Ŵafilipi 2:5 - Chiyawo Bible

⁵ Myoyo yimkusatenda yiŵeje mpela yiŵatesile Klistu Yesu.*

Lilangano lya Sambano

⁵ Nkolanje ntima uwowo waalinawo Kilisito Yesu.

Ŵafilipi 2:5 Iomraidhean Croise

Matayo 11:29

Twicilani likongwa lyangu nipo mlijiganye kwa une, pakuti ndili jwakutulala mtima ni jwakulinandiya; naga mkutenda yingumsalilayi, timcisimana cipumulisi ca umi wenu.

Luka 22:27

Ana jwamkulungwa nduni, jwakutama pasi ni kulyaga kapena jwele jwakutumicila? Ana ngaŵaga jwakutumicilidwajo? Nambo une ndili pa sikati penu mpela jwakutumicila.

Masengo 10:38

Akumanyilila ya Yesu jwa ku Nasaleti kuti Mlungu ŵampungulile jwelejo Msimu Ŵaswela ni macili. Ŵapite ku malo galigose ali mkutenda masengo gambone ni kwaposya ŵandu wosope ŵiŵaliji m'myala mwa Satana,* ligongo Mlungu ŵaliji najo.

Masengo 20:35

Pa yosope yinamlosisye, kuti pakamula masengo mwakulimbicila myiyi, tukwenela kwakamucisya ŵandu ŵakwete macili panandi, mkumbucile maloŵe agala ga Ambuje Yesu gakuti, ‘Kupeleka kukusampa upile mundu kulekangana ni kupocela.’ ”

Ŵaloma 14:15

Naga mlongo mjenu mkumdandawulisya ligongo lya cakulya ca mtundu wine wakwe, ni kuti yimkutenda m'mwejo yikulosya kuti ngimkunonyela jwalakwejo. Kasimkunda kuti yakulya yimkusalya yimjonanje mundu jwele Klistu ŵam'wilile!

Ŵaloma 15:3

Pakuti Klistu* nganatenda yindu gamba kusaka kulisangalasya msyene, nambo ni mpela muyalembedwele m'Malemba kuti, “Cipongwe ca ŵandu ŵakwanyosya ŵalakwe cingwilile une.”

Ŵaloma 15:5

Mlungu jwakusapeleka macili kwa ŵandu kuti mpakombole kupilila ni kwalimbisya mitima, amkamucisye jemanja kupikanganana cenene, pakukuya cisyasyo ca Klistu Yesu,*

1 Akoli 10:33

Mtendeje mpela mungusatendela une. Ngusalinga kwanonyelesya ŵandu wosope mu yosope. Jwangalisosela jika yambone, nambo ngusinasosela ŵandu wosope yambone, kuti akulupuce.

Ŵaefeso 5:2

Mnonyelaneje, mpela mwele Klistu* ŵatunonyele uwe, ni ŵapelece umi wakwe ligongo lyetuwe mpela mbopesi jakununjila jakusangalasya Mlungu.

Ŵafilipi 1:1

Cikalataci cikutyocela kwa une Paulo ni Timoteo, ŵatuli ŵakutumicila ŵa Yesu* Klistu.* Tukulembela cikalataci kwa ŵandu wosope ŵa mu msinda wa Filipi* ŵali mu umpepe ni Klistu Yesu nambo soni kwa acimlongola sikati ja acakulungwa ŵa mpingo* ni ŵakwakamusya.

1 Petulo 2:21

Mlungu ŵamŵilasile jemanja kuti mtameje mu ndamo jamti myiyiji. Pakuti Klistu ŵayipikene yipwetesi ligongo lya jemanja, ni kumlecela cisyasyo kuti mkuyeje sajo syakwe.

1 Petulo 4:1

Sambano pakuti Klistu* ŵapikene yipwetesi mcilu mwakwe, mlilimbisye mwasyene mu kuganisya kwenu, ligongo mundu jwalijose jwakupikana yipwetesi mcilu mwakwe, ni kuti alekangene ni ulemwa.*

1 Yohana 2:6

Jwalijose jwakuŵeceta kuti ali mwa Mlungu, yitendo yakwe yilandaneje ni yiŵatendaga Yesu.