Ŵafilipi 1:10 - Chiyawo Bible

¹⁰ kuti pakutenda myoyo timpakombole kusagula ayo yayili yambone mnope. Pa Lisiku lyakwika kwa Klistu timcisimanikwa mli ŵaswela mtima, nambo soni ŵangali cileŵi cilicose.

Lilangano lya Sambano

¹⁰ kuti nkombole kusagula indu yaili yambone. Sooni mitima jenu jiwoneche jeswela, ŵangali magambo mpaka lyuŵa lya kuuja Kilisito lila.

Ŵafilipi 1:10 Iomraidhean Croise

Genesesi 20:5

Ana Abulahamu asyene nganasalila une kuti jwamkongwejo ali mlumbugwawo? Nipo Sala asyene ŵatite soni kuti Abulahamu ali alumbu ŵawo? Une natesile yeleyi ni mtima wakulupicika, nipo naliji jwangali nganisyo syakusakala pindesileje yeleyi.”

Yobu 12:11

Ana pa ndaŵi japikene mundu maloŵe gakuŵecetedwa, ana jwalakwejo jwangasaka kuti agapime maloŵego amanyilile cakuwona cisyesyene? Yakuwona jwalakwejo akusagapima maloŵego. Yili yalumo kuti mundu akusapasya yakulya nipo akusasimana kuti yine yikunong'a cenene, nambo yine ngayikunong'a.

Yobu 34:3

Pakuti lipikanilo likusapikanicisya maloŵe mpela lulumi mulukusapacisya yakulya.

Mika 3:2

Mkusaŵengana ni yindu yayili yambone, ni kunonyelaga yayili yakusakala. Ŵandu ŵangu mkusimwakusa lipende ali cijumi, ni kunupula mnowu wawo kutyocela ku maupa gawo.

Matayo 16:23

Nambo Yesu ŵagalawice ni ŵamsalile Petulo kuti, “Mtyoce apa, m'mwe Satana!* Mkusaka kundemwekasya. Pakuŵa nganisyo syenusi nganisiŵa nganisyo sya Mlungu, nambo nganisyo sya ŵandu wamba.”

Matayo 26:33

Petulo* ŵamjanjile kuti, “Atamose wosope ajase mtima ni kwaleka, nambo une jikape ngasinaleka.”

Yohana 1:47

Yesu piŵam'weni Nataniyeli ali mkwisa kwa jwalakwe, ŵaŵecete ya Nataniyelijo kuti, “Aju ni m'Isalaeli msyesyene, mwa jwalakwe mwangali unami!”

Yohana 3:20

Wosope ŵene ŵakusatenda yakusakala akusaliŵenga lilanguka soni ŵangayika kulili lilanguka, ligongo ngakusosa kuti yitendo yawo yakusakala yiwonecele pakulanguka.

Masengo 24:16

Myoyo ngutenda mwamacili gangu masiku gosope kuŵa ni nganisyo syambone pameso pa Mlungu ni ŵandu.

Ŵaloma 12:2

Mkasimkuyaga ndamo syakusakala sya ŵandu ŵa cilambo capasi pano, nambo kuti Mlungu agalawusye umi wenu wosope pakumpa jemanja mitima ja sambano. Pelepo timcipakombola kumanyilila yakusaka Mlungu, nipo timcimanyilila yele yili yambone ni yakumsangalasya jwalakwejo.

Ŵaloma 12:9

Cinonyelo ciŵeje cisyesyene. Mciŵenjeje cicili cakusakala, ni mŵiceje mtima wenu pa kutenda yambone.

Ŵaloma 16:17

Ngumŵenda acalongo acimjangu kuti mkalamuce nawo ŵandu ŵele ŵakwagaŵanisya ŵakulupilila ni kwalemwekasya. Jemanjajo akusajiganya yakulekangana ni yele yimwalijiganyisye jemanja. Mwaŵambaleje jemanjajo,

Ŵaloma 2:18

Mkuyimanyilila yindu yakusaka Mlungu kuti m'mwejo myitendeje, nambo soni ligongo lyakuti mwalijiganyisye Malamusigo, ni mkumanyilila kulekanganya sikati ja yambone ni yakusakala.

Ŵaloma 7:16

Nambo naga ngutenda cingangucisaka, ni kuti ngukamulana nayo yakuti Malamusi gala gali gambone.

Ŵaloma 7:22

Mtima wangu ukusasangalala ni Malamusi ga Mlungu,

Ŵaloma 8:7

Ŵandu akusaŵengana ni Mlungu naga akulamulilidwa ni yakusaka ya mitima jawo, pakuti jemanjajo ŵangapikanila Malamusi ga Mlungu, soni ngaŵa mkugapikanila.

1 Akoli 1:8

Jwalakwejo tacimlimbisya jemanja mpaka pa lisiku lya mbesi, kuti timsimanikwe mli ŵangali magambo pa lisiku litaciyika Ambuje ŵetu Yesu Klistu.

1 Akoli 10:32

Umi wenu uŵe wangakuŵasya Ayuda kapena ŵandu ŵa mitundu jine* kapena mpingo* wa Mlungu.

1 Akoli 8:13

Myoyo naga yakulya yikumlemwecesya mlongo mjangu, ngisilya soni nyama, ni cakulinga cakuti ngamkuŵasya mjangujo.

