Ŵafilipi 2:12 - Chiyawo Bible

¹² Ali ni ligongo lyakwe ŵakunonyeledwa acimjangu, mŵele mli ŵakupikanila ndaŵi syosope kutyocela pa ndaŵi jinaliji ni jemanja. Nambo sambano pinganimba ni jemanja, mŵeje ŵakupikanila mnope. Mpitilisye ni kwikasya cikulupi cenu pasyesyene mwa woga ni mwakutetemela.

Lilangano lya Sambano

¹² Nipele, achambusanga ŵangu ŵakunonyelwa, mpela imwatite kwitichisya moŵa gose panaliji kukwenu, chiŵe yambone mwajendelechelaga kunyitichisya pa moŵa gano pandalichile ni ŵanyamwe. Njendelechele kuipanganya yambone yaikuilana ni ukulupusyo wenu kwa kutetemela ni kwa lipamba mpaka ukulupusyo wenu pachiumalile.

Ŵafilipi 2:12 Iomraidhean Croise

Esala 10:3

Sambano kwende tutende cilanga* kwa Mlungu jwetu kuti uwe citwalece acakongweŵa pamo ni ŵanace ŵawo, pakukuya yasalile AMBUJE ŵangu ni ŵandu ŵakusagajogopa malamusi ga Mlungu jwetu. Uwe tucitenda pakukuya yigakuti malamusi.

Masalimo 119:120

Cilu cangu cikutetemela ligongo lya kwajogopa ŵalakwe, ngutenda woga ni kulamula kwawo.

Masalimo 2:11

Mwatumicile AMBUJE mwa woga, ni mwakutetemela;

Misyungu 10:16

Malipilo ga ŵandu wakutenda yambone ni umi, nambo mbote ja ŵandu ŵakutenda yakusakala jikusagambaga konjecesya ulemwa wine.

Misyungu 13:4

Mundu jwaulesi akusakumbila yindu nambo ngayipata kose, nambo mundu jwamtawu pa masengo akusagambaga kusicililape.

Yesaya 66:2

Yindu yosope nayipanganyisye ni Une, ni kuti yosopeyi yili yangu, akuti myoyo AMBUJE. Ŵandu ŵingusinanonyela ni aŵa: Ŵakulinandiya ni ŵakupesya ulemwa* wawo, ŵakusanjogopa soni kugapikanila maloŵe gangu.

Yesaya 66:5

Mpikane maloŵe ga AMBUJE, jemanja ŵimkusatetemela ni maloŵe gakwe. Jwalakwe akuti, “Acalongo acimjenu ŵakusaŵengana namwe soni ŵangamjiticisya ligongo lya lina lyangu, akusati, ‘Acimbicikwe AMBUJE, kuti uwe tuwone lukondwa lwawo.’ Nambo jemanjajo ni ŵitacitenda soni!

Matayo 11:12

Kutandila pa ndaŵi ja Yohane M'batisi mpaka sambano jino, Ucimwene wa kwinani ulasile ni ciwawa nipo ŵandu ŵaciwawa akulinga kuwusumula mwakanganicisya.

Matayo 11:29

Twicilani likongwa lyangu nipo mlijiganye kwa une, pakuti ndili jwakutulala mtima ni jwakulinandiya; naga mkutenda yingumsalilayi, timcisimana cipumulisi ca umi wenu.

Masengo 16:29

Apo jwakulolela akayidi jula ŵaŵilasisye nyali, ni ŵawutucile mkatimo, ni ŵaligwisisye pa sajo sya Paulo ni Sila alimkutetemela mnope.

Masengo 9:6

Nambo jimukani, mjinjile mu msindamo ni takamsalile yakutenda.”

Ŵaloma 2:7

Jwalakwejo tacipeleka umi wangamala* kwa ŵandu ŵakusalimbicila mwa mtawu kutenda yindu yayili yambone, kusosasosa lumbili ni ucimbicimbi ni umi wangamala wakusapeleka Mlungu.

1 Akoli 15:58

Sambano acimjangu ŵakunonyeledwa, limbicilani, mŵe ŵakulimbangana, mkamule masengo ga Ambuje mwacitema masiku gosope, mcimanyililaga kuti masengo gimkusimwakamulila Ambuje ngaŵa kuti gangali mate.

1 Akoli 2:3

Myoyo pinaliji kumangwenuko, cilu cangu caliji cangali macili, nambo soni naliji mkutetemela ni woga.

1 Akoli 4:14

Ngumlembela yosopeyi ngaŵa kuti nimtesye soni, nambo kumkamusya jemanja, mpela mwele nangolo akusamkamucisya mwanagwe jwakunonyeledwa.

2 Akoli 7:15

Camnopemnope cinonyelo cakwe mwa jemanja cili cacikulungwa mnope pakumbucila yimwatite jemanja wosopemwe pakupikanila maloŵe gakwe, nipo mwampocele ni woga ni mwakumtetemelela.

