Ŵafilipi 2:3 - Chiyawo Bible

³ soni mkatendaga kandu ni mtima wakulinonyela, kapena wakulikwesya. Nambo mŵeje ŵakulinondiya, soni jwalijose amwoneje mjakwe kuti ali jwakumpunda jwalakwejo.

Lilangano lya Sambano

³ Kasintenda chindu chachili chose kwa kukangana atamuno kwa kulikanganichila nambo nlitulusye jwine kwa jwine, jwalijose ammalanjile njakwe jwambone kumpunda nsyene.

Ŵafilipi 2:3 Iomraidhean Croise

Misyungu 13:10

Cipongwe ca ŵandu ŵa mwano cikusatandisya njojo, nambo ŵandu ŵakusapikanila msyungu wa acimjawo ni ŵakwete lunda.

Luka 18:14

Yesu ŵatite, “Ngumsalila kuti jwakomesya msongoju ŵajawile kumangwakwe ali jwamkululucidwe ulemwa* wakwe kupunda Mfalisijo, pakuti jwalijose jwakulinondiya tacimkwesya, ni jwakulikwesya tacimtulusya.”

Ŵaloma 12:10

Mnonyelaneje jwine ni mjakwe, ni kwacimbicisya ŵane kupunda mumkusatendela mwasyene.

Ŵaloma 13:13

Kwende sambano ndamo syetu siŵeje syambone, mpela ŵandu ŵakusatama mu lilanguka. Pakapagwa kutunduka kapena kukolelwa, pakapagwa ya lilama kapena cisembwele, pakapagwa ya ndeu kapena wiwu.

Ŵaloma 2:8

Nambo tacapila mtima ni kwatumbilila ŵandu ŵali ŵakulinonyela acimsyene ni kukana kutenda yili yakulungama ni kusakaga kutendaga yangalumbana.

1 Akoli 15:9

Unetu ndili jwamnondi mwa ndumetume* syosope. Nganimba jwakwenela kose kuŵilanjidwa kuti ndumetume, pakuti nawulagasisye Mpingo* wa Mlungu.

1 Akoli 3:3

ligongo lyakuti mkunonyelape yindu yapasi pano. Pasikati penu pana wiwu ni ukangani. Ana yeleyi ngayikusimicisya kuti jemanja mkupelenganya kuyinonyela ya pasi pano, soni mkusatenda mpela mwakusatendela ŵandu ŵakwamba kunonyela kutenda yindu ya pasi pano?

2 Akoli 12:20

Ngogopa kuti patinjiyikapo kweleko, mwine tinjimsimana mli ŵakulekangana ni mwele mungusacila une ni mwine soni jemanja ni kusimana une jwakulekangana ni mwele mumkusacila jemanja. Ngogopa soni kuti mwine une ndakusimana kukangana, kupya mtima, kulinonyela, wiwu, kwalusyana ni kusogodana, misece ni njojo.

Ŵagalatia 5:15

Nambo naga mkutanda kulumana ni kulyagana mwacimsyene mpela m'mbwa, mkalamuce, kogopela kuti mtakuwulasyana mwacimsyenepe.

Ŵagalatia 5:26

Tukaŵa ŵakulikwesya, kapena kwatanda ŵandu ŵane, kapena kutendelana wiwu jwine ni mjakwe.

Ŵaefeso 4:2

Mŵeje ŵakulinondiya, ŵakutulala nipo soni ŵakupilila ndaŵi syosope, mwusimaneje mtima wenu mwa cinonyelo kwa jwine ni mjakwe.

Ŵaefeso 5:21

Jemanja ŵakumjogopa Klistu, mpikangananeje jwine ni mjakwe.

Ŵafilipi 2:14

Mtendeje yosope yene mwanganyinyilika ni mwangasisya,

Ŵakolosai 3:12

Pakuŵa jemanja mli ŵandu ŵa Mlungu, nipo Jwalakwe ŵamnonyele nipo soni ŵamsagwile kuŵa ŵakweŵakwepe, mŵeje ŵandu ŵacanasa, ŵambone mtima, ŵakulinandiya, ŵakuweŵa ni kupilila.

Ŵakolosai 3:8

Nambo sambano mkasimtenda yosopeyi, mpela kutumbila, lupuso ni misece. Pakamwa penu pakusakolangaga maloŵe gakutukana kapena gakusakala.

1 Timoseo 6:4

Mundu jwamti myiyiju ali jwakulikwesya ni jwangamanyilila kandu kalikose. Mtima wakwe uli wakulwala wagamba kusaka yakusisyanasisyana ni kukangana mtande wa maloŵe. Yeleyi yikusayikasya wiwu, uŵengani, kulalatilana, nganisyo syakusakala

1 Petulo 3:8

Pakumalisya ngumsalila kuti mŵeje ŵa mtima umpepe, soni ŵakupikanilana canasa. Mnonyelaneje jwine ni mjakwe, mŵeje ŵambone mtima ni ŵakulinondiya.

1 Petulo 5:5

Myoyo soni jemanja acacanda mwapikanileje acakulungwa. Soni jemanja wosope, mŵeje ŵa cile kutumicila mwakulinondiya. Pajatu yilembedwe m'Malemba kuti, “Mlungu akusiŵasisya ŵakulikwesya, nambo akusiŵasalalila mtima ŵakulinondiya.”