2 Akoli 1:12

Citukusangalalila ni cakuti mtima wetu utendeleje umboni palipose pele patwapite, nambo mnopemnope pasikati penu, kwenda kwetu kwaliji kwagoloka ni kwangali unami. Yaliji myoyo ngaŵa ligongo lyakuya lunda lwa ŵandu iyayi, nambo kuti Mlungu ŵatusalalile mtima.

2 Akoli 2:17

Pakuti uwe nganituŵa mpela ŵandu ŵajinjiwo ŵele ŵakutenda malonda ni maloŵe ga Mlungu. Nambo pakuti tuli mwa Klistu, mpela ŵandu ŵakutumidwa ni Mlungu, tukusaŵeceta yakuwona mwakulingana ni kusaka kwakwe.

2 Akoli 6:3

Ngatukusaka kwapa ŵandu ligongo lyakuti aganyosyeje masengo getu, ni ligongo lyakwe ngatukusaka kuti paŵe cakusawusya cilicose.

2 Akoli 8:8

Ngangumlamula pakuŵeceta yeleyi. Pakumsalila ya citema cakwete ŵane pakamucisya, ngambakusaka kulola kuti ana cinonyelo cenu cili cisyesyene.

Ŵagalatia 5:11

Ŵakulupilila acimjangu, kwamba ya une, naga ngupitilisya kulalicila kuti ŵandu awumbaleje, nambi uli ŵandu akundagasya une? Yeleyi yikaŵe kuti yili yakuwona, ni kuti kulalicila kwangu kwambaga ya kugopolela kwa ciwa ca Klistu pa msalaba mkanikuŵa cisawusyo?

Ŵaefeso 4:15

Nambo pakuŵeceta yakuwona ni mtima wa cinonyelo, tukuleje mu yosope mwa Klistu jwele jwali mtwe,

Ŵaefeso 5:10

Mlinjeje kulijiganya yakwasangalasya Ambuje.

Ŵaefeso 5:27

Ŵasacile kuti awujimice pameso pakwe mlumbili, uli wangali liŵasi kapena ngwinyata, kapena kandu kane kalikose kakuwusakasya, nambo uli wawuswela ni wangali cipasipasi.

Ŵaefeso 6:24

Umbone mtima ni mtendele yakutyocela kwa Mlungu Atati ni Ambuje Yesu Klistu yiŵe pa jemanja.

Ŵafilipi 1:16

Jemanjaji akusalalicila ligongo lya cinonyelo, pakuti akusamanyilila kuti Mlungu ambele une masengo gakucinjilicisya Ngani Syambone.

Ŵafilipi 1:6

Ngusimicisya soni kuti Mlungu, juŵatandite kutenda yindu yambone mwa jemanja, tapitilisye kukamula masengo gambone mwa jemanja mpaka ali agamalisisye pa Lisiku litaciwuja Yesu Klistu.

Ŵafilipi 2:16

pakwasalila jemanjajo maloŵe gakupeleka umi. Myoyo une tinjikola ligongo lyakusengwela pa Lisiku lya Kuyika soni kwa Klistu, ligongo yimtesile jemanja tiyicilosya kuti nganimbutuka mwa mtega pa mpikisano wakuwutuka, kapena kukamula masengo mwa mtawu kwa mtega.

1 Ates 3:13

Myoyo Jwalakwe tacilimbisya mitima jenu kuti jiŵe jambone ni jangali magambo pameso pa Mlungu Atati ŵetu, katema kitaciyikaga Ambuje Yesu pampepe ni ŵaswela ŵakwe wosope.

1 Ates 5:21

Mlinje yindu yosope naga yili yakuwona; nipo myikamulicisyeje masengo yayili yambone

1 Ates 5:23

Mlungu msyene, jwele jwakusatupa mtendele, ampitikusye mtima kuti mŵe ŵakweŵakwepe. Amsunjeje ŵambumbu mu msimu, mu umi, soni mcilu, kuti cimŵe ŵangali liŵasi pakwisa Ambuje ŵetu Yesu Klistu.

Yoswa 24:14

Sambano Yoswa ŵapitilisye kuŵeceta kuti, “Mwape ucimbicimbi AMBUJE ni kwatumicila mwakuwona ni mwakulupicika. Atyosye milungu jiŵajilambilaga acinangolo ŵawo m'Mesopotamiya ni m'Iguputo, ni kwatumicila AMBUJE pewo basi.

1 Yohana 4:1

Jemanja ŵakunonyelwa acimjangu, mkakulupililaga misimu jilijose, nambo mjilinjeje misimujo kuti mlole naga jili jakutyocela kwa Mlungu; pakuti ŵakulocesya ŵa unami ali posepose pacilambo pano.

Chunukuko 2:2

Ngumanyilila yosope yimtesile. Ngumanyilila kuti mŵele mli mkukamula masengo mwakulimbangana ni yimtesile pakupimilila. Ngumanyilila soni kuti ngimwalecelela ŵandu ŵa ulemwa. Mwalinjile kala ŵandu ŵakusalikolanga kuti ndumetume nambo ali nganaŵa, nipo asimanikwe kuti ali ŵa unami.