Ŵafilipi 2:21 - Chiyawo Bible

²¹ Ŵane wosopewo agamba kusosa yakwanonyelesya acimsyene pewo, ngaŵaga yakumnonyelesya Yesu Klistu.

Lilangano lya Sambano

²¹ Ŵandu ŵampepe akusosasosa kupoka kwao achinsyene pe, ngakuchenjeuka ni Ngani sya Che Yesu Kilisito.

Ŵafilipi 2:21 Iomraidhean Croise

2 Ayi 12:6

Nambo picakwanaga caka ca 23 ca ucimwene wa Yowashi, ŵakutaga mbopesi ŵala ŵaliji mkinakolosyepe Nyumba ja AMBUJEJO.

Yesaya 56:11

Ali mpela m'mbwa sisimkwete mnope sala, syangajikuta kose. Acimlongola nombe nawo ali ŵangali lunda. Ŵaliwose akusatenda mwakusosela, nipo akusasosa yakwanonyela jika.

Mala 1:10

Myoyo AMBUJE Ŵamaciligosope akupitilisya kuŵeceta kuti, “Yikaliji cenene mnope kuti jumo jwa jemanja awugale matanga ga Nyumba jangu, kogopela kuti jine jwa jemanja akapamba moto wangali mate pa malo gangu gakupelecela mbopesi. Ngingusengwa ni jemanja; ngisimbocela yakupeleka yenu yimkwika nayo kwa une.

Matayo 16:24

Papopo Yesu ŵasalile ŵakulijiganya ŵakwe kuti, “Mundu jwakusaka kunguya une, akuŵajilwa kuliliŵalila msyene, nipo atwicile msalaba wakwe ni kunguya.

Luka 14:26

“Naga jwalijose akusaka kuŵa jwakulijiganya jwangu, akwenela kunonyela une kwapunda babagwe ni mamagwe, ŵamkwakwe ni ŵanace ŵakwe, acakulugwe ni acalumbugwe, soni kuwupunda atamose umi wakwe.

Masengo 13:13

Paulo ni acimjakwe ŵajesile mcombo kutyocela ku Pafosi ni ŵayice ku Peliga m'boma ja Pamfiliya. Nambo Yohane Maliko ŵalesile acimjawowo ni kuwujila ku Yelusalemu.

Masengo 15:38

Nambo Paulo ŵaganisisye kuti ngayiŵa yambone kumjigala mundu jwele juŵalesile jemanjajo ku Pamfiliya, nipo ngajawula nawo ku masengo.

1 Akoli 10:24

Mundu akagambaga kulisosela jikape yambone, nambo mnopemnope ŵasosele acimjakwe yambone.

1 Akoli 10:33

Mtendeje mpela mungusatendela une. Ngusalinga kwanonyelesya ŵandu wosope mu yosope. Jwangalisosela jika yambone, nambo ngusinasosela ŵandu wosope yambone, kuti akulupuce.

1 Akoli 13:5

Cinonyelo cangatenda cipongwe, cangalinonyela, cangatumbila, soni cangasunga ngani naga jwine acilemwecesye.

2 Akoli 1:5

Pakuti tukugaŵana yipwetesi yejinji pampepe ni Klistu, myoyo soni Klistu akusatulimbisya mtima mnope.

Ŵafilipi 2:4

Mkagamba kusaka yindu yayikumnonyelesya m'mwejo jikape, nambo soni yayikwanonyelesya ŵane.

2 Timoseo 1:15

Mkumanyilila kuti ŵandu wosope ŵa cilambo ca Asiya* ŵandesile une, nipo ŵane ŵa jemanjajo ni Figelo ni Helemogene.

2 Timoseo 3:2

Ŵandu taciŵa ŵakulinonyela acimsyene, ŵakunonyela mbiya, ŵakulikwesya, ŵakulalata ni mbwinya, ŵangapikanila acinangolo ŵawo, ŵangatogolela, soni ŵakusakasya yindu ya Mlungu.

2 Timoseo 4:10

Pakuti Dema anonyelwe ni yapasi pano, nipo andesile apite ku Atesalonika. Klesike ŵapite ku Galatiya,* nipo Tito ŵapite ku Dalimatiya.

2 Timoseo 4:16

Pinaliji mkulicenjela pa magambo gangu pandanda pala, paliji pangali mundu atamose jumo jwele juŵayice kukungamucisya, wosope ŵagambile kundeka jikape, Mlungu ŵakululucile.