Ŵafilipi 2:16 - Chiyawo Bible

¹⁶ pakwasalila jemanjajo maloŵe gakupeleka umi. Myoyo une tinjikola ligongo lyakusengwela pa Lisiku lya Kuyika soni kwa Klistu, ligongo yimtesile jemanja tiyicilosya kuti nganimbutuka mwa mtega pa mpikisano wakuwutuka, kapena kukamula masengo mwa mtawu kwa mtega.

Lilangano lya Sambano

¹⁶ akuno nli nkamulile uchenene liloŵe lyalikwichisya umi. Mwapanganyaga yeleyo chingole chindu chakulifunila kukwenu pa lyuŵa lya kuuja kwa Kilisito, pakuŵa chichiŵe chimanyisyo chakulosya kuti, kulimbila kwangu, ni masengo gangu, nganigaŵa ga bule.

Ŵafilipi 2:16 Iomraidhean Croise

Masalimo 40:9

Nalalicile ngani syambone sya umbone wawo pa msongano wawukulungwa; alole, nganisiŵa pakamwa pangu, mpela mwakumanyilila ŵalakwe AMBUJE.

Masalimo 71:17

Ŵalakwe Mlungu, anjiganyisye une kutandilila ucanda wangu, ni ngulalicilape ya masengo gawo gakusimonjeka.

Yesaya 49:4

Nambo natite kuti, “Ngamwile masengo gangali cakupata. Macili gangu gagambile kupita pacabe.” Nambope yakumbajila une yili m'myala mwa AMBUJE, mbote jangu jili m'myala mwa Mlungu jwangu.

Matayo 10:27

Yingumsalila pacisyepela, jemanja mkayisalicisyeje pakulanguka, soni yimyipikene mwakusongona, jemanja mkayijenesyeje kwa jwalijose.

Luka 12:8

“Ngumsalila kuti mundu jwalijose jwakunjiticisya une pameso pa ŵandu, nombe najo Mwanace jwa Mundu* tacimjiticisya jwelejo pameso pa Malayika* ga Mlungu.

Yohana 6:63

Msimu wa Mlungu ni ukasiwupelekaga umi, macili ga ŵandu ngaŵa mkutenda cilicose. Maloŵe gimbecete kwa jemanja gakwatendesya kuti akole Msimu wa Mlungu ŵakupeleka umi.

Yohana 6:68

Simoni Petulo ŵamjanjile kuti, “Ambuje, mpaka tujawule kwa ŵani? Wawojo akwete maloŵe gakupeleka umi wangamala.

Masengo 13:26

“Acalongo acimjangu Aisalaeli, yisukulu ya Abulahamu,* ni ŵane wosope ŵakogopa Mlungu, utenga wacikulupusyo atutumicisye uwe.

1 Akoli 1:8

Jwalakwejo tacimlimbisya jemanja mpaka pa lisiku lya mbesi, kuti timsimanikwe mli ŵangali magambo pa lisiku litaciyika Ambuje ŵetu Yesu Klistu.

1 Akoli 9:26

Ali ni ligongo lyakwe ngusawutuka mpela mundu jwakumanyilila cakulinga cakwe. Ali ni ligongo lyakwe ndili mpela mundu jwakusatenda mpikisano wakumenyana jwakusaputa mwangakulusya.

2 Akoli 1:14

mpela mwatandite kala kutumanyilila panandi, tacitumanyilila mnope, mnopemnope pa lisiku lya Ambuje Yesu tacikombola kutusangalalila uwe, soni nowe ŵakwe tucimsangalalila jemanja.

Ŵagalatia 2:2

Napite kweleko ligongo Mlungu ŵaliji ali asalile kuti njawule. Mu msongano unakwete ni acimlongola ŵa mpingope mwakusisika, nalondecesye Ngani Syambone* simbele ndili mkulalicila kwa ŵandu ŵa mitundu jine.* Nambo natesile yeleyi ligongo nganisakaga kuti masengo ginatendagaga, nambo soni ginatesile kala kuti gakatendekwa kuŵa gangali mate.

Ŵagalatia 4:11

Ndili jwakudandawula ligongo lya jemanja. Ana yili yisyene kuti masengo gandesile sikati ja jemanja gali gangali mate?

Ŵafilipi 1:10

kuti pakutenda myoyo timpakombole kusagula ayo yayili yambone mnope. Pa Lisiku lyakwika kwa Klistu timcisimanikwa mli ŵaswela mtima, nambo soni ŵangali cileŵi cilicose.

Ŵafilipi 1:6

Ngusimicisya soni kuti Mlungu, juŵatandite kutenda yindu yambone mwa jemanja, tapitilisye kukamula masengo gambone mwa jemanja mpaka ali agamalisisye pa Lisiku litaciwuja Yesu Klistu.

1 Ates 2:19

Ana pameso pa Ambuje ŵetu Yesu, cici ticiciŵa cembeceyo cetu, lukondwa lwetu, ni mbote jakuti uwe tutupocele, Ambuje Yesu pitaciyikapo? Ana ngaŵa jemanjamwe?

1 Ates 3:5

Ni ligongo lyakwe, pinalepele kupilila namtumisye Timoteo kuti ayice kukulola muciŵelele cikulupi cenu. Pakuti najogopaga kuti mwine Satana,* jwakunyenjelela jula, ŵamnyenjelele, nipo kuti masengo getu gosope pasikati penupa tigaciŵa gangali mate.

Ŵaeblania 4:12

Paja maloŵe ga Mlungu gali ga umi soni gakusakamula masengo mwamacili, gali gakutema mpela upanga wakutema kosekose. Gakusapowola mpaka mwakulumbikanila umi ni msimu, ni soni mwakulumbikanila mbindi ni mawuta ga mawupa. Gakusajamuka atamose yele ŵandu akuganisya ni yakusayisakaga m'mitima jawo.

1 Petulo 1:23

Pakuti kupitila mu maloŵe ga Mlungu gagakusapeleka umi jemanja mpagwile soni mwasambano mpela ŵanace ŵa nangolo jwele jwali jwakulama cilamile ngaŵa jwakonasika.

1 Yohana 1:1

Tukumlembela jemanja ya Jwalakwe jula jwele juŵapali kutyocela pandanda pene picapanganyidwaga cilambo capasi, jwele jutwampikene, kumwona ni meso getu ni kumkwaya ni magasa getu. Jwalakwejo ali Liloŵe lyakupeleka umi.

Chunukuko 22:17

Msimu Ŵaswela ni jwamkongwe jwa ulombela akuti, “Myice!” Jwalijose jwakugapikana maloŵega aŵecete kuti, “Myice!” Jwalijose jujimkwete njota, ayice; jwalijose jwakugasosa mesi agapocele mwalulele mesi gakupeleka umi.