Ŵaefeso 6:5

Jemanja acikapolo, mwapikanileje acambuje ŵenu ŵa pasi pano, mwawoga ni mwakwatetemela, mtendeje yeleyi ni mtima usyesyene mpela kuti mkumtendela Klistu msyene.

Ŵafilipi 1:27

Sambano cakusosekwa mnope cili cakuti ndamo syenu siŵe syambone mpela musikuŵecetela Ngani Syambone syakwamba Klistu. Naga ndili jwakupakombola kwika kukumlola, yili yambone nditu, nambo soni atamose naga ngulepela kwika kukumlola jemanja, nambo ngusaka mbikaneje kuti jemanja mkulimbicila ni mtima umpepe. Ngusaka kupikana soni kuti mwakupikanganana ni mwakamucisyana kuputa ngondo ligongo lyakulupilila Ngani Syambone.

Ŵafilipi 1:29

Paja jwalakwejo ŵampele jemanja upile wakuti mumtumicileje Klistu, ngaŵaga pagamba kulupililape mwa jwalakwejo, nambo soni pakupikana yakupweteka pamo ni jwalakwejo.

Ŵafilipi 1:5

ligongo lya mwele mumŵele mli kungamucisya une pa masengo gakulalicila Ngani Syambone,* kutyocela lisiku limwatandite kulupilila mpaka sambano jino.

Ŵafilipi 1:6

Ngusimicisya soni kuti Mlungu, juŵatandite kutenda yindu yambone mwa jemanja, tapitilisye kukamula masengo gambone mwa jemanja mpaka ali agamalisisye pa Lisiku litaciwuja Yesu Klistu.

Ŵafilipi 2:19

Naga Ambuje akukunda, ngukulupilila kuti tinjimtuma Timoteo kweleko pangakaŵa, kuti mtima wangu utame pasi pitimbikane ya jemanja kweleko.

Ŵafilipi 4:1

Ŵakunonyeledwa ŵakulupilila acimjangu, ngusacilisya mnope kuŵa ni jemanja. Jemanja mkusandendekasya une kuti mbeje jwakusengwa. Amu ni mumkwenela kwimila nji ni umi wenu mwa Ambuje.

Ŵafilipi 4:15

Jemanja acimjangu ŵa ku Filipi* mkumanyilila cenene kuti pinatyosile ku Masedoniya, masiku gandanda gakulalicila Ngani Syambone, paliji pangali mpingo* wine uwakamulanaga ni une payakwenela kupeleka kapena kupocela, akaŵe jemanjape ni umwambaga mituka ja mbiya.

1 Ates 1:3

Pakuti uwe tukusamkumbucila jemanja pameso pa Mlungu Atati ŵetu ya mwele mumkucikamulicisya masengo cikulupi cenu, soni ya mwacikumkamucisya cinonyelo cenu kukamula masengo mwakulimbangana, nipo soni ya mwele mumkusatendela lung'wanu pakwembecela Ambuje ŵetu Yesu Klistu.

2 Timoseo 2:10

Myoyo sambano ngusapimilila yosopeyi ligongo lya ŵandu ŵiŵasagwile Mlungu, kuti jemanjajo nombe nawo apate cikulupusyo mwa Klistu Yesu ni kupocela lumbili lwandaŵi syosope.

Ŵaeblania 12:1

Pakuŵapo tusyungulilwe ni mboni syejinji myiyi, kwende tutyosye kalikose kampaka katucelewasye, mnopemnope ulemwa* wele wawutukanilile, nipo tuwutuce mwalung'wanu mpikisano wele watuwutanditewu.

Ŵaeblania 4:1

Cilanga* ca Mlungu ni cakuti tukajinjile mcipumulisi cakwe cele ciŵatulinganyicisye cilepe. Sambano kwende tukalamuce kuti pakasimanikwa jwine jwalijose jwa jemanja kuti alepele kwinjila mcipumulisimo.

Ŵaeblania 4:11

Kwende sambano tulinjilile kwinjila mcipumulisimu, kogopa kuti jwine jwa uwe akusaŵa ŵangapikana mpela jemanja ŵala, ni kulepela kwinjila mu cipumulisimo.

Ŵaeblania 5:9

Piŵatendekwe kuŵa ŵambone mnope, Yesu ŵatendekwe ndandililo ja cikulupusyo cangamala kwa ŵandu wosope ŵakumpikanila jwalakwe,

1 Petulo 2:11

Ŵakunonyeledwa ŵakulupilila acimjangu, pakuti jemanja mli acalendo pasi pano, ngumŵenda kuti mliŵambasye ku yilakolako ya cilu yayikusalimbana ni msimu wenu.

2 Petulo 3:18

Nambo mkule mu canasa ni mu umanyilisi wa Yesu* Klistu,* Ambuje ni Mkulupusyo jwetu. Jwalakwejo aŵe ni lumbili kutandila sambano mpaka kalakala. Ami.*