Numeli 9:2 - Chiyawo Bible

^2-3 “Pa lisiku lya 14 lya awuno mwesi uno, kutandilaga pakapila lyuŵa, Aisalaeli akuŵajilwa kutenda cindimba ca Pasaka* mpela mwa malamusi ni kukuya yosope yakukalamusya ya cele cindimbaci.”

Numeli 9:2 Iomraidhean Croise

2 Ayi 23:21

Myoyo Mwenye Yosiya ŵalamwile ŵandu ŵosope kuti, “Mtende cindimba ca Pasaka,* kwacimbicisya AMBUJE Mlungu ŵenu, pakukuyicisya yilembedwe m'buku ja cilanga ca Mlungu.”

2 Mbi 35:1

Yosiya ŵatesile Pasaka* ku Yelusalemu pakwacimbicisya AMBUJE. Pa lyuŵa lya 14 lya mwesi wandanda ŵawuleje ŵanace ŵangondolo ŵa cindimba ca Pasaka.

Esala 6:19

Ŵandu ŵiŵawusile kutyocela ku ukapolo ŵatesile Pasaka* pa lisiku lya 14 lya mwesi wandanda.

Lefitiko 23:5

Cindimba ca Pasaka* cikutanda ndaŵi jegulo, pa lisiku lya 14 lya mwesi wakutanda.

Numeli 28:16

Cindimba ca Pasaka* ja AMBUJE citendecekweje pa lisiku lya 14 lya mwesi wandanda.

Maliko 14:12

Pa lisiku lyandanda lyakutenda cindimba ca mikate jangali cakusasaŵilisya, pa lyele lisikuli ŵandu ŵawulagaga ngondolo kuti atendele cindimba ca Pasaka, ŵakulijiganya wa Yesu ŵamwusisye kuti, “Ana akusaka kuti uweji tukakolosye kwapi malo gakuja kulila cindimba ca Pasaka?”

Luka 22:7

Lisiku lyakwanile lya cindimba ca mikate jangali cakusasaŵilisya, pa lyele lisikuli ŵandu ŵaliji mkuwulaga ŵanace ŵangondolo kuti atendele cindimba ca Pasaka.

Yoswa 5:10

Aisalaeli piŵaliji pa cigono ku Giligala pelambo lyakuŵandikana ni Yeliko, ŵatendaga Pasaka* cilo ca lisiku lya likumi ni mcece lya mwesi.