Ŵafilipi 1:6 - Chiyawo Bible

⁶ Ngusimicisya soni kuti Mlungu, juŵatandite kutenda yindu yambone mwa jemanja, tapitilisye kukamula masengo gambone mwa jemanja mpaka ali agamalisisye pa Lisiku litaciwuja Yesu Klistu.

Lilangano lya Sambano

⁶ Isyene ngumanyilila kuti Akunnungu juŵagatandisye masengo gambone ga mmitima mwenu, chagajendelechesye mpaka pachigamalile pa lyuŵa lya kuuja Kilisito Yesu lila.

Ŵafilipi 1:6 Iomraidhean Croise

Masalimo 138:8

AMBUJE tacikwanilisya lisosa lyawo pa une kuti litendekwe. Canasa cawo ŵalakwe cili cangamala. Amalisye masengo gagatandite.

Yohana 6:29

Yesu ŵajanjile kuti, “Mlungu cakusosa kuti jemanja acitende cili cakuti jemanja mkulupiciceje mwa jwele pejo juŵamtumisyejo.”

Masengo 11:18

Piŵapikene gele maloŵega, ŵalesile ya kumnyosya nipo ŵamlumbile Mlungu acitiji, “Eti soni Mlungu ŵapele ŵandu ŵa mitundu jine upile wakupitikuka mtima ni kupocela umi wangamala.”*

Masengo 16:14

Jumo mwa jemanjajo juŵatupikene uwe, lina lyakwe lyaliji Lidiya. Jwaliji jwa kutyocela mu msinda wa Tiyatila, nipo masengo gakwe galiji gakusumisya nguwo syecejewu. Ŵaliji mundu jwa kupopela ni kogopa Mlungu, nipo Ambuje ŵamwugwile mtima wakwe kuti ayisunje yiŵaŵecetaga Paulo.

1 Akoli 1:8

Jwalakwejo tacimlimbisya jemanja mpaka pa lisiku lya mbesi, kuti timsimanikwe mli ŵangali magambo pa lisiku litaciyika Ambuje ŵetu Yesu Klistu.

2 Akoli 1:15

Pakuti nakulupilile yeleyi nditu, naganisisye yakuti ndande kwika kwenumwe. Nasacile kuti mpocele upile kaŵili.

2 Akoli 2:3

Ni ligongo lyakwe nalembile cikalata cila, nganisaka kuti yice kweleko kogopa kuti jemanja ŵamkwenela kusangalasya une, timcindandawulisya. Pakuti ngumanyilila kuti pa ndaŵi jingusangalala soni jemanja mkusaŵa ŵakusangalala.

2 Akoli 7:16

Ndili jwakusangalala mnope kuti ngukombola kumkulupilila jemanja mu yosope.

2 Akoli 9:4

Ana naga ŵandu ŵa ku Masedoniya tayice ni une ni kumsimana mli ŵangaliŵicila cile, tucitenda soni kuti tugambileje kumlapilila ya unami, nambo camnopemnope jemanja ni ŵacimcitenda soni mnope.

Ŵagalatia 5:10

Ngwete cikulupi mwa Ambuje, kuti jemanja ngasimkola nganisyo syakulekangana ni sya une. Nambo jwakumsokonesya jemanja, kanga ali jwamtuli, Mlungu tacimpa cilango jwalakwejo.

Ŵaefeso 4:12

Masengo gawo galiji gakuti akolocesye cilepe ŵandu ŵa Mlungu ku masengo gakutumicila, ni kulimbikasya mpingo* wele wawuli cilu ca Klistu.

Ŵafilipi 1:10

kuti pakutenda myoyo timpakombole kusagula ayo yayili yambone mnope. Pa Lisiku lyakwika kwa Klistu timcisimanikwa mli ŵaswela mtima, nambo soni ŵangali cileŵi cilicose.

Ŵafilipi 1:29

Paja jwalakwejo ŵampele jemanja upile wakuti mumtumicileje Klistu, ngaŵaga pagamba kulupililape mwa jwalakwejo, nambo soni pakupikana yakupweteka pamo ni jwalakwejo.

