Obadiya 1:10 - Chiyawo Bible

¹⁰ “Jemanja Aedomu, ligongo lya ya ngalwe yimwatesile kwa acalongo acimjenu, yisukulu ya Yakobo,* tacimtesya soni ni kumjonanga mpaka kalakala.

Obadiya 1:10 Iomraidhean Croise

Genesesi 27:11

Nambo Yakobo ŵasalile mamagwewo kuti, “Mama akukumbucile kuti Esawu akwete manyunya pa cilu pakwe nambo une jwangali.

Genesesi 27:41

Myoyo Esawu ŵaŵengene najo Yakobo ligongo m'malo mwa kumpa upile jwalakwejo, Isaki ŵampele Yakobo upile. Nipo Esawu ŵaganisisye kuti, “Ndaŵi jakuwa baba ŵangu jisigele panandi, nipo timjimwulaga Yakobo.”

Masalimo 109:29

Ŵakumbecetela yakusakala syatende soni. Soni syawo syaŵijilile mpela cakuwala.

Masalimo 132:18

Tinjatesya soni amagongo ŵakwe, nambo ucimwene wakwe tiwucijendelecela kwenda cenene.”

Masalimo 137:7

Akumbucile, ŵalakwe AMBUJE, yiŵatendele Aedomu pa lisiku lila lyakonasika kwa Yelusalemu piŵatite pala kuti, “Mumgwicisye pasi, mumgwicisye pasi, mpaka pa yilimbilimbi yakwe!”

Masalimo 69:7

Pakuŵa anyosisye, ligongo lya ŵalakwe ngope jangu jikamwilwe ni soni.

Masalimo 89:45

Ŵalakwe amcekulupisye citemape; amtesisye soni.

Misyungu 10:6

Mundu jwambone tacipocela upile wa Mlungu, nambo pakamwa pa mundu jwakusakala pakusasisa yandewo.

Misyungu 17:5

Mundu jwakusiŵanyosya ŵandu ŵakulaga, akusamnyosya Mlungu juŵapanganyisye jemanjajo.

Yelemiya 12:14

AMBUJE akuŵeceta kuti, “Ŵandu wosope ŵakusakala ŵakutama myilambo yayiŵandikene ni cilambo ca Isalaeli, akwasumulaga Aisalaeliwo cilambo, cinapele ŵandu ŵanguwo. Pa ligongo lyeleli une tinjatyosya mcilambo celeco, soni tinjityosya liŵasa lya Yuda pasikati pawo.

Yelemiya 3:25

Sambano kwende tugone pasi mwa soni, soni kunyosyeka kwetu kutusise. Paja twalemwisye pamo ni acinangolo ŵetu, kwalemwecesya AMBUJE Mlungu ŵetu, kutandila tuli ŵanace mpaka lelo jino. Nganitupikanila maloŵe ga AMBUJE Mlungu jwetu.”

Yelemiya 49:13

Ngulumbila une namsyene, akuti myoyo AMBUJE. Msinda wa Bosila tiwuciŵa cindu cakunyalaya, citacicisekaga ŵandu, cangali kandu soni celwesece. Misi jakwe josope tijiciŵa masame mpaka kalakala.”

Yelemiya 51:51

Jemanja mkuŵeceta kuti, ‘Tukutenda soni ligongo lyakunyosya kutupocele. Ngope syetu sikutenda soni ligongo lya ŵa cilendo ŵajinjile ku maluŵala gakusagulidwa ga Nyumba ja AMBUJE.’

Malilo 4:21

Sengwani jemanja ŵandu ŵa ku Edomu ni Usi; sangalalani mwele mumpaka msangalalile. Conasiko cenu jemanja cikwisa; timcikolelwa mpaka kuwula yakuwala ni kutenda soni.

Malilo 4:22

Siyoni alipile ulemwa wakwe; sambano AMBUJE ngaŵa mkutuleka kuŵa mu ukapolo kwa ndaŵi jine soni. Nambo ŵandu ŵa ku Edomu, AMBUJE tacimpa cilango, ulemwa wenu taciwulosya pakulanguka.

Esek 35:9

Tinjijonanga cilambo cenu mpaka kalakala, nipo pangali atamose jumo jutacitamaga m'misinda jenu. Pelepo timcimanyilila kuti Une ndili AMBUJE.

Esek 7:18

Taciwala yisaka nipo tacikamulwa ni woga. Mitwe jawo tijicimyoledwa, nipo tacitenda soni.

Yoweli 3:19

Nambo Iguputo taciŵa cipululu, nipo Edomu taciŵa masame, ligongo lya ngondo jiŵamenyene ni ŵandu ŵa ku Yuda, ni ligongo lyakusulusya miasi ja ŵandu ŵangalemwa ku cilambo cawo.

Amosi 1:11

AMBUJE akuŵeceta kuti, “Ŵandu ŵa ku Edomu akupitilisya kulemwa, myoyo tinjapa cilango. Jemanjajo ŵatopwesye acalongo acimjawo lipanga lili myala mwangatendela canasa. Ŵakwete ukali wangapembeceka, ni lutumbilo lwangamala.

Mika 7:10

Amagongo wetu taciwona yeleyi, nipo tacitenda soni ŵandu uŵatuwusyaga kuti, “Ali kwapi AMBUJE, Mlungu jwenu?” Tuciwona kupundidwa kwawo nipo tacapondanya mpela matope ga mu msewu.

Detulonomo 23:7

“Mkanyosya ŵandu ŵa lukosyo lwa Edomu. Jemanja jila acalongo acimjenu. Soni mkanyosya ŵandu ŵa ku Iguputo, pakuŵa mwatemi mcilambo cawo kala.

Detulonomo 23:8

Yisukulu ya ngosyo syelesi, kutandila yisukulu ya mpago watatu kujaga msogolo, akukomboleka kwinjila mu msongano wa ŵandu ŵa AMBUJE.