Ŵafilipi 2:1 - Chiyawo Bible

¹ Klistu* jwakutama mwa jemanja akusamtendekasya kuti mŵe ŵakulimba mitima. Cinonyelo cakwe cikusamtendesya jemanja kuti mkaŵaga ŵakudandawula. Mkusaŵa ŵa mtima umpepe kupitila mwa Msimu Ŵaswela, soni mkusimwatendela canasa acimjenu.

Lilangano lya Sambano

¹ Ana umi wenu nkulumbikana ni Kilisito ukuntaga machili? Ana unonyelo wao ukuntulasya? Ana nkwete umo ni Mbumu jwa Akunnungu ni kukolelana chanasa ni kukosyana jwine ni jwine?

Ŵafilipi 2:1 Iomraidhean Croise

Masalimo 133:1

Alole kusalala ni kunonyelesya kwa ŵandu; pakutama pampepe pa ulongo mwakamulana.

Yesaya 16:11

Ni ligongo lyakwe umi wangu ukucililila cilambo ca Mowabu ni konasika kwa Kili Helesi.

Luka 2:25

Pandaŵi jeleji ku Yelusalemu kwatamaga mundu lina lyakwe Simiyoni. Jwalakwejo jwaliji jwakulungama ni jwakogopa Mlungu. Ŵaliji mkwembeceya ndaŵi jele Mlungu jitacakulupusya Aisalaeli.

Yohana 14:18

“Pitinjawule ngasinaleka kuŵa jika ŵangali ŵakumkamucisya, une timbice soni kwa jemanja.

Yohana 14:27

“Mtendele ni ungumlecela jemanja, mtendele wakwe wa une namsyene ni ungwapa. Nganguwupeleka mpela mwakupelecela ŵandu wa cilambo capasi. Akasadandawula ni kulaga pa yindu yitiyitendece, akatenda woga uliwose.

Yohana 17:13

Nipo sambano ngwisa kwa wawojo, nipo nguŵeceta yele yinduyi ndili ciŵela mcilambo capasi kuti ŵanduŵa akole lukondwa lwangu m'mitima mwawo lwagumbala mnope.

Masengo 2:46

Lisiku ni lisiku ŵasonganaga pampepe m'nyumba ja Mlungu jakupopelela, nipo ŵalilaga pamo msimangwawo. Ŵalyaga yakulya yawoyo mwakusangalala ni mwakulitulusya.

Masengo 4:32

Likuga lya ŵakulupilila ŵala ŵaliji ni mtima umo, nganapagwa mundu juŵatiga kuti, yingwete yosope yili yanguyangupe, nambo jwalijose ŵaliji mkupeleka yakwe yosope kuti yiŵe ya wosope.

Ŵaloma 5:5

Cembeceyo celeci ngasicitudandawulisya uwe, ligongo cinonyelo ca Mlungu cigumbele m'mitima mwetu kupitila mwa Msimu Ŵaswela ŵiŵapelecedwe kwetuwe.

Ŵaloma 8:26

Mwa litala lilili Msimu Ŵaswela akusatukamucisya uwe. Tuli ŵangali macili mpela mutuŵelelemu. Pakuti ngitukumanyilila mutukwenela kupopelela. Ali ni ligongo lyakwe Msimu Ŵaswela asyene akusatupopelela ni maloŵe gakuti pangali mundu jwa mpaka agaŵecete.

1 Akoli 12:13

Mwa litala lilili, wosopewe, kanga tuli Ayuda kapena ŵa mitundu jine, acikapolo kapena alukosyo, wosopewe twabatisidwe mwa Msimu Ŵaswela ŵampepe pewo, nipo Mlungu atupele wosope ŵene Msimu Ŵaswela ŵampepe pewo m'mitima mwetu.

1 Akoli 15:31

Acalongo acimjangu mwa Ambuje, ciwa ngusajenda naco lisiku ni lisiku. Nguŵeceta yeleyi ligongo lyakuti ngusinamnyadila jemanja kupitila mu umpepe wetu ni Klistu Yesu* Ambuje ŵetu.

1 Akoli 3:16

Ana ngimkumanyilila kuti jemanja mli Nyumba ja AMBUJE, nipo kuti Msimu wa Mlungu akutama mwa jemanja?

