Ŵafilipi 3:1 - Chiyawo Bible

¹ Pakumalisya ŵakulupilila acimjangu nguti, “Sengwani mu umpepe wenu mwa Ambuje.” Ngangudandawula kuwilisya kumlembela yinalembile kala, nipo maloŵego gali gakumkamucisya jemanja mwacimsyene.

Lilangano lya Sambano

¹ Mbesi, achalongo achinjangu, nsengweje kwa ligongo lya kulumbikana ni Ambuje. Ngangupela kunlembela sooni indu ilaila inalongolele kunnembela, pakuŵa yeleyo chiinfai ŵanyamwe.

Ŵafilipi 3:1 Iomraidhean Croise

1 Mbi 15:28

Nipo Aisalaeli wosope ŵalipecesye Libokosi lya Cilanga mpaka ku Yelusalemu nipo ŵajimbaga nyimbo sya cisangalalo, malipenga, yitolilo, micekece ni nyimbo syakwimbila yida ya ngonji.

1 Mbi 16:10

Mpoce kuti uweji tuli ŵa jwalakwe, ŵandu wosope ŵakumlumba jwalakwe asangalale.

1 Mbi 29:22

Pa lisiku lyelelo ŵandu ŵaliji ŵakusangalala piŵalyaga ni kumwa pameso pa AMBUJE. Panyuma pakwe, Solomoni mwanace jwa Daudi, ŵamjinjisye ucimwene kwa ndaŵi jaŵili. Ŵampungulile mawuta pa mtwe pameso pa AMBUJE kuti aŵe mwenye, ŵampungulile soni Sadoki mawuta pa mtwe kuti aŵe jwakutaga mbopesi.

Nehemiya 8:10

Kaneko Nehemiya ŵasalile ŵandu ŵala kuti, “Jawulagani kumangwenu mkalye yakulya yambone ni kumwa yambone yakulyolyopela. Mkagaŵile soni acimjenu ŵikanakola cilicose. Lelo lili lisiku lyeswela lya AMBUJE, myoyo mkaŵa ŵa canasa, pakuti lukondwa lwakusampaga AMBUJE tilucimlimbisya.”

Yobu 22:26

Kaneko timcisangalala mwasyene mwa Mlungu Jwamaciligosope, nipo timcimanyilila kuti jwalakwejo ali ndande ja lukondwa.

Masalimo 149:2

Isalaeli asangalale ni juŵapanganyisye, ŵandu ŵa mu msinda wa Siyoni* asangalale ni mwenye jwawo.

Masalimo 32:11

Jemanja ŵimli ŵagoloka, mŵe ŵakusengwa nipo msangalale pa ligongo lya yamtendele AMBUJE. Jemanja wosope ŵa mtima ŵakulungama, gumilani mwakusengwa.

Masalimo 33:1

Sangalalani mwa AMBUJE,* jemanja ŵakulungamika, kusyene ŵakulungama akuŵajilwa kutogolela.

Masalimo 37:4

Sangalalani mwa AMBUJE, ni tampe yiwukusaka mtima mwenu.

Masalimo 42:4

Mtima ŵangu ukusapweteka pingusakumbucila yakala, pinaliji mkwenda ni ŵandu ŵajinji, pakwalongolela ku Nyumba ja AMBUJE,* paliji pana ŵandu ŵajinji, acijimbaga ni kupeleka malumbo kwa Mlungu.

Masalimo 5:11

Nambo asangalale wosope ŵakutilila kwa ŵalakwe apakombole ndaŵi syosope kwimba mwa lukondwa. Ŵacenjele ŵosope ŵakwanonyela ŵalakwe awe ŵakondwa mwa ŵalakwe.

Masalimo 97:1

AMBUJE* ali mwenye, ŵandu ŵa pa cilambo capasi asangalale. Ŵandu wosope ŵa mumbali mwa nyasa asangalale.

Yesaya 41:16

Timcapeta, ni ticiwululuka ni mbungo ni kumwasikana ni mbungo jamacili. Nambo m'mwejo timcikondwa ligongo lyakuti une ndili Mlungu jwenu. Timcipata ucimbicimbi ligongo lya une, Jwamswela jula jwa Isalaeli.

Yesaya 61:10

Ngusangalala mnope ligongo lya AMBUJE, mtima wangu ukukondwa ligongo lya Mlungu jwangu Pakuti jwalakwejo ambwecice yakuwala ya cikulupusyo. Ambwecice mkanjo wacilungamo. Yaliji mpela mlombela jwawete singwa ja maluŵa pa lukosi, nambo soni mpela jwakulombedwa jwawete yuma ya mtengo wapenani.

Yesaya 65:14

Ŵakutumicila ŵangu tacijimba mwakondwa, nambo jemanja timcilila mnope ligongo lya usawuci mu mtima. Timcilila kwakukulungwa ligongo lyakupikana yakupweteka mu mtima.

Yoweli 2:23

“Jemanja ŵandu ŵa ku Siyoni, msengwe ni kusangalala ligongo lya yele yamtendele AMBUJE Mlungu jwenu. Amsalalile mtima pakumpa ula mwacitema. Ampele ula jejinji, kutyocela pandanda mpaka kumalisya, mpela muyaŵelaga kalakala.

Sefaniya 3:14

Jimbani mwakwesya, jemanja ŵandu ŵa ku Siyoni!* Mgumile jemanja Aisalaeli. Sangalalani ni mtima wenu wosope, jemanja ŵakutama mu Yelusalemu.

