Ŵafilipi 2:10 - Chiyawo Bible

¹⁰ Ŵatesile yeleyi kuti pakupikana lina lya Yesu, yakupanganyidwa yosope ya kwinani, pasi pano ni pasi pa cilambo tiyitindiŵale pasi mwakulambila.

Lilangano lya Sambano

¹⁰ kuti kwakuchimbichikwa kwa liina lya Che Yesu, yepanganyikwe yose yaili kwinani, ni yaili pachilambo, ni indu yaili paasi chilambo chitindiŵale paujo pao,

Ŵafilipi 2:10 Iomraidhean Croise

Genesesi 41:43

Ŵamkwesisye Yosefe mwigeleta jakwe jaŵili jiŵakwete nipo pakwenda, ŵakumjendesya ŵagumilaga pasogolo pakwe kwasalila ŵandu kuti, “Mtindiŵale!” Myoyo ni ŵamtesile kuŵa jwakulamula cilambo cosope ca Iguputo.

Masalimo 95:6

Myice tulambe ni kwinamila pasi, kwende tutindiŵale pameso pawo AMBUJE ŵaŵatupangenye.

Matayo 12:40

Pakuti mpela muŵaŵelele Yona mlutumbo mwa cinsomba cila kwa masiku gatatu, musi ni cilo, myoyo soni Mwanace jwa Mundu tacitama mkati mwa litaka masiku gatatu, musi ni cilo.

Matayo 27:29

Ŵapanganyicisye cisoti ca ucimwene cakuluka kutyocela ku nyambi sya miŵa ni ŵam'wecice mu mtwe, nipo ŵamkamulisye litete m'myala ku mkono wakwe wamlyo. Kaneka ŵatandite kumtindiŵalila, acing'andaga najo mwacipongwe kwine acimsalilaga kuti, “Moni mwenye jwa Ayuda.”

Matayo 28:18

Yesu ŵaŵandicile ni ŵasalile kuti, “Mbegwile ulamusi wosope kwinani ni pasi pano.

Ŵaloma 11:4

Ana Mlungu jwanjanjile cici jwalakwejo? Mlungu jwatite, “Nalisalacisye namsyenepe ŵandu 7,000 ŵele ŵinganamtindiŵalila kose Baala,* mlungu jwakulambucisya.”

Ŵaefeso 1:10

Cele Mlungu ciŵaŵecete kuti acitende pajicikwana ndaŵi jakwe, ni cakuti asonganye pampepe yindu yosope ya kwinani ni pasi pano, Klistu ni kuŵa jwamkungwa jwakwe.

Ŵaefeso 3:14

Ni ligongo lyakwe sambano ngwatindiŵalila Atati,

Ŵaefeso 4:9

Sambano maloŵe gakuti “ŵakwesile,” ana gakugopolela kuti cici? Gakugopolela kuti pandanda ŵatulucile pasi pasyesyene pa cilambo.

Ŵaeblania 1:6

Nambo katema kiŵamjinjisyaga Mwanagwe jwandanda kupagwa pa cilambo pano, Mlungu ŵatite kuti, “Malayika gosope ga Mlungu ga mlumbeje jwalakwejo.”

Chunukuko 20:13

Kaneko nyasa japelece uŵawilile mwelemo. Ciwa ni malo ga ŵandu ŵawe* nombe nayo yapelece ŵandu uwawilile mwelemo, nipo ŵalamulidwe malinga ni yiŵatesile.

Chunukuko 4:10

Piyaliji mkutendekwa yeleyi, acakulungwakulungwa ŵakwana makumi gaŵili ni mcece ŵala ŵaliji mkuligwisya pameso pa juŵatemi pa citengu ca ucimwene jula, ni kumlambila jwele jwakwete umi ndaŵi syosopejo. Jemanjajo ŵaponyaga yisindi yawo pasi pameso pa citenguco nipo ŵaŵecetaga kuti:

Chunukuko 5:3

Nambo paliji pangali atamose jumo jose kwinani, kapena pa cilambo capasi jwakapakombwele kuwunukula kapena kulola mcipukutuco.