Ŵafilipi 1:11 - Chiyawo Bible

¹¹ Umi wenu tiwuciŵa uli ugumbele ni yisogosi yakulungama yele timciyilosya mwakamucisidwa ni Yesu Klistu, kuti ŵandu wosope acimbicisye ni kumlumba Mlungu.

Lilangano lya Sambano

¹¹ Utame wenu tiugumbaswe ipanganyo yambone paujo pa Akunnungu yaikutyochela kwa Kilisito Yesu pe, kwa ligongo lya ukulu ni ulape wa Akunnungu.

Ŵafilipi 1:11 Iomraidhean Croise

Masalimo 1:3

Mundujo ali mpela citela cicimesile mungulugulu mwa lusulo, cicikusogola yisogosi mu ndaŵi jakwe, soni masamba gakwe ganganyala kose. Jwelejo akusapunda mu yosope yakutenda.

Yesaya 5:2

Ŵalimile cenene nipo ŵatyosisye tumaganga tosope, ŵapandile mbeju ja mpeleya jesagule cenene. Ŵataŵile sanja ja ulonda sikati ja mgundawo, ŵapanganyisye mwakupondela mpeleya mkati m'momo. Ŵajembecelaga kuti mgundawo tiwuciŵeleka yisogosi ya mpeleya yambone, nambo wasogwele yisogosi yakuŵaŵa.

Yesaya 60:21

Ŵandu ŵenu wosope tacijenda m'matala gangu, nipo cilamboco ticiciŵa cawo mpaka ndaŵi syangamala. Ŵanduwo naŵisile ni une, napanganyisye ni une, kuti alulosye lumbili lwangu kwa wosope.

Yesaya 61:11

Kusyene mpela mbeju musikusamelela ni kula, AMBUJE tacakulupusya ŵangu ŵakwe, Nipo mitundu josope tijicalumba AMBUJEWO.

Yesaya 61:3

Andumile kuti nape lukondwa m'malo mwa canasa ŵakulila ŵa ku Siyoni.* Nyimbo ja kulambila m'malo mwa canasa. Jemanjajo taciŵa mpela yitela yele yapandile AMBUJE asyene jikape. Wosope tacitenda yele yili yakulungama, nipo Mlungu tacicimbicikwa pa yele yayitesile.

Matayo 5:16

Myoyo soni jemanja mlosyeje lilanguka lyenu pameso pa ŵandu, kuti pitagawoneje masengo genu gambone, ŵacimbicisyeje Atati ŵenu ŵakwinani.

Yohana 15:16

Jemanja nganimusagula une; Une ni junamsagwile jemanja kuti mjawule ni mkasogole yisogosi yejinji, yele yili yakutamilisya. Myoyo Atati tacimpa yiliyose yitimwaŵende mu lina lyangu.

Yohana 15:2

Akusakataga lunyambi lulilose lwakusimanika mwa une lwangasogola yisogosi, nipo akusasamalilaga lunyambi lwakusogola yisogosi pakulusandulila nyambi wamba, kuti luŵe lwakusalala ni kusogola yisogosi yejinji.

Yohana 15:8

Naga jemanja msogwele yisogosi yejinji, tiyicilosya kuti mli ŵakulijiganya* ŵangu, myoyo lumbili lwa Atati ŵangu tiluciwonecela.

Ŵaloma 15:28

Pitimalisye masengo ganguga, ni kupeleka cenenepe yakupelekayi kwa jemanjajo, tinjipitila kumangwenuko pa ulendo wangu wa ku Spaniya.

Ŵaloma 6:22

Sambano mgopoledwe ku ulemwa, nipo sambano mli acikapolo ŵa Mlungu. Yeleyi tiyimtendekasye m'mwejo kuti mŵe ŵaswela mtima, pambesi pakwe yeleyi tiyimlongolele ku umi wangamala.*

1 Akoli 10:31

Sambano, kanga mkulya kapena mkumwa, kapena mkutenda cilicose, mtendeje yeleyo kuti mumcimbicisye Mlungu.

2 Akoli 9:10

Nipo Mlungu jwakupeleka mbeju kwa jwakupanda, nipo soni yakulya kuti alye, tacimpa mbeju kuti mpande, nipo timcigowola yindu yejinji ligongo lya kusalala mtima kwenu.

