Numeli 9:10 - Chiyawo Bible

¹⁰ kuti ŵasalile Aisalaeli kuti, “Naga jwalijose mwa jemanjajo kapena yisukulu yawo yili yangaswejela ligongo lyakwaya mtembo kapena ali kwakutalika pa ulendo, nambo soni akusosa kutenda cindimba ca Pasaka,

Numeli 9:10 Iomraidhean Croise

2 Mbi 30:13

Ŵandu ŵajinji ŵayice ku Yelusalemu pa mwesi waŵili kusangalalila cindimba ca mkate wangali cakusasaŵilisya.*

2 Mbi 30:18

Atamose kuti ŵandu ŵajinji ŵiŵayice kutyocela ku lukosyo lwa Efelemu, Manase, Isakala ni Sebuloni nganaliswejesya acimsyene, nambope ŵalile nawo Pasakajo mwangaganicisya lilamusi lya AMBUJE. Myoyo Mwenye Hesekiya ŵapopelele jemanjajo lipopelo ali:

2 Mbi 30:2

Mwenye Hesekiya pamo ni nduna syakwe ŵakamulene yakuti atendeje cindimba ca Pasaka pa mwesi waŵili.

Numeli 9:11

jemanjajo atende cindimbaco ligulo pa lisiku lya 14 mwesi waŵili wakwewo. Alyeje nyama ni mkate wangali cakusasaŵilisya pamo ni liponda lyakuