Obadiya 1:3 - Chiyawo Bible

³ Mtima wenu wakupokawo umlambwisye. Likulungwa lyenu lili pasikati pa malwala, mkusatama pa matumbi gelewu. Mkusaŵeceta kuti, ‘Ana ŵani ŵa mpaka atutulusye pasi?’

Obadiya 1:3 Iomraidhean Croise

Genesesi 36:8

Myoyo Esawu, jwakolanjidwa soni Edomu, ŵajile kutama mcilambo ca matumbi ca Seyili.

2 Ayi 14:7

Amasiya ŵawuleje soni asilikali ŵa ku Edomu ŵakwanila 10,000 ku Ciŵata ca Njete, ni ŵawusumwile msinda wa Sela, ni ŵawupele lina lyakuti Yokitelo, nipo lina lyakwe lili ciŵela lilyolyo mpaka lelo jino.

2 Mbi 25:11

Amasiya ŵalimbile mtima nipo ŵalongolele asilikali wakwe kwawula ku Ciŵata ca Njete kuŵaputile ngondo ni kwawulaga asilikali ŵa ngondo ŵa ku Edomu ŵakwana 10,000,

2 Mbi 25:12

ŵakamwile soni asilikali ŵane ŵa ku Edomuko ŵakwana 10,000. Kaneko ŵakwesile nawo asilikaliwo penani pa lwala, ni ŵatutile pasi asilikaliwo nipo ŵawile.

Yobu 20:6

Atamose kuti mbili jakwe jijenele posepose soni atamose kuti lumbili lwakwe lukayice kwinani,

Misyungu 16:18

Kupoka kukusamlongolela mundu ku conasiko, soni mundu jwa mtima wakulikwesya tacigwa.

Misyungu 18:12

Mundu mkanagwe, akusatanda kola mtima wakanika ni wakulikwesya, nambo ucimbicimbi ukusayika panyuma pakulinondiya.

Misyungu 29:23

Kupoka kwa mundu tikucimgwisya, nambo mundu jwakulitulusya tacipocela ucimbicimbi.

Yesaya 16:6

Ŵandu ŵa ku Yuda akuŵeceta kuti, “Tukupikene kulilumba kwa ŵandu ŵa ku Mowabu, tukumanyilila kuti ali ŵakunyosya soni ŵamwano, nambo kulikwesya kwawo kosopeko kuli kwangali mate.”

Yelemiya 21:13

Ngumjimba magambo jemanja ŵandu ŵimkutama ku ciŵata, umkuŵa mpela lwala lwa mwilambo, AMBUJE akuŵeceta myoyo. Jemanja ŵimkusati kuti ana ŵani ŵampaka apute ngondo ni uwe? Ana ŵani ŵampaka ajinjile m'misinda mwetu?

Yelemiya 37:9

AMBUJE akuŵeceta kuti jemanja mkalilambusya ni kuganisya kuti Ababiloni tacityoka ni kumleka jemanja, ngasatyoka jemanjajo.

Yelemiya 48:28

“Jemanja ŵandu ŵimkutama ku Mowabu, mlece misinda jenu. Mkapate pakutama sikati ja maganga. Mŵe mpela ngunda jajikusataŵa cisusi cakwe kukamwa kwa mbanga.

Yelemiya 49:16

Kupoka kwenu kumlambwisye, kogoya kwenu kumsokonesye, m'mwe ŵakutama mu mbanga, m'malwala, ku matumbi. Atamose mtaŵe cisusi cenu penani mnope mpela cijuni ca ngwasi, tinjimtulusya pelepo.”

Yelemiya 49:4

Ana ligongo cici mkulilapilila pa yiŵata yenu, jemanja ŵandu ŵangakulupicika, umwajegamilaga pa yipanje yenu ni kutiji kuti, ‘Ana ŵani mpaka alimbane ni uwe?’ ”

Esek 28:16

Pakutupilwa ni malonda, yeleyi yamtendekasisye ndewu soni ni kulemwaga. Ni ligongo lyakwe namtyosisye petumbi lyangu lyeswela, soni lilayika lilyamlolelaga lila lyamtopwele kutyocela pa maganga ga moto.

Mala 1:4

Naga Aedomu ŵele ŵali yisukulu ya Esawu yijile kuti, “Misinda jetu jijonanjidwe ni amagongo ŵetu, nambo citujitaŵe soni,” nambo AMBUJE tacajanga kuti, “Ŵalece ataŵe soni — Une tinjijigwisya soni. Ŵandu tacijikolanga kuti, ‘Cilambo cicikulamulilidwa ni jwakusakala’ soni ‘Mtundu wele AMBUJE awutumbilile mpaka kalakala.’ ”