Ŵafilipi 1:14 - Chiyawo Bible

¹⁴ Pa ligongo lyakuti ndili mu ukayidi, ŵakulupilila ŵajinji akulimba mtima mwa Ambuje, nipo akulalicila maloŵe ga Mlungu mwangali woga.

Lilangano lya Sambano

¹⁴ Kutaŵikwa kwangu kwatesile achalongo ŵajinji ŵaŵankulupilile Ambuje kuchalila kwannope mu kulalichila Liloŵe lya Akunnungu pangali lipamba.

Ŵafilipi 1:14 Iomraidhean Croise

Maliko 3:3

Yesu ŵamlamwile mundu jwamnyolole ligasa jula kuti, “Jimukani pelepo, myice mjime pasogolo pano.”

Luka 1:74

Mlungujo tacitukulupusya uwe kwa amagongo ŵetu, kuti kaneko tumtumicileje jwalakwejo mwangatenda woga,

2 Akoli 3:12

Tukulimba mtima mnope, pakuti tukwembecela yeleyi.

2 Akoli 7:4

Ngusinamkulupilila mnope, soni ngusamsangalilaga kusyesyene. Yakulimbisya mtima yili yejinji, nipo muyakusawusya yetu yosope mbundile kusangalala mnope.

Ŵaefeso 3:13

Ngumŵenda sambano kuti mkajasa mtima pakuti ngulaga ligongo lya jemanja, yeleyi yili yakumpa jemanja ucimbicimbi.

Ŵafilipi 1:20

Myoyo ngwembecela ni kulupilila ni mtima wangu wosope kuti tikuciŵa kwangali soni. Nambope ngwembecela kuti tinjilimba mtima kuŵeceta kuti sambano jino mpela ndaŵi syosope Klistu acimbicikwe kupitila mwa uweji, kanga timbe cijumi kapena iyayi.

Ŵafilipi 1:7

Ndaŵi syosope ngusaganisya mwa lukondwa ya jemanja, pakuti ngusamnonyela jemanja. Pakuti jemanja wosope mkungamucisya une, pa ndaŵi jindili mu ukayidi muno nambo soni pingukamula masengo giŵambele Mlungu gakuwucenjela kuti Ngani Syambone sili syakuwona ni kwatendekasya ŵandu kuti akulupilile mwakulimbangana pa Ngani Syambone.

Ŵafilipi 4:1

Ŵakunonyeledwa ŵakulupilila acimjangu, ngusacilisya mnope kuŵa ni jemanja. Jemanja mkusandendekasya une kuti mbeje jwakusengwa. Amu ni mumkwenela kwimila nji ni umi wenu mwa Ambuje.

Ŵakolosai 4:4

Mumbopelele sambano kuti mbecete cenene mwele mungwenela kuŵecetela kuti yipikanice.

Ŵakolosai 4:7

Ngani syangu syosope tamsalile Tukiko mjetu jwakunonyelwa ni jwakutumicila jwakulupicika, nipo soni jwamasengo mjetu mwa Ambuje.

1 Ates 2:2

Mpela mumkukumbucilila, kuti ŵandu ŵa ku Filipi* ŵatulagasisye ni kututendelela cipongwe. Nambope Mlungu jwetu ŵatulimbisye mitima mpaka twalalicile Ngani syakwe Syambone, atamose kuti ŵandu ŵajinji ŵasisyanaga ni uwe.

2 Timoseo 2:9

Ligongo lyakuti ngulalicila Ngani Syambonesi, nguyiwona yisawusyo mpela soni kutaŵidwa ni unyolo mpela jwaciswamba. Nambo maloŵe ga Mlungu ngaŵa mkomboleka kutaŵidwa.