Ŵafilipi 2:6 - Chiyawo Bible

⁶ Jwalakweju jwakwete upagwe wa umlungu citandilile, nambo nganalinga kulitenda kuŵa mpela jwakulandana ni Mlungu.

Lilangano lya Sambano

⁶ Namose Kilisito ŵaliji chisau Akunnungu, nambo nganaganichisya kuti kuŵa chisau Akunnungu, chili chindu chakukamulana nacho.

Ŵafilipi 2:6 Iomraidhean Croise

Yesaya 7:14

Ni ligongo lyakwe AMBUJE jikape tacimpa cimanyisyo. Mlole, mwali tacikola cilu mkanatame ni jwamlume, nipo taciŵeleka mwanace jwamlume, nipo mwanacejo tacimpa lina lyakwe Emanuwele

Yesaya 8:8

Amagongo taciyika ku cilambo ca Yuda mpela mugakusasewucila mesi mpaka kuja kwika mu lukosi.” AMBUJE ali ni uwe, tacitenda mpela kutambasukula mapapiko gakwe ni kuwunicila nago cilambo cosope.

Yesaya 9:6

Mwanace atupagwile uwe! Mwanace jwamlume apelecedwe kwa uwe. Nipo taŵe jwakutulamulila. Tacimpa lina lyakuti, “Pungu Jwakusimonjesya, Mlungu jwamacili, Atati ŵangali mbesi, Mwenye jwa Mtendele.”

Yelemiya 23:6

Pandaŵi jitaciŵa mwenye, ŵandu ŵa ku Yuda tacikulupuka, nipo ŵandu ŵa mu Isalaeli tacitama mwa mtendele. Jwele mwenyejo tacimpa lina lyakuti ‘AMBUJE cikulupusyo cetu.’ ”

Mika 5:2

AMBUJE akuti, “M'mwe Betelehemu jwa ku Efulati, m'mwejo mli jimo ja misinda ja mwana mnope ku Yuda, nambo kutyocela mwa m'mwejo tinjiyika ni jwakulamulila pa Isalaeli, jwele ndanda jakwe jili jakalakala mnope.”

Sakaliya 13:7

AMBUJE Ŵamaciligosope akuti, “Mjimuce, m'mwe upanga, ni mlimbane ni jwakucinga jwakungamulila une masengo! Mumwulaje, nipo ngondolo tisipwilingane. Pelepo tinjimenyana nawo ŵandu ŵangu,

Matayo 1:23

“Mwali tacikola cilu mkanatame ni jwamlume, nipo taciŵeleka mwanace jwamlume, nipo mwanacejo tacimpa lina lyakwe Emanuwele,” lilikugopolela kuti, “Mlungu ali ni uwe.”

Yohana 1:18

Kutandilila kalakala pangali atamose jumo juŵam'weni Mlungu, akaŵe Mwanace jumo pejo, jwali jwakulandana ni Mlungu soni ali pakuŵandikana ni Atatigwe, ni jwamtendesye kuti Mlungujo amanyice.

Yohana 10:30

Atati ni une tuli ŵakulumbikana yalumo mpela mundu jumo.”

Yohana 10:33

Ayuda ŵala ŵajanjile kuti, “Uwe ngatukusosa kwasoma wawojo maganga ligongo lya masengo galigose gambone iyayi, nambo ligongo lyakuti wawojo akumlemwecesya Mlungu! Wawo agambile kuŵa mundu wamba, nambo akulinga kulitenda Mlungu wawo asyenepe!”

Yohana 10:38

Nambo naga nguyitenda, atamose jemanja ngamkungulupilila une, nambope akulupilile yitendo yanguyo, pakusosa kuti jemanja m'manyilile kuti Atati ali mwa une ni kuti une ndili mwa Atati.”

Yohana 14:28

Jemanja ŵambikene une ndili mkwasalila kuti, ‘Ngutyoka, nambo tinjiyika soni kwa jemanja.’ Yikaŵe kuti jemanja akunonyela une, jemanja akaliji ŵakusangalala kuti ngwawula kwa Atati, pakuŵa Atati ali ŵakulungwa kumbunda une.

Yohana 14:9

Yesu ŵajanjile kuti, “Une mbele ndili ni jemanja wosope kwa ndaŵi jelewu, ni mosopemo ngamkumanyilila une Filipi? Mundu jwambweni une ŵaweni soni Atati. Nambi ligongo cici mkuŵeceta kuti, ‘Atulosye Atati’?

