Obadiya 1:12 - Chiyawo Bible

¹² Jemanja nganimŵajilwa kwasogoda acalongo acimjenu Ayuda ligongo lya likungu lyawo. Nganimŵajilwa kusangalala pakonasika kwawo. Nganimŵajilwa kwaseka pa ndaŵi jiŵaliji pa yipwetesi jemanjajo.

Obadiya 1:12 Iomraidhean Croise

Yobu 18:20

Ŵandu ŵakungopoko lyuŵa asimonjile ni likungu lyakwelyo, nombe nawo ŵandu ŵa kungapilo lyuŵa agamba kupukunya mitwe kumala lunda.

Yobu 31:29

Nganisangalalaga kumwona mjangu ali mkulaga. Nganisecelelaga mjangu yili yimgwilile yipwetesi.

Masalimo 22:17

Mawupa gangu gosope gakopocele kusa, amagongo ŵangu ŵala akwamba kundolecesya; akusangalala pakumbona kuti ndili m'yisawusyo.

Masalimo 31:18

Wosope ŵakulikwesya ni ŵa unami, ŵele ŵakuŵeceta mwa mwano ni kwanyosya ŵandu ŵakulungamika ŵatamice jii.

Masalimo 35:15

Nambo une pa ndaŵi jinaliji m'yisawusyo, jemanjajo ŵasongangene mli mkusangalala, mwasongangene wosope pampepe, ŵandu ŵangalumbana ŵele ŵanganinamanyilila ni ŵaliji mkusinjilila.

Masalimo 37:13

Nambo AMBUJE akusamseka mundu jwangalumbanajo; ligongo akusamanyilila kuti tajonasice mwangakaŵilisya.

Masalimo 54:7

Angulupwisye myisawusyo yangu yosope, sangalele pakwawona amagongo ŵangu acilepelaga.

Masalimo 59:10

Mlungu jwangu tacinjingamila ligongo ali jwa cinonyelo cangamala. Mlungu jwangu tacikunda kuti une sangalale, pakwawona amagongo ŵangu acilepelaga.

Masalimo 92:11

Meso gangu gakuweni konasika kwa amagongo ŵangu, mapikanilo gangu gapikene yakonasika kwa ŵandu ŵaŵanjimucile.

Misyungu 17:5

Mundu jwakusiŵanyosya ŵandu ŵakulaga, akusamnyosya Mlungu juŵapanganyisye jemanjajo.

Yesaya 37:24

Mwatumisye ŵamitenga ŵenu kukunyosya uneji, mli mkusala kuti, ‘Ni mageleta gangu gamajinji nagapundile pa ngondo matumbi gamalewulewu ga Lebanoni. Mwaliji mkulikwesya soni kuti mwajinjile mkati musyesyene mwa ukweti, ni mwagwisisye yitela ya mikungusa yayilewulewu, pamo ni yitela ya payini yambone mnope mwelemo.’

Malilo 2:16

Amagongo ŵenu wosope akumnyosya ni kumpalandacisya meso kulosya kuti ngakumsaka. Akumsonya ni kumgambaga kuti, “Tuwujonasile kusyene! Lelo ni lisiku litwalijembecelaga!”

Malilo 4:21

Sengwani jemanja ŵandu ŵa ku Edomu ni Usi; sangalalani mwele mumpaka msangalalile. Conasiko cenu jemanja cikwisa; timcikolelwa mpaka kuwula yakuwala ni kutenda soni.

Esek 35:12

Nipo timcimanyilila kuti Une AMBUJE mbikene maloŵe genu gosope gakunyosya matumbi ga ku Isalaeli. Mwaŵecetaga kuti, ‘Matumbi ga ku Isalaeli agalesile nipo atupele uwe kuti tugajonanje.’

Esek 35:15

mpela mwele mumwasangalalile kugwa kwa Isalaeli, cakupata cangu. Matumbi ga Seyili ni cilambo ca Edomu, ticiciŵa masame. Pelepo jwalijose tacimanyilila kuti Une ni AMBUJE.”

Esek 36:5

“Une AMBUJE Mlungu nguti, mbele ndilimkuŵeceta ndili ni lutumbilo lwakogoya, kwajimba magambo ŵandu ŵa mitundu jine josope, mnopemnope ŵa ku Edomu.

Mika 4:11

Mitundu jejinji jisongene kuti jimenyane ni m'mwejo Siyoni. Jikuŵeceta kuti, “Kwende twasakasye, tulole kumala kwakwe kwa msinda wa Siyoniwu.”

Luka 19:41

Yesu piŵaŵandicile ni kuwuwona msinda wa Yelusalemu ŵawulilile.

Yakobo 3:5

Yili iyoyo soni ni lulumi: luli kaciŵalo kamnono, nambo lukusalilumba kuti luli lwakupakombola kutenda yayikulungwa. Mganicisye ya ukulu wa ngalango, jajikusajocedwa ni kupya ni moto wamnono.

2 Petulo 2:18

Jemanjajo akusaŵeceta maloŵe gakulikwesya gakuloŵela, ni yilakolako yakusakala ya cilu akusiŵanyenjelela ŵandu ŵagambile kulupuka kwene sikati ja acimjawo ŵakusakala ŵala.

Yuda 1:16

Ŵandu ŵakwe naŵa: ŵakunyinyita, ŵakudandawula, ŵagamba kuya yakunyalaya ya lisosa lya mtima wawo. Akusaŵeceta mwakulilumba acimsyenepe soni akusiŵalumba ŵandu ŵane mwa unami ligongo lyakusosa kupata pindu.

Chunukuko 13:5

Cilombo cila cakundidwe kuti ciŵecete maloŵe gakulikwesya ni gakumnyosya Mlungu. Capegwile macili gakulamulila kwa miesi makumi mcece ni jiŵili.

1 Sam 2:3

Alece kuŵeceta mwakulilapilila, akaŵeceta soni mwakulikwesya. Pakuŵa AMBUJE ali Mlungu jwalunda losope, nipo akusayilamula yitendo yosope ya ŵandu.