Ŵafilipi 2:25 - Chiyawo Bible

²⁵ Nganisisye kuti kuli kwakusosekwa kuti nimtumicisye jemanja, Epafulodito jwakulupilila mjetu, jwele jwakamwile masengo mwakulimbika mnope pampepe ni une soni jwele jwatumicile mpela ndumetume, jwakundumicila payakusoŵa yangu.

Lilangano lya Sambano

²⁵ Nambo yamajile kummusya kukwenu nlongo njetu che Epaflodito katumetume njangu pa masengo ga kujichenjela Ngani Jambone. Iyoyo ali jwantenga jwenu jumwantumile achenjeuchile yaikuusoŵa.

Ŵafilipi 2:25 Iomraidhean Croise

Misyungu 25:13

Mpela mesi gakusisima cenene pa ndaŵi ja citukuta, yalumo soni ali jwamtenga jwakulupicika kwa ŵandu ŵamtumile, elo, akusasisimisya umi wa acambujegwe.

Yohana 13:16

Une ngumsalila jemanja yakuwona kuti: pangali acikapolo ŵakusaŵa ni ulamusi wakwapunda ambuje wawo, nipo soni jwakutumidwa ngaŵa kumpunda mkutumajo.

Yohana 17:18

Une natumisye jemanjajo ku cilambo capasi, mpela soni muŵandumicisye une ku cilambo capasi.

Ŵaloma 16:3

Mumbelecele moni kwa Pulisila ni Akwila, ŵele ŵali acimjangu ŵakusamtumicila Klistu* Yesu* pampepe ni une.

Ŵaloma 16:9

Mumbelecele soni moni kwa Ulibano, jwakutumicila mjetu pa masengo ga Klistu, nambo soni Sitakisi jungusamnonyela.

1 Akoli 3:9

Pakuti uwe tuli ŵakupanganya masengo ga Mlungu pampepe nipo jemanja mli mgunda wa Mlungu. Jemanja soni mli nyumba ja Mlungu.

2 Akoli 2:13

Nambo nadandawile mnope, ligongo nganinamsimana Tito, mlongo mjangu. Pelepo nalanjile ŵanduwo kweleko, ni napite ku Masedoniya.

Ŵafilipi 2:26

Nambo sambano akumsacilila kumwona jemanja, mwakuti jwakulagasika mu mtima pakumanyilila kuti jemanja mwapikene kuti jwalakwejo akulwala.

Ŵafilipi 4:18

Ngusimicisya kuti napocele yosope yimwambele une, nipo yaliji yejinji. Sambano ngwete yosope yakusosekwa, pakuti mbocele kutyocela kwa Epafulodito yimwandumicisye yila. Yili mpela cakupeleka ca liwungo lyambone kwa Mlungu, mbopesi jajili jakupoceledwa ni kumsangalasya jwalakwejo.

Ŵafilipi 4:3

M'mwe mjangu jwakulupicika pakamula masengo, ngumŵenda kuti mwakamusye acakongweŵa akamulane; pakuti jemanjaji akamwile masengo mwakulimbangana gakwasalila ŵandu ya Ngani Syambone* pamo ni une ni Klementi ni acimjenu ŵane ŵakamula nawo masengo. Mena ga ŵandu ŵiŵangamucisye uneŵa galembedwe mu buku ja umi.

Ŵakolosai 1:7

Mwalijiganyisye yeleyi kutyocela kwa Epafula, jwakutumicila mjetu jwakunonyelwa. Jwalakwe jula akumkamulila masengo Klistu mwakulupicika m'malo mwetuwe.

Ŵakolosai 4:11

Akuti soni moni Yesu,* jwakolanjidwa Yusito. Mwa ŵandu ŵa Ciyuda apali ŵandu ŵatatu ŵele ŵakungamucisya masengo ga Ucimwene wa Mlungu,* nipo ŵaliji mkungamucisya mnope.

1 Ates 3:2

Myoyo twamtumisye Timoteo, mlongo njetu jwakamula masengo ga Mlungu ni uweji gakulalicila Ngani Syambone* sya Klistu.* Twamtumisye kuti tamlimbisye mitima ni kumkamucisya mcikulupi cenu,

Filimoni 1:24

Akuti soni moni acimjangu ŵangukamula nawo masengo, Maliko,* Alisitaliko, Dema ni Luka.

Ŵaeblania 3:1

Acalongo acimjangu, ŵamli ŵaswela mtima ni kuŵilanjidwa ni Mlungu. Mganicisye cenene ya Yesu,* juŵamtumisye Mlungu kuŵa jwamkulungwa jwa ŵakutaga mbopesi* jwa cikulupi cele citukweteci.