Obadiya 1:14 - Chiyawo Bible

¹⁴ Nganimŵajilwa kwalindilila pa malekano ga m'misewu kuti mwakamule ŵandu ŵakutila. Pa lisiku lyawo lya likungu nganimŵajilwa kwapeleka ŵandu ŵakusigalawo kwa amagongo.

Obadiya 1:14 Iomraidhean Croise

Genesesi 35:3

Uweji citutyoce akuno kwawula ku Beteli, kwele kutingataŵe malo gakupelecela mbopesi kwa Mlungu juŵangamucisye une mu ndaŵi ja yisawusyo yangu. Jwalakwejo ni Mlungu juŵaliji ni une kulikose kunaliji.”

Masalimo 31:8

Ni ŵalakwe nganambeleka m'makono mwa amagongo ŵangu, nambo ambisile pa malo pakutambasukuka.

Yesaya 16:3

Akwasalila ŵandu ŵa ku Yuda kuti, “Mtusalile yakuti tutende. Ndaŵi ja musi lyuŵa lili pa mtwe, mtupe mbwilili wambone. Mtujuŵisye uwe ŵatukutopoledwa, akatupeleka uwe ŵandu ŵakutila ngondo kuti jwalijose akatusimana.

Yesaya 16:4

Mtulece uwe ŵakutila ngondo ŵa ku Mowabu tutameje sikati jenu. Mtuteteye kwa wosope ŵakusosa kutujonanga.” Ndaŵi jikwisa jele yilagasyo ni konanjidwa tikucimala, nipo ŵandu ŵakwaliŵatila acimjawo tacityoka.

Yesaya 37:3

Utenga wakutyocela kwa Mwenye Hesekiya kwawula kwa Yesaya waliji wakwasalila kuti, “Lelo jino lili lisiku lya cisawusyo, lya cilango soni lyakutenda soni. Tuŵele mpela jwamkongwe jwele ndaŵi jakuŵelecela mwanace jikwanile, nambo ŵangali macili gakuŵelecela.

Yelemiya 30:7

Kongwene! Lisiku lyakogoya likwisa; lyelelo ngaŵa mkuliwanicisya ni lisiku line lililyose; ngasipapagwa lisiku line lililyose lyakulandana nalyo. Tijiciŵa ndaŵi ja yisawusyo kwa Yakobo,* nambope tacikulupuka ku yisawusyoyo.”

Amosi 1:6

AMBUJE akuŵeceta kuti, “Ŵandu ŵa ku Gasa akupitilisya kulemwa, myoyo tinjapa cilango. Jemanjajo ŵajigele mtundu wosope wa ŵandu ni kuja kuwusumisya mpela acikapolo kwa ŵandu ŵa ku Edomu.

Amosi 1:9

AMBUJE akuŵeceta kuti, “Ŵandu ŵa ku Taya akupitilisya kulemwa, myoyo tinjapa cilango. Jemanjajo ŵapelece mtundu wosope wa ŵandu ku Edomu, nganasunga cilanga* ca ulongo ciŵatesile cila.

Obadiya 1:12

Jemanja nganimŵajilwa kwasogoda acalongo acimjenu Ayuda ligongo lya likungu lyawo. Nganimŵajilwa kusangalala pakonasika kwawo. Nganimŵajilwa kwaseka pa ndaŵi jiŵaliji pa yipwetesi jemanjajo.

Matayo 22:9

Jawulani sambano m'malekano ga m'misewu, mkamŵilanje jwalijose jutimkasimangane najo, kuti ayice akuno ku cindimba ca ulombela.’