Ŵafilipi 2:7 - Chiyawo Bible

⁷ Jwalakwe ŵalitulwisye mnope pakujigala uwonece wamti mpela wa kapolo, ni kuŵa mundu mpela ŵandu wosope.

Lilangano lya Sambano

⁷ Nambo ŵalesile indu yose yaili yakwe, ŵaliji mpela jwakutumichila, ŵapagwile ni kuŵa mundu mpela ŵandu ŵane.

Ŵafilipi 2:7 Iomraidhean Croise

Masalimo 22:6

Nambo une ndili nyongolosi, nganimba mundu kose; jwakunyosyekwa ni kwaluka ni ŵandu.

Yesaya 42:1

AMBUJE* akuti, “Aju ni jwakutumicila jwangu jungusinamkamucisya, jungusinamnonyela, soni mtima wangu ukusasangalala najo mnope. Pa jwalakwe mbisile msimu wangu, nipo tacilamulila ŵandu ŵa ngosyo syosope mwa cilungamo.

Yesaya 49:3

Ŵasalile kuti, “M'mwe Isalaeli mli jwakutumicila jwangu. Ŵandu tacilumba ligongo lya m'mwejo.”

Yesaya 53:11

Patiyicimala yisawusyo yakweyo, taciwona cakupata cakwe, nipo tacijikutila. Mwa umanyilisi wakwe jwakutumicila jwangu jwakulungamajo tacipocela cilango ca ŵandu wosope kuti ŵajinji mwa jemanja akasasimanikwa soni ŵakulemwa.

Daniele 9:26

Pakumala pa yaka yeleyi jwakusagulidwa jula taciwulajidwa mwangali cilungamo, nambo ngaŵaga ligongo lya jwalakwejo. Likuga lya ngondo lya mlongola jwamacili jutaciyika tilicijonanga msindawo pampepe ni Nyumba ja AMBUJE. Kumala kwakwe tikuciŵa mpela mesi gacikumba, soni tikuciyikasya conasiko ni ngondo, yele yiŵalinganyisye Mlungu.

Sakaliya 3:8

Mpikane sambano, Yoswa, m'mwejo mli jwamkulungwa jwa ŵakutaga mbopesi, mpikane soni jemanja ŵimli ŵakutaga mbopesi, ŵele ŵimli cimanyisyo ca yambone yitiyicitendekwa. Tinjiyika ni jwakutumicila jwangu jwakolanjidwa kuti Nyambi.

Sakaliya 9:9

Msengwe, msengwe, jemanja ŵandu ŵa ku Siyoni!* Mgumile mnope, jemanja ŵandu ŵa ku Yelusalemu! Mlole, mwenye jwenu akwisa kwa jemanja! Akwisa ali ŵakupunda ni jwakwapunda amagongo. Jwalakwejo ali jwakulinandiya nipo akwesile mbunda — mbunda jakwe jili ja mwana ja sampano.

Matayo 12:18

“Aju ni jwakutumicila jwangu junamsagwile, ngusinamnonyela, soni mtima wangu ukusasangalalaga najo kwabasi. Tinjimpa jwalakweju Msimu wangu, Nipo tacilalicila ya cilungamo kwa ŵandu mitundu jine.

Matayo 20:28

Mtendeje mpela muŵatendele Mwanace jwa Mundu, jwalakwejo jwayice ngaŵa kuti ŵane amtumicile, nambo kuti jwalakwejo ŵatumicile ŵandu, ni kupeleka umi wakwe kuti ŵawombole ŵandu ŵajinji.”

Maliko 9:12

Yesu ŵajanjile kuti, “Yakuwona Eliya tacilongola kaje kwika, kuti takolosye soni yosope. Nambo ligongo cici Malemba ga Mlungu gakusala kuti, Mwanace jwa Mundu tacijenela kulaga mnope ni kukanidwa?

Luka 22:27

Ana jwamkulungwa nduni, jwakutama pasi ni kulyaga kapena jwele jwakutumicila? Ana ngaŵaga jwakutumicilidwajo? Nambo une ndili pa sikati penu mpela jwakutumicila.

