Numeli 9:6 - Chiyawo Bible

⁶ Nambo ŵapali ŵandu ŵane ŵiŵaliji ŵangaswejela mpela mwa msyungu wakwe ligongo ŵaliji ali akwayisye mtembo, nipo nginapakombola kuti atende cindimba ca Pasaka pa lyele lisikulyo. Jemanjajo ŵajawile kwa Mose ni Aloni*

Numeli 9:6 Iomraidhean Croise

Ekisodo 18:15

Mose ŵajanjile akwegwe ŵawo ŵala kuti, “Ngwenela kutenda yindu yeleyi ligongo lyakuti ŵanduŵa akwika kwa une, kuti alipikanile acimsyene yakusosa Mlungu.

Ekisodo 18:19

Ambikanile sambano, nape lunda, ni Mlungu taŵe ni ŵalakwe. Ŵalakwe akwenela kwima m'malo mwa ŵandu pameso pa Mlungu, ni kujigala yakangana yawo kwa Jwalakwe.

Ekisodo 18:26

jemanjajo ŵaliji mkwalamula ŵandu ndaŵi syosope. Magambo gakusawusyape ŵayikaga nago kwa Mose, nambo magambo ga mnono ŵaliji mkugalamula acimsyenepe.

Lefitiko 21:11

Jwakutaga mbopesi aŵicidwe pajika kuti andumicileje Une, ni ngakwenela kulisakasya kapena kugasakasya malo ga citenti cakusimanilana, pakuwuŵandicila mtembo, kapena kulisakasya ligongo lya malilo ga babagwe kapena mamagwe. Naga akukopoka mcitenti cakusimanilana kuja ku malilo, jwakutaga mbopesijo ni citentico yikuŵa yesakale, ligongo ali jwakutaga mbopesi jwamkulungwa.

Numeli 15:33

Ŵamjigele kuja najo kwa Mose, Aloni* ni likuga lyosope lya ŵandu,

Numeli 19:11

Jwalijose jwakukwaya mtembo ali jwangaswejela kwa masiku msano ni gaŵili mpela mwa msyungu.

Numeli 19:14

Naga mundu jwine akuwa mu tenti, jwalijose jwali mutentimo pa ndaŵi jakuwajo kapena akwinjila mwelemo taciŵa jwangaswejela kwa masiku msano ni gaŵili.

Numeli 19:16

Naga mundu jwine akumkwaya mundu jwawulajidwe kapena kuwa mwakuwila ŵandu ŵane wosope, kapena naga jwine akukwaya liwupa lya mundu kapena lilembe, akuŵa jwamsakale kwa masiku msano ni gaŵili.

Numeli 19:18

Pandanda, mundu jwali jwamswejele ajigale liwupulu lya hisope, aliloŵece m'mesimo, nipo ajimisile tentijo, ni yosope yene yayili mwelemo, ni ŵandu ŵiŵaliji pelepo. Kaŵiliko, mundu jwine jwali jwamswejele am'misile mesigo mundu juŵakamwile liwupa lya mundulyo kapena mtembo kapena lilembe.

Numeli 27:2

Jemanjaji ŵajawile ni kuja kwima pasogolo pa Mose,* Eliyesa jwakutaga mbopesi, acakulungwa ni mpingo wosope pa mlango wakwinjilila mu tenti jakusimanilana ni AMBUJE.*

Numeli 27:5

Mose ŵagapelece magambogo kwa AMBUJE,

Numeli 5:2

“Mwalamule ŵandu ŵa ku Isalaeli kuti amtyosyeje jwalijose ku masakasa jwakwete cilwele ca matana kapena jwakukopoka yakusakala mcilu mwakwe ni jwalijose jwawukwayisye ni mtembo.

Numeli 9:7

ni ŵatite, “Uwe tuli ŵangaswejela ligongo tukwayisye mtembo, nambo ligongo cici akutulekasya kupeleka mbopesi kwa AMBUJE pamo ni Aisalaeli ŵane wosope?”

Yohana 18:28

Ŵalaŵilile kundaŵi kumjigala Yesu kutyocela ku nyumba ja Kayafa kwawula ku nyumba ja bwanamkubwa.* Acakulungwa ŵa Ayuda nganajinjila mkati mwa nyumbajo, ligongo ŵasosaga kuti akalisakasya, pakusosa kuti akapakombole kulya yakulya ya cindimba ca Pasaka.*