Ŵafilipi 1:15 - Chiyawo Bible

¹⁵ Yili yakuwona kuti apali ŵane ŵakusalalicila ya Klistu ligongo lya wiwu ni kunonyela ukangani. Nambo apali soni ŵane ŵakusalalicila ni mtima wakuwona.

Lilangano lya Sambano

¹⁵ Isyene, ŵampepe mwa ŵandu wo akulalichila Ngani Jambone ja Kilisito kwa wiu ni umenyani, nambo ŵandu ŵane akulalichila Ngani Jambone ja Kilisito kwa ntima wambone wa kwakamuchisya ŵandu.

Ŵafilipi 1:15 Iomraidhean Croise

Matayo 23:5

Yosope yene yakusatenda akusagambaga kuyitenda kuti ŵandu ŵalole. Akusalitaŵilila tupukutu twatukulungwakulungwa twa maloŵe ga Mlungu pawusyo pawo ni m'makono mwawo. Akusalewuyaga soni nyenje sya yakuwala yawo.

Masengo 10:36

Akumanyilila kuti ŵatumicisye Aisalaeli maloŵe gawo ni ŵasalile Ngani Syambone* sya mtendele kupitila mwa Yesu* Klistu,* jwali Ambuje jwa ŵandu wosope.

Masengo 11:20

Nambo pasikati pawo papali ŵane ŵakutyocela ku Saipulasi ni ku msinda wa Kilene. Ŵapite kwika kwa Antiokeya nipo ŵalalicilaga Ngani Syambone sya Ambuje Yesu kwa ŵandu ŵa mitundu jine.

Masengo 5:42

Nipo lisiku lililyose ŵaliji mkwiganya ni kulalicila m'Nyumba ja AMBUJE ni m'majumba ga ŵandu Ngani Syambone* syakuti Yesu Klistu ni Mkulupusyo.

Masengo 8:35

Pelepo Filipi ŵatandite kumlalicila Ngani Syambone* sya Yesu kutandila pa malemba gelega.

Masengo 8:5

Nipo Filipi ŵapite ku msinda wa ku Samaliya, ni ŵaliji mkwalalicila ŵandu ŵakweleko ngani sya Yesu* Klistu.*

Masengo 9:20

Nipo mwangakaŵilisya ŵatandite kulalicila m'nyumba sya mapopelo* sya Ayuda acitiji, Yesu ni Mwanace jwa Mlungu.

Ŵaloma 2:8

Nambo tacapila mtima ni kwatumbilila ŵandu ŵali ŵakulinonyela acimsyene ni kukana kutenda yili yakulungama ni kusakaga kutendaga yangalumbana.

1 Akoli 1:23

nambo uwe tukusalalicila kuti Klistu ŵakomelwe pa msalaba. Kwa Ayuda maloŵe gelega gali gakudandawulisya, nambo kwa ŵandu ŵa mitundu jine* gali gakuloŵela,

1 Akoli 13:3

Atamose ndili mbelegenye yipanje yangu yosope kwa ŵandu ŵakulaga, kapena kupeleka cilu cangu cosope kuti cijocegwe, nambo naga jwangali cinonyelo, nikuti pangali cangu cambone.

2 Akoli 1:19

Pakuti Yesu Klistu, Mwanace jwa Mlungu, jwele une ni Sila soni ni Timoteo twaliji mkulalicila, nganaŵa jumo jwa “Elo” kapena soni “Iyayi” pa ndaŵi jimpepe, nambo ndaŵi josope ŵaliji “Elo” jwa Mlungu.

2 Akoli 11:13

Ŵandu ŵamti myoyoŵa nganaŵa ŵandumetume asyesyene, nambo ali ŵamasengo ŵa unami, ŵele ŵakusalilandanicisya ni kuwoneka mpela ŵandumetume ŵa Klistu.

2 Akoli 12:20

Ngogopa kuti patinjiyikapo kweleko, mwine tinjimsimana mli ŵakulekangana ni mwele mungusacila une ni mwine soni jemanja ni kusimana une jwakulekangana ni mwele mumkusacila jemanja. Ngogopa soni kuti mwine une ndakusimana kukangana, kupya mtima, kulinonyela, wiwu, kwalusyana ni kusogodana, misece ni njojo.

2 Akoli 4:5

Myoyo ngatukulalicila yetuwe; nambo tukulalicila ya Yesu* Klistu kuti ni Ambuje. Nipo uwe tuli ŵakutumicila ŵenu kwa ligongo lya Yesujo.

Ŵagalatia 2:4

atamose kuti ŵandu ŵane ŵasakaga kuti jwalakweju awumbale. Ŵandu ŵeleŵa ŵalambucisyaga mpela ŵakulupilila nambo ali mkinaŵa. Jemanjajo ŵajinjile mwikuga mwetu mpela ŵakusonda mwa asili kuti alole ya mtendele utukwete mwa Klistu* Yesu,* jwalijose jwa uweji ali mkakumanyilila. Jemanjajo ŵasakaga kuti uwe tuŵe mpela acikapolo pakutenda yigaŵecete malamusi kuti tutendeje.

Ŵafilipi 2:3

soni mkatendaga kandu ni mtima wakulinonyela, kapena wakulikwesya. Nambo mŵeje ŵakulinondiya, soni jwalijose amwoneje mjakwe kuti ali jwakumpunda jwalakwejo.

1 Timoseo 3:16

Pangali jwine mpaka akane ya asili ya dini jetu jekulungwa: “Jwalakwe jula jwawonecele ali cilu ca mundu, Msimu Ŵaswela ŵamtendele umboni kuti ali jwakulungama, malayika* gamŵeni. Ŵalalicidwe pasikati pa ŵandu ŵa mitundu josope, nipo ŵandu ŵa pacilambo cosope capasi ŵamkulupilile, jwalakwejo jwajigalidwe kwawula kwinani mu lumbili.”