Yohana 1:14

Liloŵe lyaŵele mundu, ni ŵatemi pasikati petu. Twaluweni lumbili lwakwe, lumbili luŵalupocele mpela mwanace jumope jwa Atati. Mwa jwelejo ŵatulosisye umbone mtima wa Mlungu ni usyesyene.

Ŵaloma 1:3

Ngani Syambonesi sikwamba Ambuje Yesu Klistu Mwanace jwa Mlungu. Sikwamba ya umundu wakwe, nambo soni kuti ŵaliji cisukulu ca Daudi.*

Ŵaloma 15:3

Pakuti Klistu* nganatenda yindu gamba kusaka kulisangalasya msyene, nambo ni mpela muyalembedwele m'Malemba kuti, “Cipongwe ca ŵandu ŵakwanyosya ŵalakwe cingwilile une.”

Ŵaloma 15:8

Pakuti ngumsalila kuti, Klistu ŵaŵele jwakutumicila jwa Ayuda, kusimicisya kuti Mlungu ali jwakulupicika. Ŵasimicisye ya kulupicikako pakutenda yicindu kuŵa yakuwona yiŵatesile Mlungujo* ni acinangolo ŵawo ŵakala ŵala,

Ŵaloma 8:3

Mlungu ŵatesile yele Malamusi giŵalembile Mose* ngimkinigakombola kuyitenda, ligongo ndamo ja ŵandu jakusakala jatendekasisye kuti Malamusi gaŵe gangali macili. Nambo Mlungu ŵamgopwele jemanja piŵatumisye Mwanace jwakwe, jwele juŵayice mu upagwe wa cilu mpela ca uweji ŵandu ŵakulemwa, kukuwugomeka ulemwa.

2 Akoli 13:4

Jwaliji jwakulepetala ndaŵi jiŵamkomelaga pa msalaba, nambope sambano ali cijumi mwamacili ga Mlungu. Uwe soni tuli ŵakulepetala mwa jwalakwe, nambo tuciŵa ni umi pampepe najo ni macili ga Mlungu, pakamula masengo getu pasikati penu.

2 Akoli 8:9

Paja mkumanyilila kusalala mtima kwa Ambuje ŵetu Yesu* Klistu,* kuti atamose ŵaliji ŵakusicila, ŵalitesile kuŵa ŵakulaga ligongo lya jemanja, kuti mkulaga kwakweko jemanja mŵe ŵakusicila.

Ŵagalatia 4:4

Nambo pijakwanile ndaŵi, Mlungu ŵamtumisye Mwanace jwakwe. Jwalakwejo jwapagwile mwa ŵakongwe ni jwayice kutama pasikati pa ŵandu ŵele uŵapikanilaga Malamusi ga Ciyuda,

Ŵafilipi 2:6

Jwalakweju jwakwete upagwe wa umlungu citandilile, nambo nganalinga kulitenda kuŵa mpela jwakulandana ni Mlungu.

Ŵaeblania 12:2

Kwende meso getu gaŵe pa Yesu,* jwele jwali jwakutandisya cikulupi cetu, nipo soni jwakulongolela ni kuciyicisya cikulupi cetu pambesi. Ligongo lya cisangalalo cele cicaliji mkumlindilila, Jwalakwejo ŵapimilile yipwetesi ya pa msalaba. Nganasamala kose kutenda soni ni ciwa camti myoyo, nipo sambano akutama ku mkono wamlyo ku citengu ca Ucimwene wa Mlungu.*

Ŵaeblania 13:3

Mwakumbucileje ŵele ŵali mu ukayidi, nipo mŵe mpela kuti mkulaga nawo yalumo mu ukayidimo. Mwakumbucileje ŵele ŵakulaga, nipo mŵeje mpela mkulaga nawo yalumo.

Ŵaeblania 4:15

Pakuti tukwete jwamkulungwa jwa ŵakutaga mbopesi jwele jwakusatutendela canasa ligongo lya kulepetala kwetu. Nambo Jwamkulungwa jwakutaga mbopesi jwetu jwalinjidwe muyosope mpela mwele uwe tukusalinjidwa, nambo Jwalakwe nganalemwa kose.