Ŵafilipi 2:13 - Chiyawo Bible

¹³ Mlungu akukamula masengo mwa jemanja, msoseje ni kutenda yayili yakumsangalasya jwalakwejo.

Lilangano lya Sambano

¹³ Pakuŵa Akunnungu akupanganya masengo munkati mwenu ni kumpa ntima wakusaka ni ukombole wa kupanganya aila yakuisaka asyene.

Ŵafilipi 2:13 Iomraidhean Croise

1 Ayi 8:58

Ajigalawusye mitima jetu kuti tuŵe ŵandu ŵakwapikanila, ni kugasunga maloŵe, malamusi ni majiganyo gawo, gele giŵapele acinangolo ŵetu.

2 Mbi 30:12

Mlungu ŵakamucisye ŵandu ŵa ku Yuda, nipo wosopewo ŵaliji ŵa mtima umpepe wakutenda yele yiŵalamulaga mwenye ni nduna syakwe, mpela muŵaŵecetele AMBUJE.

Esala 1:1

Mcaka candanda ca Sailasi mwenye jwa ku Pelesiya, AMBUJE* ŵakwanilisye yiŵaŵecete kupitila mwa jwakulocesya* Yelemiya. AMBUJE ŵaŵisile nganisyo mu mtima mwa Sailasi kuti ajenesye utenga wa pakamwa ni wakulemba kuti ukaŵalanjidwe mu ucimwene wakwe wosope wakuti:

Esala 1:5

Kaneko acimlongola ŵa maŵasa ga lukosyo lwa Yuda ni lwa Benjamini, ŵakutaga mbopesi, Alefi ni ŵandu wosope ŵiŵaŵilanjidwe ni AMBUJE ni kwaŵika nganisyo m'mitima mwawo, ŵaliji cile kwawula ku Yelusalemu kukutaŵa Nyumba ja AMBUJE.

Esala 7:27

Esala ŵatite, “Ngwalumba AMBUJE, Mlungu jwa acinangolo ŵetu! Aŵisile lunda lwamti myiyi mu mtima wa mwenye kuti apelece ucimbicimbi ku Nyumba ja AMBUJE ku Yelusalemu.

Nehemiya 2:4

Kaneko mwenye ŵambusisye kuti, “Ana sambano mkusaka cici?” Pelepo une napopesile kwa Mlungu,

Yobu 33:29

Yili yisyene kuti Mlungu akusiŵatendela yeleyi ŵandu kaŵilikaŵili.

Masalimo 110:3

Ŵandu ŵenu tacilipeleka acimsyene pa lisiku litimcilosya macili genu petumbi lyaliswela. Acacanda ŵenu taciyika kwa m'mwejo mpela mugakuyicila mangame ga kundaŵi.

Masalimo 119:36

Awujiganye mtima wangu kuti uganonyele malamusi gawo, ngaŵa cipanje.

Masalimo 141:4

Akakunda kuti mtima wangu usose yangalumbana, ngalipeleka ku ŵandu ŵakutenda yangalumbana, Ngajigala mbali pa yindimba yawo.

Misyungu 21:1

Mtima wa mwenye uli mpela lusulo lwa mesi m'myala mwa AMBUJE,* akuwujongolela ku yakusaka jwalakwejo.

Yesaya 26:12

AMBUJE, akatupa mtendele ligongo lyakuti yiliyose yitukusatenda, akusatulinganyicisya ni ŵalakwe.

Yelemiya 31:33

Nambo cilanga citinjitenda ni ŵandu ŵa ku Isalaeli paticigamala masiku gelego ni aci: Tinjiŵika malamusi gangu mwa jemanjajo, mwakuti tinjitenda kugalemba m'mitima mwawo. Myoyo une tinjiŵa Mlungu jwawo, nipo jemanjajo taciŵa ŵandu ŵangu.

Yelemiya 32:38

Jemanjajo taciŵa ŵandu ŵangu, nipo une tinjiŵa Mlungu jwawo.

Luka 12:32

Mkasimjogopa jemanja ŵakulijiganya ŵangu ŵa panandi, yanonyelesye Atati ŵenu kuti ampe ucimwene wa kwinani.

Luka 2:14

“Ucimbicimbi uŵe kwa Mlungu kwinani ni mtendele pa cilambo capasi pano kwa ŵandu ŵakunonyelwa ni Mlungu.”

Yohana 3:27

Yohane ŵajanjile kuti, “Pangali mundu jwampaka akole cilicose naga Mlungu nganacipeleka kwa jwalakwe.

Yohana 6:45

Jumo jwa ŵakulocesya ŵalembile kuti, ‘Mlungu ni jutacajiganya wosope.’ Jwalijose jwakwapikana Atati ni kulijiganya kutyocela kwa ŵelewo akwika kwa une.

