Obadiya 1:21 - Chiyawo Bible

²¹ Acalume ŵakuputa ngondo ŵakutyocela ku Yelusalemu tacipunda ni kulamulilaga cilambo ca Edomu. AMBUJE jikape taciŵa mwenye.”

Obadiya 1:21 Iomraidhean Croise

Genesesi 25:23

Myoyo AMBUJE ŵamjanjile kuti, “Mcitumbo mwenu mwana mitundu jiŵili ja ŵandu. Timciŵeleka mitundu ja ŵandu ŵatacilimbanaga. Mwanace jumo taciŵa jwamacili kumpunda jwine, jwamkulungwa tacimtumicila jwamnondi.”

2 Ayi 13:5

AMBUJE ŵatumicisye Aisalaeli mlongola juŵakulupwisye jemanjajo m'myala mwa Asiliya. Myoyo Aisalaeli ŵatemi mwa mtendele mcilambo mwawo, mpela muŵatamilaga pandanda.

Nehemiya 9:27

Ali ni ligongo lyakwe ŵalakwe ŵapelece jemanjajo myala mwa amagongo ŵawo ni kuti alamulilidwe ni jemanjajo. Pandaŵi jiŵaliji pa yipwetesi ŵalolaga kwa wawo kuti ŵakamucisye jemanjajo, nipo wawo ŵajangaga jemanjajo kwinani kwali wawoko. Ligongo lya canasa ca wawo cekulungwa wawo ŵatumicisye jemanjajo acimlongola ŵiŵakulupwisye jemanjajo kwa amagongo ŵawo.

Masalimo 102:15

Ngosyo sya ŵandu tacilijogopa lina lyawo AMBUJE, ni ayimwene wosope ŵa cilambo capasi tacilujogopa lumbili lwawo.

Masalimo 22:28

Pakuŵa ulamusi uli wawo AMBUJE, Jwalakwe akwalamulila ŵandu ŵa mitundu josope.

Masalimo 22:29

Ŵandu wosope ŵakulikwesya tacajinamila AMBUJE. Ŵandu wosope ŵakuwa nombe nawo tacimtindiŵalila.

Masalimo 47:7

Mlungu ali mwenye jwa cilambo cosope capasi; mumlumbe jwalakwejo pakumjimbila nyimbo.

Masalimo 67:4

Mitundu ja ŵandu jisangalale ni kwimba mwakondwa, pakuŵa ŵalakwe akusiŵalamula ŵandu mwa mwakulungamika, ni kwalongolela pa cilambo capasi.

Yesaya 19:20

Yeleyi tiyiciŵa yimanyisyo ni umboni wakusimicisya kuti AMBUJE Ŵamaciligosope ali mcilambomo. Naga Aiguputo akulila kwa AMBUJE ligongo lya yisawusyo yawo, Ŵalakwe tacituma mkulupusyo kuti ŵatetele soni kwakulupusya.

Yesaya 24:23

Lwesi tulucitenda cipi, nipo lyuŵa tilicisima, pakuti AMBUJE Ŵamaciligosope taciŵa mwenye. Tacilamulila Petumbi lya Siyoni* ni ku Yelusalemu, nipo tacilosya lumbili lwakwe pameso pa acakulungwa.

Daniele 12:3

Ŵandu ŵalunda tacilanguka kuti mbee mpela kwinani. Nipo ŵele ŵiŵalongolele ŵandu ŵajinji mu litala lya cilungamo tacilanguka mpela ndondwa mpaka kalakala.

Daniele 2:35

Myoyo cisyano, litaka, bulonsi, silifa ni golidi yila, yosopeyo ŵayikasenye pamo. Kaneko yagulwice ni mbungo mpela litaka pa malo gakupwagulila tiligu mu ndaŵi ja cawu, ngasigasyapo kandu kalikose. Nambo liganga lilyakasile ciwulili lila lyasandwice kuŵa litumbi lyekulungwa, ni kugumbala cilambo cosope capasi.

Daniele 2:44

Mu ndaŵi ja ayimwene ŵelewo, Mlungu jwakwinani tacitamilisya ucimwene wele ngisiwujonasika. Tiwucikasanya ni kugamasya ma ucimwene gane gosopego, nipo ucimwene welewo pewo tiwuciŵa mpaka kalakala.

Daniele 7:14

Ŵapegwile ulamusi, lumbili ni ucimwene, kuti ŵandu ŵa mitundu josope, ngosyo syosope ni ŵa yiŵeceto yakulekanganalekangana amtumicileje jwalakwejo. Ulamusi wakwe uli wa mpaka kalakala, ucimwene wakwe ngisiwumala soni ngasiwujonasika.

