Ŵafilipi 1:23 - Chiyawo Bible

²³ Une singalilwe. Ngusacilisya kuti mbwe ni kuja kutama ni Klistu, pakuti yeleyi ni yayili yambone kwa une.

Lilangano lya Sambano

²³ Ndili pamalekano, ngusaka kutyoka mu chilambo chino nyaule kutama ni Kilisito pakuŵa chelecho chili chindu chambone kupunda,

Ŵafilipi 1:23 Iomraidhean Croise

2 Sam 24:14

Apo Daudi ŵatite kwa Gadi, “Iyayi, une sambano yikusawusya kusagula. Pelepo, bola AMBUJEWO ambe uneji cilango, pakuŵa ali ŵacanasa cacikulungwa. Nambo yakuti amagongo ŵangu ambe une cilango ni ngangusaka.”

Masalimo 17:15

Nambo une tinjawona ŵalakwe, ligongo une nganindenda kose cakulemwa, patinjimuce tinjiŵa mundu jwakusengwa pakuwonegana ni ŵalakwe.

Masalimo 49:15

Nambo Mlungu taciwukulupusya umi wangu kutyocela ku macili ga ciwa.

Luka 12:50

Ngwenela kubatisidwa mwa litala line, nambo mtima wangu ngawukutama m'malo mpaka yitendekwe.

Luka 23:43

Yesu ŵajanjile kuti, “Kusyene ngumsalila kuti, lelope jino m'mwejo timkaŵe ni une ku malo ga lukondwa.”

Luka 8:38

Nambo mundu juŵamkopwesye masoka jula, ŵamŵendile Yesu kuti alongane nawo. Nambo Yesu ŵamwusisye ni kumsalila mundujo kuti,

Yohana 12:26

Naga jwalijose jwa jemanja akusosa kuti une mbe mbujegwe anguye une, kuti mpela ŵakundumicila ŵangu, akaŵe ni une kutingaŵe uneko. Myoyo Atati ŵangu tacimpa ucimbicimbi jwalijose jwakungamucisya une.

Yohana 13:1

Lyaliji lisiku lyakuti Cindimba ca Pasaka* caliji mkaniciyice ni piŵamanyilile Yesu* kuti ndaŵi jakuti jwalakwe atyoce pa cilambo capasi ni kwawula kwa Atati ŵakwe jakwanile. Jwalakwe ndaŵi syosope pa cilambo capasi pano ŵanonyele ŵandu ŵiŵamkulupilile, nipo ŵanonyele mpaka pa mbesi pa umi wakwe.

Yohana 14:3

Patinjawule kuja kukumlinganyicisya jemanja malo, tinjiwuja nipo tinjajigalila kwa une namsyene kuti akatame kungutama une.

Yohana 17:24

“Atati! Wawo ŵapelece jemanjaji kwa une, nipo une ngusosa kuti jemanjajo akaŵe ni une kwele kutingatameko, kuti akaluwone lumbili lwangu lusyesyene, lumbili luŵambele wawojo, pakuŵa wawo ŵanonyele une mkanapanganye cilambo capasi.

Masengo 7:59

Ŵandu ŵala piŵaliji kumponya maganga Sitefano, jwalakwe jwatandite kupopela acitiji, “Ambuje Yesu, pocelani msimu wangu.”

2 Akoli 5:8

Kusyesyene tukulimba mtima, nipo camnopemnope ni cakuti tukanonyele kopoka mcilu cetu cino ni kuja kutama ni Ambuje.

2 Akoli 6:12

Ngaŵatu uwe ŵatuwugele mitima jetu kwa jemanja iyayi, nambo jemanja ni ŵamwugele mitima jenu kwetuwe.

Ŵafilipi 1:24

Nambo kwa ligongo lya jemanja, ngwenela kuti mbe cijumi.

1 Ates 2:1

Acalongo acimjetu, jemanja mkumanyilila kuti ndaŵi jitwaliji ni jemanja kumangwenu kula nganijigambaga konasika cabe iyayi.

1 Ates 2:13

Pa lyele ligongoli, tukusamtogolela Mlungu mwangalecesya. Tukusatenda yeleyi ligongo lyakuti pimwapikene maloŵe ga Mlungu gele gatwamlalicile, mwagapocele ngaŵa mpela maloŵe ga ŵandu wamba, nambo mpela mwele mugaŵelele nditu maloŵe ga Mlungu, gagakukamula masengo mwa jemanja ŵakulupilila.

1 Ates 4:17

Kaneko uwe ŵituciŵa cijumi, ndaŵi jelejo tucijigalwa pampepe ni jemanjajo m'mawunde kuti tukasimane ni Ambuje mwinani. Myoyo tuciŵa ni Ambuje ndaŵi syosope.

2 Timoseo 4:6

Kuŵeceta ya une, umi wangu utandite kalape kutajidwa mpela mbopesi, nipo ndaŵi jikwanile jakuti njawuleje ulendo wangu wakutyoka mu umi awuno.

Chunukuko 14:13

Kaneko napikene maloŵe kutyocela kwinani gacitiji kuti, “Mlembe kuti, ŵana upile ŵandu ŵakuwa kutyocela sambano jino mpaka msogolo muno ali mkwatumicila Ambuje.” Msimu Ŵaswela akuti, “Elo, akwetedi upile kuti akapumule pa masengo gawo gakusitopesya, pakuti masengo gawogo gakusigakuya jemanjajo.”