Yohana 6:65

Yesu ŵapitilisye kuti, “Ali ni ligongo lyakwe namsalile jemanja kuti, pangali jwalijose jwampaka apakombole kwika kwa une akaŵe Atati amtendesye jwalakwejo kuti apakombole kutenda myoyo.”

Masengo 11:21

Macili ga Ambuje galiji pa jemanjajo, nipo ŵandu ŵajinji ŵakulupilile ni ŵagalawucile kwa Ambuje.

Ŵaloma 12:3

Ligongo lya umbone mtima wa Mlungu, jwalakwejo ŵasagwile une kuti mbe ndumetume,* ngumsalila jemanja wosope kuti mkalitenda kuti mli ŵalunda kupunda mumŵelele. Mnopemnope mŵeje ŵakulitimalika mu kuganisya kwenu, mwakulingana ni winji wa cikulupi capelece Mlungu kwa jwalijose jwa jemanja.

Ŵaloma 9:11

Atamose ŵanacewo mkinapagwe, ni kuti mkanatende cambone kapena cakusakala, Mlungu ŵasacilepe kuti cakulinga cakwe cakusagula mundu jumo cipelenganye, ngaŵaga ligongo lya masengo ga mundujo nambo ligongo lyakuti Mlungu ŵamŵilasile jwele mundujo.

Ŵaloma 9:16

Cacikulungwa ngaŵaga yakuyisaka mundu, kapena yakusalinjilila kuyitenda, cekulungwa mnope cili canasa ca Mlungu.

1 Akoli 12:6

Pana macili gakulekanganalekangana gakutumicila, nambo Mlungu ali jumope jwakusakamulisya macili gosopego mwa mundu jwalijose.

1 Akoli 15:10

Nambo kupitila mu umbone mtima wa Mlungu, une ndili mpela mumbelele muno. Umbone mtima wa jwalakwejo ngaŵaga kuti waliji wangali mate, pakuti ngamwile masengo kwapunda ŵandumetume ŵane wosope. Nambo ngaŵagatu une ni unagakamwile masengogo, nambo macili ga Mlungu giŵambele mwa umbone wakwe mtima.

2 Akoli 3:5

Pakuti mwetuwe jika mwangali kandu kampaka katutendekasye kuti tukombole kamula masengo pa jika twacimsyewe. Macili gatukwete gakutyocela kwa Mlungu.

Ŵaefeso 1:11

Pakuti Mlungu akusajongolela yindu yosope mwakusosela msyene. Jwalakwe ŵatusagwile mwa Klistu kuti tuŵe ŵakweŵakwepe, nipo ŵayitesile kuti yiŵe myoyo.

Ŵaefeso 1:5

Ligongo lya kutunonyela, ŵalinganyicisye cilepe kuti mwa Yesu Klistu atupocele kuŵa ŵanace ŵakwe. Ŵatesile yeleyi ligongo ŵasacile.

Ŵaefeso 1:9

Mlungu ŵayitesile yele yiŵayisosile. Ŵatumanyisye uwe yiyaliji yakusisika yele yiŵayisacile kuyimalisya kupitila mwa Klistu.

Ŵaefeso 2:8

Ni umbone mtima wa Mlungu ni wele wamkulupwisye ligongo lya kulupilila. Ngaŵa kuti mkulupwice ligongo lya yele yimwatesileyo iyayi, nambo uli mtuka wa Mlungu.

2 Ates 1:11

Ali ni ligongo lyakwe tukusampopelela jemanja ndaŵi syosope, kuti Mlungu jwetu amtendekasye jemanja kuŵa ŵakwenela pa umi uŵamŵilanjile jemanja. Tukusapopela soni kuti ni macili gakwe amlimbikasye jemanja kutenda yindu yambone yosope yimwasakaga kuyitenda ni masengo gakusimicisya cikulupi cenu.

2 Timoseo 1:9

Jwalakwe ŵatukulupwisye, ni ŵatuŵilasile kuti tuŵe ŵandu ŵakwe. Nganatenda yeleyi ligongo lyakuti uwe twatesile yindu yambone iyayi, nambo ligongo lyakuti msyenejo ŵatendele cilepe yeleyi mwakusaka kwakwe ni umbone mtima wakwe mwa Klistu Yesu ndaŵi mkanijitande,

Ŵaeblania 13:21

Mlungujo ampe yambone yosope yimkuyisoŵa jemanja kuti mtendeje yele yakuyisaka Jwalakwe. Nipo mwa Yesu Klistu ayitende mwetuwe yele yikumsangalasya, Klistujo aŵe ni ucimbicimbi ŵangali pambesi. Ami.*

1 Petulo 1:3

Kwende tumtogolele Mlungu Atati ŵa Ambuje ŵetu Yesu Klistu. Jwalakwejo mwa canasa cakwe cekulungwa ŵatupele umi wasambano pakumjimusya Yesu Klistu kutyocela ku ŵawe. Yeleyi yikusatulimbikasya mtima