawoneka cenene. Nambo pandaŵijo tucilola cenene yosope ni meso. Sambano yosope yinguyimanyilila yili yakupelembela, nambo pa jele ndaŵijo tinjimanyilila mnope, mpela yakuti Mlungu pakumanyilila une kusyesyene.

1 Akoli 9:24

Ana jemanja ngamkumanyilila kuti pa mpikisano wakuwutuka wosope akusawutuka, nambo jumpepe ni jwakusapocela mbote? Myoyo mwutuce kuti mkapocele nawo mbotejo.

2 Akoli 13:9

Tukusangalala uwe patuli ŵakulepetala nambo jemanja mli ŵamacili. Cele citukumŵenda Mlungu ni cakuti mŵeje ŵambone kwene.

2 Akoli 7:1

Acalongo acimjangu, pakuŵa tukwete cilanga* celeci, kwende tutyosye yindu yosope yakusakasya cilu cetu kapena mtima wetu. Nipo pakogopa Mlungu tuliswejesye kuŵa ŵaswela mtima.

Ŵagalatia 5:17

Pakuti ndamojo jikusasaka yakusisyana ni yakusaka Msimu Ŵaswela, nipo yakusaka Msimu Ŵaswela yikusasisyana ni yele ndamo jakunonyela yakusakala yijikusaka. Yindu yiŵiliyi yikusaŵengana, myoyo jemanja ngaŵa mkutenda yimkusaka kuyitenda.

Ŵaefeso 1:4

Mlungu piŵaliji mkanapanganye cilambo capasi, ŵatusagulile cile kupitila mwa Klistu kuti tuŵe ŵaswela mtima ni kuŵa ŵangali ulemwa* pameso pakwe.

Ŵaefeso 4:12

Masengo gawo galiji gakuti akolocesye cilepe ŵandu ŵa Mlungu ku masengo gakutumicila, ni kulimbikasya mpingo* wele wawuli cilu ca Klistu.

Ŵafilipi 1:1

Cikalataci cikutyocela kwa une Paulo ni Timoteo, ŵatuli ŵakutumicila ŵa Yesu* Klistu.* Tukulembela cikalataci kwa ŵandu wosope ŵa mu msinda wa Filipi* ŵali mu umpepe ni Klistu Yesu nambo soni kwa acimlongola sikati ja acakulungwa ŵa mpingo* ni ŵakwakamusya.

Ŵafilipi 3:16

Nambo atamose yiŵe camtuli, kwende tupitilisye kwawula msogolo mwakulingana ni malamusi gitukukuya mpaka sambano jino.

Ŵafilipi 3:3

Uwe ngaŵaga jemanjajo ni ŵitwawumbele kusyesyene, pakuti uwe tukusitumlambila Mlungu mwakulongoleledwa ni Msimu wakwe Ŵaswela. Tukusasengwa mu umpepe wetu ni Klistu* Yesu* soni ngatukusakulupilila yayikutendekwa pa yilu yetu.

Ŵafilipi 3:8

Kusyene, yosope nguyiwona kuti yili yangapindulisya pakuyiwanicisya ni kum'manyilila Yesu Klistu, ŵele ŵali Ambuje ŵangu. Ligongo lya Klistu nakundile kuleka yosope yene, ni kuyiwona mpela ya pacitutu, kuti cakupata cangu ciŵe Klistu,

1 Ates 5:15

Mlolecesyeje kuti mundu jwine jwalijose akusawucisya cakusakala kwa mjakwe ligongo lyakuti jwalakwe atesile cakusakala, nambo ndaŵi syosope mlinjeje kwatendela acimjenu yambone ni ŵandu wosope.

2 Ates 2:13

Uwe tukwenela kumtogolela Mlungu ndaŵi syosope ligongo lya jemanja, ŵakulupilila acimjetu, ŵimkunonyeledwa ni Mlungu. Jwalakwejo ŵamsagwile jemanja pandanda kuti mkulupuce. Mwakulupusidwe mwamacili ga Msimu Ŵaswela kuti mŵe ŵandu ŵakweŵakwepe ŵa Mlungu kupitila mu cikulupi cenu mu usyesyene.

1 Timoseo 5:10

Aŵe jwamkongwe jwakuti ŵandu akusamtendela ucimbicimbi wakuti jwalakwejo akusatenda masengo gambone. Aŵe jwakuti ŵalelaga ŵanace cenene, ŵapocelaga cenene acalendo, nambo soni ŵacapaga sajo sya ŵandu ŵa Mlungu, soni ŵakamusyaga ŵandu uŵaliji myisawusyo. Aŵe soni jwamkongwe jwakuti ŵalipelekaga pa masengo gosope gambone.

1 Timoseo 6:19

Pakutenda myoyo taciliwunjicila yipanje yakutamilisya yele tiyicakamusya msogolo, kuti akapocele umi wawuli umi usyesyene.

Ŵaeblania 12:14

Mlinjilileje kutama ni mtendele ni ŵandu wosope, ni kuŵa ŵaswela mtima, pakuti pangali atamose jumo jutacawona Ambuje, naga ali jwangaswejela mtima.

Ŵaeblania 12:23

Myice ku cisangalalo kwele kwasongene ŵanace ŵandanda kupagwa ŵa Mlungu, ŵagalembedwe mena gawo kwinani. Myice kwa Mlungu, jwakulamula jwa ŵandu wosope, nipo soni kwa misimu ja ŵandu ŵakulungama ŵaŵatesile Mlungu kuŵa ŵaswela kusyesyene.

Ŵaeblania 13:21

Mlungujo ampe yambone yosope yimkuyisoŵa jemanja kuti mtendeje yele yakuyisaka Jwalakwe. Nipo mwa Yesu Klistu ayitende mwetuwe yele yikumsangalasya, Klistujo aŵe ni ucimbicimbi ŵangali pambesi. Ami.*

Yakobo 3:2

Wosopewe tukusalemwa mu yindu yejinji. Naga pana jwine jwangalemwa pakuŵeceta, ni kuti jwalakwejo aŵele jwakulungama, soni kuti jwele komboleka kucilamula cilu cakwe cosope.

1 Petulo 5:10

Nambo naga mkupikana yipwetesi kwa kandaŵi, Mlungu msyene jwele ndaŵi syosope akusamsalalila mtima, tacimlinganya soni ni kumtamika pa yilimbilimbi yakulimbangana. Jwalakwejo ni juŵamŵilasile jemanja kuti jemanja pakutama yalumo ni Klistu, mkapocele lumbili lwakwe lwangamala.

2 Petulo 3:18

Nambo mkule mu canasa ni mu umanyilisi wa Yesu* Klistu,* Ambuje ni Mkulupusyo jwetu. Jwalakwejo aŵe ni lumbili kutandila sambano mpaka kalakala. Ami.*