Numeli 9:5 - Chiyawo Bible

⁵ nipo ligulo lya lisiku lya 14 lya mwesi wandanda jemanjajo ŵatesile myoyo mcipululu ca Sinayi. Ŵandu ŵatesile yosope yene mpela yiŵatite AMBUJE pakumlamula Mose.

Numeli 9:5 Iomraidhean Croise

Genesesi 6:22

Nipo Nowa ŵayitesile yosope yene yiŵalamwile Mlungu.

Genesesi 7:5

Nowa ŵatesile yosope yiŵamlamwile AMBUJE.

Ekisodo 12:50

Aisalaeli wosope ŵapikanile yeleyi, ni ŵayitesile yele AMBUJE ŵamlamwile Mose ni Aloni.

Ekisodo 39:32

Myoyo masengo gosope gakutaŵa citenti cakusimanilana ni AMBUJE gamasile. Aisalaeli ŵala ŵayitesile yindu yosope mpela mwele AMBUJE ŵamlamulile Mose.

Ekisodo 39:42

Myoyo Aisalaeli ŵagatesile masengo gosope mpela mwele AMBUJE ŵamlamulile Mose.

Numeli 1:54

Myoyo ŵandu ŵa ku Isalaeli ŵatesile yosope yene yiŵalamwile AMBUJE kwa Mose.

Numeli 29:40

Myoyo Mose* ŵasalile Aisalaeli yosope yene yiŵamlamwile AMBUJE.

Numeli 8:20

Myoyo Mose, Aloni, ni ŵandu wosope ŵa Aisalaeli ŵaŵisile pajika Alefi, mpela muŵamlamulile AMBUJE Mose.

Numeli 9:4

Myoyo Mose ŵasalile ŵanduwo kuti atendeje cindimba ca Pasaka,

Matayo 28:20

ni kwajiganya yosope yele yinamlamulile. Nipo unejo ndili ni jemanja masiku gosope, mpaka mbesi ja cilambo capasi cino.”

Yohana 15:14

Jemanja mli acimjangu naga mkusatendaga yele yinamlamulile kuti myitendeje.

Masengo 26:19

“Ni myoyo, Mwenye Agilipa, nganingana kwiticisya yele yinayiweni m'mesomkulola kutyocela kwinani.

Detulonomo 1:3

Atamose kuti ulendo wakutyocela Kwitumbi lya Sinayi kwawula ku Kadeshi Baneya waliji wa masiku gamnono, Mose ŵatandite kwasalila malamusi gosope gaŵamlamwile AMBUJE* kuti ŵasalile Aisalaeli, ali ayice pesi pa Lusulo lwa Yolodani, mcilambo ca Mowabu, pa lisiku lyandanda lya mwesi wa 11, mcaka ca 40, cityocele Aisalaeliwo ku Iguputo.

Detulonomo 4:5

“Une namjiganyisye jemanja malamusi gosope mpela muŵandamulile AMBUJE, Mlungu jwangu, kuti namjiganye. Mkagapikanileje gele malamusiga, mcilambo cimsigele panandi kwinjila ni kuja kutamilicika.

Ŵaeblania 11:8

Pakuŵa ni cikulupi, Abulahamu* ŵapikanile ndaŵi jele Mlungu ŵamŵilasile jwalakwejo kuti ajawule ku cilambo cele Mlungu ŵatesile cilanga* najo kuti ticiciŵa cakwe. Atamose nganamanyililaga kwele kuŵajawulaga, ŵajawilepe.

Ŵaeblania 3:5

Mose ŵaliji ŵakulupicika m'nyumba ja Mlungu mpela jwamasengo, kuti atendele umboni yindu yitaciŵeceta Mlungu pasogolo pakwe.

Yoswa 5:10

Aisalaeli piŵaliji pa cigono ku Giligala pelambo lyakuŵandikana ni Yeliko, ŵatendaga Pasaka* cilo ca lisiku lya likumi ni mcece lya mwesi.