Obadiya 1:18 - Chiyawo Bible

¹⁸ Lukosyo lwa Yakobo tiluciŵa mpela moto, lukosyo lwa Yosefe tiluciŵa mpela malamba ga moto, lukosyo lwa Esawu tiluciŵa mpela manyasi. Tacajoca ni kwatinisya soni ngasakulupuka mundu jwalijose.” Akuti myoyo AMBUJE.

Obadiya 1:18 Iomraidhean Croise

2 Sam 19:20

Une kapolo jwenu ngumanyilila kuti nalemwisye. Ni ligongo lyakwe ambweni yice lelo jino, soni ndili jwandanda mwiŵasa lyosope lya Yosefe kwika kukwacingamila ŵalakwe ambuje ŵangu mwenye.”

Ekisodo 5:12

Myoyo ŵandu ŵajawile pa cilambo cosope ca Iguputo, kuja kulolesya manyasi.

Yesaya 10:17

Mlungu ŵele ŵali lilanguka lya Isalaeli tacitendekwa kuŵa moto, motowo tiwucajoca ni kwatinisya mpela miŵa pa lisiku limo.

Yesaya 31:9

Mwenye jwawo tacitila ni woga, nipo acimlongola ŵa ngondo tacipwilingana mwa woga myoyo kuti tacisileka mbendela syawo sya ngondo,” akuti myoyo AMBUJE ŵele moto wawo uli ku Siyoni, nipo ng'aso jakwe jili ku Yelusalemu.

Yesaya 47:14

“Ŵanduwo ali mpela mipesi, tacipya ni moto. Ngasakombola kulikulupusya ku macili ga lilamba lyakwe. Moto wakwe wangaŵa mkuwujota kapena kuwuŵandicila.

Yesaya 5:24

Myoyo mpela moto muwukusajonanjila ciputu, mpela soni mwele manyasi gejumu gakusapila pamoto, myoyo soni miciga jawo tijiciwola, nipo maluŵa gawo tigacijumula ni kuguluka mpela luwundu, ligongo ŵakanile Malamusi ga AMBUJE Ŵamaciligosope ni kuganyosya maloŵe ga Ŵaswela ŵala ŵa Aisalaeli.

Yesaya 9:18

Kusakala kwa jemanja kukusakolela mpela moto, wele ukusajoca miŵa, wele ukusajoca yitekete, nipo lyosi lyakwe likusatenda tolo mwinani mpela liwunde.

Yesaya 9:19

Ni ligongo lyakwe lutumbilo lwa AMBUJE Ŵamaciligosope lujocile cilambo, nipo ŵandu ali mpela sasu syakwisila pamoto, pangali mundu jwakumtendela canasa mlongo mjakwe.

Yelemiya 11:23

Ngasakulupuka atamose jumo jose, ligongo tinjijonaga ŵandu ŵa ku Anatoti, piticicikwana caka cawo cakupegwa cilango.”

Esek 37:16

“M'mwe mwanace jwa mundu, mjigale simbo ni mlembe pa simbopo kuti, ‘Ucimwene wa Ayuda.’ Ni mjigale soni simbo jine ni mlembe soni kuti, ‘Ucimwene wa Aisalaeli’.

Esek 37:19

mwasalile kuti Une AMBUJE Mlungu ngukuti, sigele panandi kujigala simbo jikwimilila Isalaeli ni kujilumbikanya ni simbo jikwimilila Yuda. M'malo mwa simbo siŵili jiciŵa jimo nipo tinjijikamulila m'myala mwangu.

Yoweli 2:5

Akusumba penani pa matumbi ni masegwe gamti mpela ga mageleta. Akupikanika mpela malamba ga moto gagakoca manyasi. Jemanjajo akwenda pa msela umo mpela likuga lya ngondo lyamacili lili cile kuja kuputa ngondo.

Amosi 1:8

Tinjijonanga ŵandu wosope ŵakutama ku Ashidodi, soni mundu jwakukamulila simbo ja ucimwene wa ku Ashikeloni. Ni mkono wangu, tinjawulaga ŵandu ŵa mu msinda wa Ekiloni, nipo Afilisiti wosope ŵakusigalila tacijonasika.”

Amosi 5:15

Mŵengane naco cele cili cakusakala, nipo mnonyeleje ayo yayili yambone, ni kulolecesya kuti cilungamo cikutendekwa mu nganya sya magambo. Mwine mwakwe AMBUJE tacitenda canasa kwa ŵandu ŵa cilambo acino ŵele ŵali ciŵela cijumi.

Amosi 6:6

Mkusamwela finyo mu migawo jegumbale, ni kupakala mawuta gakununjila mnope, nambo ŵangadandawula ni konasika kwa cilambo ca Yosefe.

Obadiya 1:16

Ŵandu ŵangu ŵamwele mgawo wa yakuŵaŵa petumbi lyangu lyeswela. Nambo mitundu jine ja ŵandu tijicimwa mgawo wa yakuŵaŵa mwakupelenganya. Tijicigugudila mgawowo kaneko ni kusimilila ngawoneka soni.

Mika 5:8

Wosope ŵakusigalila ŵa Yakobo taciŵa malweso pasikati pa ŵandu ŵa mitundu ja ŵandu mpela lisimba pasikati pa nyama sya mwitinji. Taciŵa mpela mwanace jwa lisimba pasikati pa likuga lya ngondolo, ŵele akusati naga asijinjilile akusasikamula ni kusipacukulanya. Pakusaŵa pali pangali ŵakusikulupusya.

Nahumu 1:10

Tacimjoca kwakogoya mpela miŵa jakutambalala nambo soni mpela manyasi gejumu, jemanja ŵakolelwa.

Sakaliya 12:6

“Pandaŵi jelejo, tinjitenda ngosyo sya ku Yuda kuŵa mpela moto mu ukweti kapena mu mgunda wa yimanga yekomale tacijonanga mitundu josope jakwasyungulila jemanjajo. Ŵandu ŵa ku Yelusalemu tacitama mwa mtendele mcilambo mwawo.

Mala 4:1

AMBUJE Ŵamaciligosope akuti, “Lisiku likwisa lyele ŵandu wosope ŵakulikusya ni ŵakutenda yangalumbana tacipya mpela ufuni. Pa lisiku lyelelyo tacipya mpaka kutinika, ngasigaŵa kandu.

1 Akoli 3:12

Pa yilimbilimbi yeleyi mundu komboleka kutaŵapo pakamulisya masengo golidi,* silifa,* maganga ga mtengo wapenani, matabwa ni manyasi kapena mapesi.