Yohana 17:5

Atati! Sambano anjimbicisye une pameso pawo, ni lumbili lunakwete pinaliji ni wawojo mkanicipanganyidwe cilamboci.

Yohana 20:28

Tomasi ŵatite, “Ambuje ŵangu ni Mlungu jwangu!”

Yohana 5:18

Ligongo lyakuti Yesu ŵaŵecete yeleyi, acakulungwa ŵa Ciyuda ŵapundile kusosa kumwulaga, ngaŵa ligongo lyakasa Lilamusi lya lisiku lyakupumulape, nambo soni ŵatite kuti Mlungu ŵaliji Atati ŵakwe ni mulyele litalali ŵalilandenye jwalakwe msyene ni Mlungu.

Yohana 5:23

myoyo ŵandu wosope tacimpa ucimbicimbi mwanagwawojo mpela mwakwapela ucimbicimbi Atati. Jwalijose jwangakumcimbicisya Mwanacejo ngakwacimbicisya soni Atati ŵiŵamtumisye Mwanacejo.

Ŵaloma 9:5

Jemanjajo ali yisukulu ya acinangolo ŵetu ŵakala ŵala, soni Klistu ali jwa mtundu wawo malinga ni umundu wakwe. Mlungu jwakusayilamulila yosope acimbicikwe mpaka kalakala. Ami.*

2 Akoli 4:4

Jemanjajo ngakukulupilila, ligongo nganisyo syawo asiŵisile mcipi Satana* jwele jwali mlungu jwa cilambo capasi cino, kogopa kuti taciliwona lilanguka lya Ngani Syambone. Lilanguka likulosya lumbili lwa Klistu,* nipo mwa jwalakwe Mlungu akusawoneka.

2 Akoli 8:9

Paja mkumanyilila kusalala mtima kwa Ambuje ŵetu Yesu* Klistu,* kuti atamose ŵaliji ŵakusicila, ŵalitesile kuŵa ŵakulaga ligongo lya jemanja, kuti mkulaga kwakweko jemanja mŵe ŵakusicila.

1 Timoseo 1:17

Lumbili ni ucimbicimbi yiŵe kwa Mlungu kutandila sambano mpaka kalakala. Jwalakwejo ali mwenye jwa mpaka kalakala, jwangawoneka nambo soni jwangawa, jwalakwejo jikape ali Mlungu. Ami.*

1 Timoseo 3:16

Pangali jwine mpaka akane ya asili ya dini jetu jekulungwa: “Jwalakwe jula jwawonecele ali cilu ca mundu, Msimu Ŵaswela ŵamtendele umboni kuti ali jwakulungama, malayika* gamŵeni. Ŵalalicidwe pasikati pa ŵandu ŵa mitundu josope, nipo ŵandu ŵa pacilambo cosope capasi ŵamkulupilile, jwalakwejo jwajigalidwe kwawula kwinani mu lumbili.”

Tito 2:13

pajatu tukulindilila lisiku lya upile, pitiyicitendekwa yindu yitukwembecela, pele Mlungu jwamkulungwa ni Mkulupusyo jwetu Yesu* Klistu* tacilosya lumbili lwakwe.

Ŵaeblania 1:3

Jwalakwe ali lilanguka lya lumbili lwa Mlungu soni ali ciwilili cisyesyene cakulosya ndamo sya Mlungu. Jwalakweju akuyijangata yosope ni maloŵe gakwe ga macili. Piŵamasile kwakululucila ŵandu yakulemwa yawo, ŵapite kukutama kwinani, ku mkono wamlyo wa lumbili lwa Mlungu.

Ŵaeblania 1:6

Nambo katema kiŵamjinjisyaga Mwanagwe jwandanda kupagwa pa cilambo pano, Mlungu ŵatite kuti, “Malayika gosope ga Mlungu ga mlumbeje jwalakwejo.”

Ŵaeblania 1:8

Nambo ya Mwanagwe Mlungu ŵatite kuti: “Wawo Mlungu, citengu cawo ca ucimwene ticiciŵa cangamala kwa yaka yosope, nipo mkusalamula mwacilungamo mu ucimwene wenu.

Ŵaeblania 13:8

Yesu* Klistu* ali jujojo liso, lelo ni ku ndaŵi jangali pambesi.

Chunukuko 21:6

Nipo ŵasalile une soni kuti, “Yindu yosope yeneyi yimasile kutendekwa. Une ndili Alefa ni Omega, gopolela kuti jwandanda ni jwakumalisya. Jwalijose jwajimkwete njota, tinjimpa mesi galulele gakutyocela pa nduluko sya mesi gakupeleka umi.