Obadiya 1:16 - Chiyawo Bible

¹⁶ Ŵandu ŵangu ŵamwele mgawo wa yakuŵaŵa petumbi lyangu lyeswela. Nambo mitundu jine ja ŵandu tijicimwa mgawo wa yakuŵaŵa mwakupelenganya. Tijicigugudila mgawowo kaneko ni kusimilila ngawoneka soni.

Obadiya 1:16 Iomraidhean Croise

Yesaya 42:14

Mlungu akuŵeceta kuti, “Nganimbeceta kwa ndaŵi jajilewu, nagambile kuti jii, ngatenda kalikose. Nambo sambano ngugumila mpela jwamkongwe pa ndaŵi jakuŵeleka mwanace, ngupumula mwakaticisya nipo ndili mkupumasika.

Yelemiya 49:12

AMBUJE akuŵeceta kuti, “Naga ŵele ŵiŵaliji ŵangaŵajilwa kumwela mgawo wa cilango ayice amwe nditu. Kuli uli jemanja, ana mkuganisya kuti timciŵa ŵangapegwa cilango? Pepani, timcipegwape cilango, nipo timcimwa kwene mgawowo.

Malilo 4:21

Sengwani jemanja ŵandu ŵa ku Edomu ni Usi; sangalalani mwele mumpaka msangalalile. Conasiko cenu jemanja cikwisa; timcikolelwa mpaka kuwula yakuwala ni kutenda soni.

Yoweli 3:17

Myoyo, timcimanyilila kuti une ndili AMBUJE, Mlungu jwenu, jungusatama ku Siyoni, kwitumbi lyangu lyeswela. Yelusalemu taciŵa jwamswela mwakuti acalendo ngasapitamo mpela ŵakusumula.

Habakuku 1:9

“Likuga lyawo lya ngondo likwika ni ciwawa, nipo ŵandu akutenda woga ndaŵi jakwika jemanjajo. Ŵakamulaga acikapolo ŵajinji mpela mcenga.

1 Petulo 4:17

Sambano ndaŵi jiyice jakuti Mlungu atande kwalamula ŵandu ŵakwe. Sambano naga camukoco cikutandila pa uweji, nambi pakwika pa ŵangapikanila Ngani Syambone sya Mlungu, ni kuti tiyiciŵa yamtuli?