Ŵafilipi 1:25 - Chiyawo Bible

²⁵ Ngumanyilila kuti tinjiŵa cijumi. Tinjipitilisya kutama ni jemanja wosope ni kumkamusya kuti cikulupi cenu cikuleje, nambo soni kuti cimpe lukondwa kupunda pandanda.

Lilangano lya Sambano

²⁵ None ngumanyilila kuti chindame. Ni chinyendelechele kutama ni ŵanyamwe wose kuti nyendelechele kunkamuchisya mchikulupi ni kukola lukondwa.

Ŵafilipi 1:25 Iomraidhean Croise

Masalimo 60:6

Mlungu aŵisile cilanga* ali pa malo gawo gamaswela kuti, “Tinjimgaŵila cilambo ca Shekemu mwakusengwa, tinjimlembela malile Ciŵata ca Sukoti.

Luka 22:32

Nambo une nimpopelele m'mwejo kuti mkaleka kungulupilila une. M'mwejo pitimpitikucepo mtima, mjawule mkajongolele acalongo acimjenu.”

Masengo 11:23

Piŵayice Banaba ni kulola mwele Mlungu ŵapelele upile, ŵasangalele ni ŵasalicisye wosopewo kuti asimicisye mtima kuŵa ŵakulupicika kwa Ambuje.

Masengo 14:22

Ŵalimbisye mitima ŵakulijiganya ŵala ni ŵasalile kuti akajasa cikulupi cawo. Ŵasalile kuti, “Kuti tukajinjile mu Ucimwene wa Mlungu* tukwenela kupilila yisawusyo yejinji.”

Masengo 20:25

“Sambano ngumanyilila kuti jemanja ŵanamjendele ni kumlacililaga ya Ucimwene ŵa Mlungu ngasimumbona soni uneji.

Ŵaloma 15:13

Mlungu jwakusatupa cikulupi, agumbasye mitima jenu ni lukondwa ni mtendele wosope pakumkulupilila jwalakwejo, kuti cembeceyo cenu cipitilisyeje kukula mwamacili ga Msimu Ŵaswela.

Ŵaloma 15:18

Ngusalimba mtima kuŵeceta ya kandu kane, nambo ya ayo peyo yingusatenda kupitila mwa Klistu, kuti nakamucisye ŵandu ŵa mitundu jine kuti ampikanileje Mlungu, m'maloŵe ni myitendo,

Ŵaloma 15:29

Ngumanyilila kuti pitinjiyika kweleko, tinjiyika ni upile wapawinji wa Klistu.

Ŵaloma 5:2

Jwalakwejo ni juŵatuwugulile litala kuti pakukulupilila tupocele umbone mtima wa Mlungu wakusapeleka mwa lulele, myoyo tukusasangalala mu cembeceyo cetu patukwembecela kuti tucipocela lumbili lwa Mlungu.

2 Akoli 1:24

Ngatukusaka kutenda mpela tukumlamulila pa yindu yimkusaka kuyikulupilila, kuŵeceta ya cikulupi cenu, jemanja mli ŵatamilicice kusyene. Mnopemnope tukamula namwe masengo kuti mŵe ŵakusangalala.

Ŵafilipi 1:24

Nambo kwa ligongo lya jemanja, ngwenela kuti mbe cijumi.

Ŵafilipi 2:24

Nambo ngukulupilila kuti, naga Ambuje akusaka, une soni tinjiyika kweleko pangakaŵa.

Filimoni 1:22

Nambo soni mungolocesye malo gakutama une, ligongo ngukulupilila kuti Mlungu tacigapikana mapopelo ga jemanja wosope, ni kumbucisya une kwa jemanja.

1 Petulo 1:8

Jwalakweju nganimumwoneje, nambope mkusimumnonyela, soni mkusakulupilila mwa jwalakwejo, atamose kuti pa ndaŵi jejino ngamkumwona. Myoyo mkusasengwa ni lukondwa lwekulungwa lwangaŵalanjika.