Ŵafilipi 1:5 - Chiyawo Bible

⁵ ligongo lya mwele mumŵele mli kungamucisya une pa masengo gakulalicila Ngani Syambone,* kutyocela lisiku limwatandite kulupilila mpaka sambano jino.

Lilangano lya Sambano

⁵ kwa yankuti kamulangana ni une, pa masengo ga kwalalichila ŵandu Ngani Jambone, chitandile lyuŵa lyaandanda lila mpaka lelo jino.

Ŵafilipi 1:5 Iomraidhean Croise

Masengo 2:42

Ndaŵi josope ŵaliji mkusongana kuti apikane yele yiŵajiganyaga ŵandumetume ŵala, soni ŵaliji mkusyoŵekana nipo ŵalyaga mkate ni kupopela pampepe.

Ŵaloma 11:17

Nyambi sine sya citela cakupanda ca olifi* syapacwice, nipo nyambi sya citela ca mwitinji ca olifi cilumbikanyidwe pelepo. Myoyo jemanja ŵa mitundu jine, mli mpela ka nyambi ka citela ca olifi ca mwitinji nipo sambano mkusagaŵana umi wa usimu wa Ayuda.

Ŵaloma 12:13

Mpeleceje yimkwete kuti yakamucisye ŵakulupilila acimjenu, soni mlinjilileje kwapocela acalendo cenene ku nyumba kwenu.

Ŵaloma 15:26

Ni mitima jakusangalala m'mipingo ja ku Masedoniya, ni ku Akaya* jaganisisye ya kupeleka cikamucisyo kwa ŵakulaga sikati ja ŵandu ŵa Mlungu ŵa ku Yelusalemu.

1 Akoli 1:9

Mlungu ali jwakulupicika, nipo ŵamŵilasile jemanja kuti mŵe ŵakusyoŵekana ni Mwanace jwakwe, Yesu Klistu Ambuje ŵetu.

2 Akoli 8:1

Acalongo acimjangu, tukusaka kum'manyisya muŵapelecele Mlungu upile ku mpingo* wa ku Masedoniya.

Ŵaefeso 3:6

Mtemelawo ni wakuti kupitila mu Ngani Syambone* ŵandu ŵa mitundu jine nombe nawo akwenela kupocela upile wa Mlungu pamo ni Ayuda. Ali yiŵalo ya cilu cimo, nipo mwa Klistu Yesu akusapocela nawo cilanga* ca Mlungu.

Ŵafilipi 1:12

Ŵakulupilila acimjangu, ngusaka m'manyilile kuti yindu yiyindendekwele une yingamucisye kusyesyene pakwatendekasya ŵandu kuti akulupilile Ngani Syambone.

Ŵafilipi 1:16

Jemanjaji akusalalicila ligongo lya cinonyelo, pakuti akusamanyilila kuti Mlungu ambele une masengo gakucinjilicisya Ngani Syambone.

Ŵafilipi 1:27

Sambano cakusosekwa mnope cili cakuti ndamo syenu siŵe syambone mpela musikuŵecetela Ngani Syambone syakwamba Klistu. Naga ndili jwakupakombola kwika kukumlola, yili yambone nditu, nambo soni atamose naga ngulepela kwika kukumlola jemanja, nambo ngusaka mbikaneje kuti jemanja mkulimbicila ni mtima umpepe. Ngusaka kupikana soni kuti mwakupikanganana ni mwakamucisyana kuputa ngondo ligongo lyakulupilila Ngani Syambone.

Ŵafilipi 1:7

Ndaŵi syosope ngusaganisya mwa lukondwa ya jemanja, pakuti ngusamnonyela jemanja. Pakuti jemanja wosope mkungamucisya une, pa ndaŵi jindili mu ukayidi muno nambo soni pingukamula masengo giŵambele Mlungu gakuwucenjela kuti Ngani Syambone sili syakuwona ni kwatendekasya ŵandu kuti akulupilile mwakulimbangana pa Ngani Syambone.

Ŵafilipi 2:12

Ali ni ligongo lyakwe ŵakunonyeledwa acimjangu, mŵele mli ŵakupikanila ndaŵi syosope kutyocela pa ndaŵi jinaliji ni jemanja. Nambo sambano pinganimba ni jemanja, mŵeje ŵakupikanila mnope. Mpitilisye ni kwikasya cikulupi cenu pasyesyene mwa woga ni mwakutetemela.

Ŵafilipi 2:22

Nambo jemanja mkujimanyilila ndamo ja Timoteo kuti jili jambone. Jemanja mkumanyilila soni kuti jwalakwejo jwakamwile masengo gakwenesya Ngani Syambone* mwakamulana ni une, mpela mwanace ni babagwe.

Ŵafilipi 4:3

M'mwe mjangu jwakulupicika pakamula masengo, ngumŵenda kuti mwakamusye acakongweŵa akamulane; pakuti jemanjaji akamwile masengo mwakulimbangana gakwasalila ŵandu ya Ngani Syambone* pamo ni une ni Klementi ni acimjenu ŵane ŵakamula nawo masengo. Mena ga ŵandu ŵiŵangamucisye uneŵa galembedwe mu buku ja umi.

Filimoni 1:17

Myoyo naga mkunganicisya une kuti ndili mjenu, mumpocele jweleju mpela mwele mumkambocelele une.

Ŵaeblania 3:14

Pakuŵa uwe tutendekwe kuŵa ŵakwe ŵa Klistu, naga tukukamulisya mnope mpaka pambesi kulimba mtima kwele kutwakwete pandanda kula.

2 Petulo 1:1

Cikalataci cikutyocela kwa une Simoni* Petulo,* jwakutumicila ni ndumetume* jwa Yesu* Klistu.* Cikalataci cikuja kwa ŵandu ŵiŵapocele cikulupi citwapocele uwe soni. Jemanja soni ŵacipocele ligongo lya cilungamo ca Mlungu ni Mkulupusyo jwetu Yesu Klistu.

1 Yohana 1:3

Cele citwaciweni ni kucipikana, tukumlalicila, kuti jemanja pampepe ni uwe tuŵeje ŵakusyoŵekana ni Atati, soni ni Mwanagwawo, Yesu* Klistu.*

1 Yohana 1:7

Nambo naga tukwenda mu lilanguka mpela jwalakwejo ali mu lilanguka, pelepo ni kuti tukutama mu kusyoŵekana najo. Soni miasi ja Yesu mwanace jwakwe, jikusatuswejesya ni kututyocesya ulemwa* uliwose.