2 Akoli 2:14

Tumtogolele Mlungu jwele mwa Klistu akusatulongolelaga ndaŵi syosope mkupunda kwakwe. Kupitila mwetuwe Mlungu akwamanyisya ŵandu wosope ya Klistu, nipo cimanyisyoco cili palipose mpela liwungo lyambone mnope.

Ŵagalatia 4:6

Pakusaka kusimicisya kuti jemanja mli ŵanace ŵakwe, Mlungu ŵatutumicisye m'mitima mwetu Msimu wa Mwanace jwakwe, nipo Msimuwo ukusatukombolekasya uwe kuti tuŵecete kuti, “Abba! Atati!”

Ŵagalatia 5:22

Nambo Msimu wa Mlungu ukusatutendekasya uwe kuti tuŵe ŵa: Cinonyelo, lukondwa, mtendele, kuwusimana mtima, umbone mtima, kwatendela ŵane yambone, kulupicika,

Ŵaefeso 4:4

Cipali cilu cimo, Msimu Ŵaswela ŵamope, nipo soni cipali cembeceyo cimo ciŵamŵilanjile Mlungu.

Ŵafilipi 1:8

Mlungu ali mboni jangu kuti ngusinamsacilila mnope jemanja, pakuti ngusinamnonyela ni mtima wangu wosope, pakusyasya cinonyelo ciŵalosisye Klistu Yesu msyene.

Ŵafilipi 3:3

Uwe ngaŵaga jemanjajo ni ŵitwawumbele kusyesyene, pakuti uwe tukusitumlambila Mlungu mwakulongoleledwa ni Msimu wakwe Ŵaswela. Tukusasengwa mu umpepe wetu ni Klistu* Yesu* soni ngatukusakulupilila yayikutendekwa pa yilu yetu.

Ŵakolosai 2:2

Ngusaka kuti yeleyi yalimbisye mitima jawo, nipo soni kuti aŵe pampepe mu cinonyelano, ni kuŵa ŵalunda lwakupikanicisya yindu. Myoyo timcipakombola kumanyilila ya kusisika ya Mlungu yakwamba Klistu.*

Ŵakolosai 3:12

Pakuŵa jemanja mli ŵandu ŵa Mlungu, nipo Jwalakwe ŵamnonyele nipo soni ŵamsagwile kuŵa ŵakweŵakwepe, mŵeje ŵandu ŵacanasa, ŵambone mtima, ŵakulinandiya, ŵakuweŵa ni kupilila.

Ŵaeblania 6:18

Myoyo yipali yindu yiŵili, cilanga ni kulumbila,* yele yangaŵa mkomboleka kuyigalawusya, nipo Mlungu ngaŵa mkulambusya. Mwa yeleyi Mlungu ŵasacile kutulimbikasya mtima uwe ŵatwatilile kwa jwalakwe, kuti tukamulisye cembeceyo cele ciŵatuŵicile pameso petu.

1 Petulo 1:2

Mlungu Atati ŵamsagwile jemanja mpela muŵaganicisye pandanda, kuti Msimu Ŵaswela amswejesye nambo soni kuti mumpikanile Yesu Klistu, ni kuswejesedwa ni miasi jakwe. Mlungu amsalalile mtima ni kumpa mtendele wakupundanganya.

1 Yohana 3:24

Ŵandu ŵakusakuya malamusi ga Mlungu, akusatama mwa Mlungu, soni Mlungujo akusatama mwa jwalakwejo. Ligongo lya Msimu Ŵaswela uŵatupele uwe, tukusamanyilila kuti Mlungu akusatama mwa uwe.

1 Yohana 4:12

Pangali mundu juŵam'weni Mlungu. Nambo naga tukunonyelana, Mlungu akusaŵa mwa uwe, mwakuti cinonyelo cakwe ciyice pasyesyene mwa uwe.

1 Yohana 4:16

Myoyo uwe tukusakulupilila nambo soni tukusamanyilila kusyene kuti Mlungu akusatunonyela. Mlungu ali Cinonyelo, soni mundu jwakwete umi wa cinonyelo akusaŵa mwa Mlungu, nombe najo Mlungu akusaŵa mwa jwalakwejo.