Sefaniya 3:17

AMBUJE, Mlungu jwenu ali ni m'mwejo; mpela jwa ngondo jwakumkamucisya kwapunda amagongo. AMBUJE tacisangalala ni lukondwa ligongo lya m'mwe, tacimwucisya mcinonyelo cakwe. Tacisangalala ni m'mwejo pakwimba nyimbo sya lukondwa,

Sakaliya 10:7

Ŵandu ŵa ku Isalaeli taciŵa ŵakulimbangana mpela asilikali ŵa ngondo; taciŵa ŵakondwa mpela ŵandu ŵaŵele ali mkumwa finyo. Yisukulu yawo tiyicikumbucila kupunda kweleku ni kuŵa ŵakusangalala pa ligongo lya yele yatesile AMBUJE.

Matayo 5:12

Sangalalani, secelelani, ligongo mbote jenu jili jajikulungwa kwinani. Pakuti mwelemu ni muŵasawucisyaga soni ŵakulocesya ŵiŵapali jele ndaŵijo jemanja mkinimpagwe.

Luka 1:47

msimu wangu ukusangalala mwa Mlungu Mkulupusyo jwangu,

Ŵaloma 5:11

Nambo kupwatika pa yeleyi, tukusasangalala kupitila mwa Ambuje ŵetu Yesu Klistu, jwele jwatujilenye ni Mlungu.

2 Akoli 13:11

Sambano acalongo acimjangu, sangalalani. Mpikane yele yingumsalilayi nipo mkolosye yele yayilemale. Mpikangananeje ni kuŵa pa mtendele. Pelepo Mlungu jwacinonyelo ni jwa mtendele tacitama namwe.

Ŵaefeso 6:10

Pambesi nguti, mŵe ŵakulimbangana mwa Ambuje, mwamacili gawo gamakulungwa.

Detulonomo 12:18

M'malo mwakwe jemanja, ŵanace ŵenu ŵamasengo ŵenu pamo ni Alefi ŵali m'misi mwenu, mkalyeje yakupeleka yosopeyi pameso pa AMBUJE Mlungu jwenu, pa malo gamo gitakaŵe ali agasagwile AMBUJE Mlungu jwenujo. Mkaŵeje ŵandu ŵakusangalala ku malo gelego ligongo amkwesisye jemanja pa yambone yosope yimkutenda.

Detulonomo 16:11

Mkaŵe ŵandu ŵakusengwa pameso pa AMBUJE Mlungu jwenu, pamo ni ŵanace ŵenu, ŵakutumicila ŵenu, ngaliŵalila Alefi, acalendo, ŵanace ŵamasije ni acakongwe ŵamasije,* wakutama m'misinda jenu. Cindimba celeci mkatendeleje kumalo gamo gitakasagule AMBUJE kuti mkalambileje gala.

Ŵafilipi 3:3

Uwe ngaŵaga jemanjajo ni ŵitwawumbele kusyesyene, pakuti uwe tukusitumlambila Mlungu mwakulongoleledwa ni Msimu wakwe Ŵaswela. Tukusasengwa mu umpepe wetu ni Klistu* Yesu* soni ngatukusakulupilila yayikutendekwa pa yilu yetu.

Ŵafilipi 4:4

Msengweje mwa Ambuje ndaŵi syosope. Nguwilisya soni kuti, “Msengweje.”

Ŵafilipi 4:8

Pakumalisya, ŵakulupilila acimjangu, mŵiceje mitima jenu pa yindu yiliyose yayili yakuwona, yakucimbicikwa, yakulungama, yayiswela, yakunonyelesya, ni ya ucimbicimbi.

1 Ates 4:1

Pakumalisya, acalongo acimjetu tukumŵenda kusyene kuti, pakuti mwalijiganyisye kwa uwe ndamo syambone syakwenela kumsangalasya Mlungu. Nipo pakuti mkutama ni ndamo syambonesi, myoyo tukumŵenda mnope mu lina lya Ambuje Yesu* kuti mpitilisye kupunda kala.

1 Ates 5:16

Mŵe ŵakusangalala ndaŵi syosope.

Yakobo 1:2

Acalongo acimjangu mŵeje ŵakusengwa pimkusimangana ni yakumlinga yejinji,

1 Petulo 3:8

Pakumalisya ngumsalila kuti mŵeje ŵa mtima umpepe, soni ŵakupikanilana canasa. Mnonyelaneje jwine ni mjakwe, mŵeje ŵambone mtima ni ŵakulinondiya.

1 Petulo 4:13

Nambo msangalaleje pakuti mkupikana yipwetesi pamo ni Klistu, kuti tipaciwoneka lumbili lwakwe, nipo timcisangalala mnope.

2 Petulo 3:1

Ŵakunonyelwa acimjangu mwa Ambuje, aci sambano cili cikalata cangu caŵili cilembele kwa jemanja. Mu yikalata yosopeyi sacile mkulimbisya mitima jemanja kuti mkoleje nganisyo sisyesyene.

1 Sam 2:1

Hana ŵapopesile ŵatite, “Mtima wangu ukusangalala ligongo lya yindu yandendele AMBUJE* Une sambano ngupakombola kwaseka amagongo ŵangu. Une sangalele kwejinji ligongo AMBUJE angulupwisye.