Ŵafilipi 1:7 - Chiyawo Bible

⁷ Ndaŵi syosope ngusaganisya mwa lukondwa ya jemanja, pakuti ngusamnonyela jemanja. Pakuti jemanja wosope mkungamucisya une, pa ndaŵi jindili mu ukayidi muno nambo soni pingukamula masengo giŵambele Mlungu gakuwucenjela kuti Ngani Syambone sili syakuwona ni kwatendekasya ŵandu kuti akulupilile mwakulimbangana pa Ngani Syambone.

Lilangano lya Sambano

⁷ Nguŵajilwa kuganisya kwanti nyi nkati ŵanyamwe, ligongo ngunkumbuchila katema kose. Pakuŵa mwakamulene none pa umbone ula umbegwilwe ni Akunnungu wa kujichenjela ni kujilimbisya Ngani Jambone katema panaliji mu chitaŵiko ni panaliji nechelelwe.

Ŵafilipi 1:7 Iomraidhean Croise

Masengo 20:23

Nambo cingumanyilila ni cakuti Msimu Ŵaswela ŵangalamwisye kuti, ukayidi ni yipwetesi yikunjembecela une mu msinda uliwose.

Masengo 21:33

Pelepo jwamkulungwa jwa asilikali ŵangondojo ŵayice ni kumkamula Paulo nipo ŵamlamwile kuti amtaŵe ni maunyolo gaŵili. Kaneko ŵawusisye kuti, “Ana munduju nduni, soni atesile cici?”

1 Akoli 13:7

Cinonyelo cangapela pakutenda yindu, cikusakulupilila ndaŵi syosope, cangajasa mtima, nambo soni cikusapilila ndaŵi syosope.

1 Akoli 9:23

Ngutenda yosopeyi, ligongo lya Ngani Syambone, kuti none jwakwe mbocele nawo upile wakwe.

2 Akoli 3:2

Cikalata cakutendela umbonico mli jemanjamwe. Calembedwe m'mitima jetu, kuti ŵandu wosope acimanyilile ni kuciŵalanga.

2 Akoli 7:3

Nganguŵeceta yeleyi kuti msimanikwe ŵakulemwa. Mpela mumbecetele kala, kuti jemanja mli m'mitima jetu, mwamti tuli pamo, atamose tuli cijumi kapena tuli tuwile.

Ŵagalatia 5:6

Pakuti naga tuli mwa Klistu Yesu,* kuwumbala* kapena kungawumbala kwangali kandu, cekulungwa mnope cili cakuti mundu akole cikulupi cakukamula masengo kupitila mu cinonyelo ca Mlungu.

Ŵaefeso 3:1

Kwa lyele ligongoli une Paulo ngumpopelela jemanja ŵandu ŵa mitundu jine,* pakuŵa ndili mkayidi jwa Klistu* Yesu* ligongo lya jemanja.

Ŵaefeso 4:1

Ni ligongo lyakwe une, jundili mkayidi ligongo lyakutumicila Ambuje, ngumŵenda kuti mŵe ni ndamo syambone syakulosya kuti mli ŵandu ŵakusagulidwa ni msyene Mlungu.

Ŵaefeso 6:20

Atamose ndili mu ukayidi, une ndili jwakutumicila kusyene ligongo lya Ngani Syambonesi. Mumbopeleleje kuti mbeceteje mwakulimba mtima ya Ngani Syambonesi, mpela mungwenela kuŵecetela.

Ŵafilipi 1:12

Ŵakulupilila acimjangu, ngusaka m'manyilile kuti yindu yiyindendekwele une yingamucisye kusyesyene pakwatendekasya ŵandu kuti akulupilile Ngani Syambone.

Ŵafilipi 1:13

Asilikali wosope ŵiŵaliji mkulondela nyumba ja mwenye, ni ŵane wosope akuno, akumanyilila kuti une ndili mu ukayidi ligongo lyakuti ngusinamtumicila Klistu.

Ŵafilipi 1:14

Pa ligongo lyakuti ndili mu ukayidi, ŵakulupilila ŵajinji akulimba mtima mwa Ambuje, nipo akulalicila maloŵe ga Mlungu mwangali woga.

Ŵafilipi 1:5

ligongo lya mwele mumŵele mli kungamucisya une pa masengo gakulalicila Ngani Syambone,* kutyocela lisiku limwatandite kulupilila mpaka sambano jino.

