Obadiya 1:15 - Chiyawo Bible

¹⁵ “Pangakaŵa tiliyice lisiku lya AMBUJE pa jele ndaŵijo jwalakwejo tacijamuka mitundu josope ja ŵandu. Jemanja Aedomu, tacimtenda yimwatesile ŵane. Yele yimwatesileyo tiyicimwujila.

Obadiya 1:15 Iomraidhean Croise

Esitele 9:25

Nambo Esitele ŵajile kwa mwenye, nipo mwenye ŵalamwile kupitila mu cikalata ciŵalembile kuti ciswamba ca Hamani casacileje kwatendela Ayuda, cawujile asyenewo, nambo soni kuti Hamanijo pamo ni ŵanace ŵakwe ŵacalume akolecedwe pa citela.

Yobu 24:1

Ana ligongo cici Mlungu Jwamaciligosope, nganaŵika ndaŵi jakuti ŵajamuce ŵandu ŵangalumbana? Ligongo cici ŵakulungama ŵangagawona masiku gamti myoyo?

Masalimo 137:8

Msinda wa Babiloni m'mwe ŵakwenela konasika, taciŵa jwana upile mundu jutacimwucisya yimtutendele uwejiyi.

Misyungu 5:22

Yakusakala ya mundu jwakusakala yikusaŵaga citega kwa msyene pejo. Tacitaŵidwa ni ngonji sya ungalumbana wakwe.

Yelemiya 12:14

AMBUJE akuŵeceta kuti, “Ŵandu wosope ŵakusakala ŵakutama myilambo yayiŵandikene ni cilambo ca Isalaeli, akwasumulaga Aisalaeliwo cilambo, cinapele ŵandu ŵanguwo. Pa ligongo lyeleli une tinjatyosya mcilambo celeco, soni tinjityosya liŵasa lya Yuda pasikati pawo.

Yelemiya 49:12

AMBUJE akuŵeceta kuti, “Naga ŵele ŵiŵaliji ŵangaŵajilwa kumwela mgawo wa cilango ayice amwe nditu. Kuli uli jemanja, ana mkuganisya kuti timciŵa ŵangapegwa cilango? Pepani, timcipegwape cilango, nipo timcimwa kwene mgawowo.

Yelemiya 50:29

“Mwaŵilanje wosope ŵakusaponya mipamba kuti amenyane ni Ababiloni, ayice soni wosope ŵakuwuta mawukunje. Mwasyungulile ni misi jakwe kuti pakasimanikwa mundu jwakutila. Mwape cilango pakukuya yakulemwa yawo. Mwatende yele yiŵatesile ŵane. Jwalakweju ŵanyosisye AMBUJE, Ŵaswela ŵa Aisalaeli.

Yelemiya 51:56

Ayice kukonanga Babiloni, soni asilikali ŵakwe akamwilwe, mawukunje gawo gatemangwice. Pajatu AMBUJE ali Mlungu jwakusapeleka cilango, taciwucisya kusyesyene yakulemwa yawo.

Esek 30:3

Kusyene lisikuli liŵandicile, lisiku lyele AMBUJE litacipeleka cilango, lisiku lya mawunde ni lisiku lya yisawusyo kwa mitundu ja ŵandu.

Esek 35:11

Myoyo pakuŵa ndili AMBUJE Mlungu jwa umi, tinjimwucisya lutumbilo lwenu, wiwu wenu ni uŵengani wuwaliji pa ŵandu ŵangu. Tacimanyilila kuti ngwapa cilambo jemanja ligongo lya yele yimwatesile kwa jemanjajo.

Esek 35:15

mpela mwele mumwasangalalile kugwa kwa Isalaeli, cakupata cangu. Matumbi ga Seyili ni cilambo ca Edomu, ticiciŵa masame. Pelepo jwalijose tacimanyilila kuti Une ni AMBUJE.”

Yoweli 1:15

Kongwene! Lisiku lyakogoya liŵandicile; lisiku lya AMBUJE, likwisa ni conasiko cakutyocela kwa Mlungu Jwamaciligosope.

Yoweli 2:1

Mlisye lipenga ku Siyoni.* Mgumile mwakwakalamusya ŵandu petumbi lyangu lyeswela. Mtetemele, jemanja ŵandu ŵa ku Yuda. Lisiku lya AMBUJE likwisa pangakaŵa.

Yoweli 2:11

Liloŵe lya AMBUJE likupikanika kusogolo kwa likuga lya ngondo. Likuga lyakwe lya ngondolo lili lyekulungwa mnope. Jwele jwakutenda yele yakulamula AMBUJE ali jwamacili mnope. Lisiku lya AMBUJE lili lyekulungwa ni lyakogoya mnope. Ana ŵani ŵitacipakombola kupilila pa lyele lisikulyo?

Amosi 5:18

Likungu tiliciŵa kwa jemanja ŵimkulikumbila lisiku lya AMBUJE! Ana lisiku lyelelyo tilicimpindulila cici jemanja? Kwa jemanja tiliciŵa lisiku lya cipi nipo ngaŵa lya lilanguka.

Amosi 5:20

Lisiku lya AMBUJE tiliciyika ni cipi ngaŵa lilanguka; tiliciŵa lisiku lya likungu, kwangali lilanguka lililyose.

Mika 5:15

Mwa ukali ni mwakutumbila tinjipeleka cilango kwa mitundu josope ja ŵandu jele nganijimbikanila.”

Habakuku 2:8

Ligongo mwajonasile mitundu jejinji ja ŵandu, nambo sambano ŵandu uŵakulupwicewo tacimjonanga m'mwejo ligongo lya kwawulaga ŵandu ŵajinji ni ciwawa cimwatesile m'misinda josope ni kwa ŵandu ŵiŵatamaga mwelemo.

Matayo 7:2

Yimkuti pakwalamula ŵandu ŵane, m'momo soni Mlungu ni mutacimlamulila nomwe ŵakwe. Nipo mpimo umkusakamulicisya masengo pakwapima nawo ŵane, Mlungu tacikuyicisya m'momo pemo pakumwucisya jemanja.

Yakobo 2:13

Mundu jwalijose jwakulamula mwa ngalwe, Mlungu soni tacimlamula mwa ngalwe. Nambo jwalijose jwakusatendaga canasa akasajogopa kulamula kwa Mlungu.

Ŵakulamula 1:7

Adonibeseki ŵatite kuti, “Ayimwene 70 ŵakatidwe yikongo yawo ni yala yayikulungwa ya ku sajo syawo ŵalokotaga nyenyeswa pasi pa tebulo jangu. Mlungu sambano atesile kwa une yinatendele jemanjajo.” Myoyo asilikali ŵa ku Yuda ŵajigele Mwenye Adonibeseki kwawula nawo ku Yelusalemu, kuŵajile kuwila.