Ŵafilipi 1:9 - Chiyawo Bible

⁹ Lipopelo lyangu lili lyakuti mnonyelaneje mnope jwine ni mjakwe, soni kuti mpakombole kumanyilila ayo yayili yakuwona ni kulamula mwakwenela,

Lilangano lya Sambano

⁹ Ngwapopelela Akunnungu kuti unonyelo wenu ujonjecheke kukula nnopennope ni nkole lunda ni umanyilisi,

Ŵafilipi 1:9 Iomraidhean Croise

Yobu 17:9

Nambo ŵandu ŵakulungama kusyesyene akusapitilisya kumkulupilila Mlungu, soni ŵandu ŵinganakola ulemwa akusapitilisya kutama mwamacili mu usimu.

Masalimo 119:66

Ambe une lunda, ni kumanyilila ligongo ngusagakulupilila malamusi gawo.

Misyungu 4:18

Nambo litala lya ŵandu ŵakulungama lili mpela kumasikusiku kwele kukusaŵa kuli mkulangucilalangucila mpaka palikukwela lyuŵa pa mtwe.

1 Akoli 14:20

Acalongo acimjangu, mkaganisyaga mpela ŵanace; pa yicindu yangalumbana mŵeje mpela ŵanace ŵangamanyilila, nambo mu nganisyo syenu, mŵeje ŵakomangale.

2 Akoli 8:7

Mli ŵasicile muyosope yimkwete, mpela cikulupi, kuŵeceta, kumanyilila yindu, kutenda citema pa yosope, nipo soni kutunonyela. Myoyo tukusaka kuti mŵe ŵacanasa m'masengo ga cinonyelanoga.

Ŵaefeso 5:17

Ni ligongo lyakwe mkaŵa ŵakuloŵela, nambo m'manyilile yele yakusaka Ambuje kuti myitendeje.

Ŵakolosai 1:9

Ni ligongo lyakwe, kutandila lisiku litwapikene yeleyi, nganituleka kumpopelela jemanja. Tukumŵenda Mlungu kuti amgumbasye ni lunda soni umanyilisi yele Msimu Ŵaswela akusapeleka kuti mpikanicisye yosope yele Jwalakwe akusaka.

Ŵakolosai 3:10

nipo m'wete umi wasambano. Umi welewu, Mlungu jwenu akuwukolosya mwangalecesya kuti cimum'manyilile kusyesyene ni kulandana najo.

1 Ates 3:12

Ni myoyo Ambuje amjonjecesye kunonyelana kwenu, nipo soni cinonyelo cenu ca kwa ŵandu wosope, mpela mucikukulila cinonyelo cetu pa jemanja.

1 Ates 4:1

Pakumalisya, acalongo acimjetu tukumŵenda kusyene kuti, pakuti mwalijiganyisye kwa uwe ndamo syambone syakwenela kumsangalasya Mlungu. Nipo pakuti mkutama ni ndamo syambonesi, myoyo tukumŵenda mnope mu lina lya Ambuje Yesu* kuti mpitilisye kupunda kala.

2 Ates 1:3

Tukwenela kumtogolela Mlungu ndaŵi syosope ligongo lya jemanja ŵakulupilila wosope. Kuli kwakwenela kutenda myoyo ligongo cikulupi cenu cikwendelecela kuja msogolo ni cinonyelo cimkwete pa jwalijose pasikati penu.

Filimoni 1:6

Ngasapopela kuti cikulupi cele cimkugaŵana nawo cikamule masengo mwamacili, kuti m'manyilile yambone yosope yele yitukusapocela ligongo lya Klistu.

Ŵaeblania 5:14

Nambo yakulya yakulimba ni ya ŵandu ŵakomangale. Pakupitila mkulijiganya kwawo akumanyilila kulekanganya yindu yambone ni yangalumbana.

1 Petulo 1:22

Sambano pakuti mliswejesye mwacimsyene pakupikanila yayili yakuwona yisyesyene, myoyo soni mwanonyeleje aklistu acimjenu ni mtima wenu wosope.

2 Petulo 3:18

Nambo mkule mu canasa ni mu umanyilisi wa Yesu* Klistu,* Ambuje ni Mkulupusyo jwetu. Jwalakwejo aŵe ni lumbili kutandila sambano mpaka kalakala. Ami.*