Ŵafilipi 2:22

Nambo jemanja mkujimanyilila ndamo ja Timoteo kuti jili jambone. Jemanja mkumanyilila soni kuti jwalakwejo jwakamwile masengo gakwenesya Ngani Syambone* mwakamulana ni une, mpela mwanace ni babagwe.

Ŵafilipi 4:14

Nambope yaliji yambone kuti jemanja mwangamwisye une mu yisawusyo yangu.

Ŵafilipi 4:15

Jemanja acimjangu ŵa ku Filipi* mkumanyilila cenene kuti pinatyosile ku Masedoniya, masiku gandanda gakulalicila Ngani Syambone, paliji pangali mpingo* wine uwakamulanaga ni une payakwenela kupeleka kapena kupocela, akaŵe jemanjape ni umwambaga mituka ja mbiya.

Ŵafilipi 4:3

M'mwe mjangu jwakulupicika pakamula masengo, ngumŵenda kuti mwakamusye acakongweŵa akamulane; pakuti jemanjaji akamwile masengo mwakulimbangana gakwasalila ŵandu ya Ngani Syambone* pamo ni une ni Klementi ni acimjenu ŵane ŵakamula nawo masengo. Mena ga ŵandu ŵiŵangamucisye uneŵa galembedwe mu buku ja umi.

Ŵakolosai 4:18

Ni mkono wangu ngulemba maloŵe aga: Moni. Une Paulo. Mkumbucile kuti ndili mu unyolo. Umbone mtima wakutyocela kwa Mlungu uŵe ni jemanja.

Ŵakolosai 4:3

Uwe soni mtupopeleleje kuti Mlungu atupe lipesa lyakuti tulalicile maloŵe gakwe, camnopemnope kuti tusale yamtemela yakwamba Klistu.* Myoyo ndili jwamtaŵidwe ligongo lyakulalicila ya mtemelayi.

1 Ates 5:5

Paja jemanja wosope mli ŵandu ŵa mwilanguka, ni kuti musi. Uwe yetu nganiyiŵa yacilo kapena yamcipi iyayi.

2 Timoseo 1:8

Mkatenda soni sambano kwatendela umboni Ambuje ŵetu, kapena kutenda soni ligongo lya une jundili mkayidi ligongo lya Klistu. Nambo m'malo mwakwe msimane yipwetesi ligongo lya Ngani Syambone,* mwakulingana ni cikamucisyo ca macili ga Mlungu.

2 Timoseo 2:9

Ligongo lyakuti ngulalicila Ngani Syambonesi, nguyiwona yisawusyo mpela soni kutaŵidwa ni unyolo mpela jwaciswamba. Nambo maloŵe ga Mlungu ngaŵa mkomboleka kutaŵidwa.

Filimoni 1:13

Ni nganonyele kuti atameje ni une akuno, kuti angamucisye m'malo mwenu, pakuti ndili mu ukayidi ligongo lya Ngani Syambone.*

Ŵaeblania 3:1

Acalongo acimjangu, ŵamli ŵaswela mtima ni kuŵilanjidwa ni Mlungu. Mganicisye cenene ya Yesu,* juŵamtumisye Mlungu kuŵa jwamkulungwa jwa ŵakutaga mbopesi* jwa cikulupi cele citukweteci.

1 Petulo 4:13

Nambo msangalaleje pakuti mkupikana yipwetesi pamo ni Klistu, kuti tipaciwoneka lumbili lwakwe, nipo timcisangalala mnope.

1 Petulo 5:1

Sambano ngwete maloŵe gekulungwa kwa acakulungwa ŵa mpingo* ŵali pasikati penu, une jwandili jwamkulungwa mjawo. Une soni ndili mboni ja yipwetesi ya Klistu,* nambo soni ngwembecela kupocela lumbili lwele lutuciwoneka.

2 Petulo 1:13

Une nguganisya kuti cili cambone, pindili cijumi, kuti sisimusye mitima jenu pakumkumbusya yeleyi.

1 Yohana 3:14

Uwe tukumanyilila kuti twakopwecemo mu ciwa ni kwinjila mu umi pakuti tukusitwanonyela acimjetu. Mundu jwele ngakumnonyela mjakwe, ali ciŵela mu ciwa.