Daniele 7:27

Ucimwene, ulamusi, ni ukulungwa wa ayimwene wosope pasi pano tiyicipelecedwa ku mpingo wa ŵaswela mtima ŵa Mlungu Jwakupunda yosope. Ucimwene wawo tiwuciŵa wa mpaka kalakala, wakulamulila wosope ŵa pa cilambo capasi tacatumicilaga ni kwapikanila jemanjajo.”

Yoweli 2:32

Jwalijose jutacililumba lina lya AMBUJE, tacikulupuka. Mpela mujwaŵecetele jwalakwejo, ‘Tikuciŵa ŵane ŵakulupuka Kwitumbi lya Siyoni ni ku Yelusalemu, nipo mwa ŵakusigalawo tipacisimanikwa ŵane ŵele AMBUJE tacaŵilanga.’ ”

Mika 4:7

Jemanjajo alemele soni ali kwakutalikangana ni kumangwawo, nambo tinjitenda ndande jasambano ni ŵele ŵasigalile, nipo taciŵa mtundu wekulungwa. Tinjalamulila jemanjajo Petumbi lya Siyoni kutyocela ndaŵi jelejo mpaka kalakala.”

Sakaliya 14:9

Sambano AMBUJE taciŵa mwenye jwa cilambo cosope capasi; jwalijose tacimlambila jwalakwejo mpela Mlungu ni kum'manyilila jwalakwejo ni lina lilyolyo.

Matayo 6:10

Ucimwene wawo uyice; kusosa kwawo kutendecekwe, pacilambo capasi mpela kwinani.

Matayo 6:13

Nipo akatujinjisya mkulingwa, nambo atukulupusye kwa jwakusakalajo.’

Luka 22:30

Timcilya ni kumwa pampepe ni une mu Ucimwene wangu, soni timcitama mu yitengu kuti mlamulile ngosyo likumi ni siŵili sya ku Isalaeli.”

1 Timoseo 4:16

Mliloleleje cenene mwasyene, nambo soni pa yele yimkusajiganya. Mpitilisye kutenda yele yinduyi, ligongo naga mkutenda yeleyi, timcilikulupusya mwasyene, nambo soni ŵandu ŵakusagapikanila maloŵe genu.

Yakobo 5:20

m'manyilile kuti jwele jutacimtendekasya mundu jwakulemwajo kuwujila ku litala lyakwe lya ulemwa, tacikulupusya umi wa mundujo ku ciwa, nipo ligongo lya jwalakwejo ulemwa wejinji tucikululucidwa.

Chunukuko 11:15

Kaneko lilayika lya msano ni kaŵili lyagombile lipenga lyakwe. Pilyatesile myoyo kwinani kwapikanice maloŵe gamacili. Maloŵe gatite kuti, “Sambano macili gakulamulila cilambo capasi gali m'myala mwa Ambuje ŵetu ni mwa jwakusagulidwa jwakwe jula, nipo tacilamulila mpaka ndaŵi syosope.”

Chunukuko 19:6

Kaneko napikene maloŵe mpela ga namtindi jwa ŵandu, mpela kukokoma kwa mesi gejinji, nambo soni mpela kulindima kwa njasi. Napikene ali mkuŵeceta kuti, “Kwende tumlumbe Mlungu! Pakuti Ambuje, Mlungu jwetu, ali Mwenye!

Chunukuko 20:4

Kaneko nayiweni yitengu ya ucimwene, nipo jwakutama pa yitengupo ŵapegwile macili gakulamula. Najiweni soni misimu ja ŵandu ŵiŵakatile pa lukosi ligongo lyakumtendela Yesu* umboni, nambo soni ligongo lyakulalicila maloŵe ga Mlungu. Jemanjajo nganacilambila nawo cilombo cila kapena cilandanyo cila, nambo soni jemanjajo ŵakanile kulembedwa cimanyisyo cila pawusyo pawo kapena pamkono. Ŵaliji soni cijumi ni kulamulilaga pampepe ni Klistu* yaka 1,000.

Ŵakulamula 2:16

Kaneko AMBUJE ŵapele Aisalaeli ŵakulongolela ŵiŵakulupwisye jemanjajo kwa amagongo ŵaciswamba ŵala.

Ŵakulamula 3:9

Kaneko Aisalaeli ŵalilile kwa AMBUJE, nipo ŵatumicisye mundu juŵakulupwisye jemanjajo. Jwalakwejo jwaliji Otiniyele mwanace jwa Kenasi mpwakwe jwa Kalebu.