Ŵafilipi 2:12

Ali ni ligongo lyakwe ŵakunonyeledwa acimjangu, mŵele mli ŵakupikanila ndaŵi syosope kutyocela pa ndaŵi jinaliji ni jemanja. Nambo sambano pinganimba ni jemanja, mŵeje ŵakupikanila mnope. Mpitilisye ni kwikasya cikulupi cenu pasyesyene mwa woga ni mwakutetemela.

Ŵafilipi 2:13

Mlungu akukamula masengo mwa jemanja, msoseje ni kutenda yayili yakumsangalasya jwalakwejo.

Ŵafilipi 2:16

pakwasalila jemanjajo maloŵe gakupeleka umi. Myoyo une tinjikola ligongo lyakusengwela pa Lisiku lya Kuyika soni kwa Klistu, ligongo yimtesile jemanja tiyicilosya kuti nganimbutuka mwa mtega pa mpikisano wakuwutuka, kapena kukamula masengo mwa mtawu kwa mtega.

Ŵakolosai 2:12

Pandaŵi jiŵam'batisyaga mwatesile mpela msicidwe mwilembe pamo ni Klistu, nipo ni ubatisowo mwajimwice najo pamo, pakulupilila macili ga Mlungu jwele juŵamjimwisye ku ŵawe.

1 Ates 1:3

Pakuti uwe tukusamkumbucila jemanja pameso pa Mlungu Atati ŵetu ya mwele mumkucikamulicisya masengo cikulupi cenu, soni ya mwacikumkamucisya cinonyelo cenu kukamula masengo mwakulimbangana, nipo soni ya mwele mumkusatendela lung'wanu pakwembecela Ambuje ŵetu Yesu Klistu.

2 Ates 1:11

Ali ni ligongo lyakwe tukusampopelela jemanja ndaŵi syosope, kuti Mlungu jwetu amtendekasye jemanja kuŵa ŵakwenela pa umi uŵamŵilanjile jemanja. Tukusapopela soni kuti ni macili gakwe amlimbikasye jemanja kutenda yindu yambone yosope yimwasakaga kuyitenda ni masengo gakusimicisya cikulupi cenu.

2 Ates 3:4

Uwe tukwete cikulupi mwa Ambuje kuti jemanja mkuyitenda nambo soni timcipitilisya kuyitenda yindu yitwamsalile.

Filimoni 1:21

Ngumlembela yeleyi ligongo lyakuti ngukulupilila kuti timciyitenda yingumŵendayi. Soni ngumanyilila kuti timciyitenda kupunda yele yinamŵendileyi.

Ŵaeblania 10:35

Sambano kasimjasa kulimba mtima kwenu, pakuti tikucimjigalila mbote jajikulungwa.

Ŵaeblania 12:2

Kwende meso getu gaŵe pa Yesu,* jwele jwali jwakutandisya cikulupi cetu, nipo soni jwakulongolela ni kuciyicisya cikulupi cetu pambesi. Ligongo lya cisangalalo cele cicaliji mkumlindilila, Jwalakwejo ŵapimilile yipwetesi ya pa msalaba. Nganasamala kose kutenda soni ni ciwa camti myoyo, nipo sambano akutama ku mkono wamlyo ku citengu ca Ucimwene wa Mlungu.*

1 Petulo 5:10

Nambo naga mkupikana yipwetesi kwa kandaŵi, Mlungu msyene jwele ndaŵi syosope akusamsalalila mtima, tacimlinganya soni ni kumtamika pa yilimbilimbi yakulimbangana. Jwalakwejo ni juŵamŵilasile jemanja kuti jemanja pakutama yalumo ni Klistu, mkapocele lumbili lwakwe lwangamala.

2 Petulo 3:10

Lisiku lya Ambuje tiliciyika mpela jwawiyi. Pa lisiku lyelelo ya kwinani tiyicijonasika mtande wa lisegwe lyakogoya. Yindu yosope tiyicipya ni moto ni kunyelenyenduka, soni cilambo capasi ni yosope yili mwelemo tiyicipya.