Ŵaefeso 1:12

Ŵasacile kuti uwe, ŵatwaliji ŵandanda kwembecela Klistu, tulucimbicisye lumbili lwakwe.

Ŵaefeso 1:14

Msimu Ŵaswela wukututendesya kuti tusimicisye kuti tucipocela yele Mlungu ŵasunjile ŵandu ŵakwe. Kaneko tuciŵa pa utendele usyesyene, myoyo Mlungu tacicimbicikwa ni kulumbidwa.

Ŵaefeso 2:10

Mlungu ŵatupanganyisye mpela mutuŵelelemu, nipo mwa Klistu Yesu ŵatupanganyisye kuti umi wetu uŵe wakamula masengo gambone gaŵaŵicile cilepe Jwalakwe kuti tugakamule.

Ŵaefeso 5:9

Pajatu palili lilanguka, pakusasimanikwa umbone wosope, cilungamo ni usyesyene wene.

Ŵafilipi 4:17

Pinguŵeceta yeleyi ngaŵaga kuti une ngujisosa mnope mituka jenujo iyayi, nambo cingusosa mnope cili cakuti pa yindu yimkweteyo, paŵe pana cakonjecesya.

Ŵakolosai 1:10

Pelepo timcikombola kwenda m'matala gele Ambuje akugasaka, nipo timcitenda yindu yakwasangalasya Ambujewo. Nipo umi wenu ucilosya yisogosi yambone yakulekanganalekangana nipo soni timciŵa mli mkonjecesya lunda lwenu lwa kum'manyilila Mlungu.

Ŵakolosai 1:6

Ngani Syambonesi sikuŵeleka yisogosi soni ni kuwanda pa cilambo cosope capasi, mpela musyatendele Ngani Syambonesyo pasikati penu kutandila lisiku limwapikene ni kupikanicisya ya umbone mtima wa Mlungu.

2 Ates 1:12

Myoyo lina lya Ambuje ŵetu Yesu Klistu tilicicimbicikwa mwa jemanja nipo jemanja timcicimbicikwa mwa jwalakwejo. Yosopeyi tiyicitendekwa ligongo lya umbone mtima wa Mlungu ni Ambuje ŵetu Yesu Klistu.

Tito 3:14

Ŵandu ŵetu akwenela kulijiganya kulipeleka pa masengo gambone, kuti akamucisyeje papakuwoneka kusoŵa kusyesyene. Atendeje myoyo kuti ma umi gawo gakaŵa gangapindulisya.

Ŵaeblania 12:11

Ndaŵi jele jitukupocela cilango, kwetuwe cilangoco cikusawoneka mpela cindu cakutesya canasa soni cangasangalasya. Nambo kaneko ŵandu ŵiŵakusile mwa litala lyeleli, panyuma pakwe ŵapatile mtendele wawuli cisogosi ca umi wakulungama.

1 Petulo 2:12

Msamale wende wenu pimkutama pasikati pa ŵandu ŵa mitundu jine,* kuti atamose amlambucisye jemanja kuti mli ŵandu ŵakutenda yakusakala, nambotu aloleje yitendo yenu yambone. Pakutenda myoyo tacimcimbicisya Mlungu pa lisiku lyakwika kwakwe.

1 Petulo 2:5

Jemanja mŵe soni mpela maganga ga umi gakuti Mlungu ataŵile nyumba jakwe. Myoyo mtumicile mpela ŵakutaga mbopesi ŵaswela pamasengo gakupeleka mbopesi syakwiticisidwa ni Mlungu kupitila mwa Yesu* Klistu.

1 Petulo 2:9

Jemanja mli lukosyo lwesagulidwe, ŵambopesi ŵa ku ucimwene, mtundu wesaguce, ŵandu ŵakweŵakwepe ŵa Mlungu. Ŵamsagwile jemanja kuti mkalalicile ya masengo ga macili ga jwele juŵamŵilasile jemanja kuti mkopoce mu cipi, ni mkajinjile mu lilanguka lyakwe lyakusimonjesya.

1 Petulo 4:14

Ŵana upile jemanja naga akumnyosya ŵandu ligongo lya lina lya Klistu, ligongo ni kuti Msimu ŵa lumbili, Msimu wa Mlungu, atamilicice pa jemanja.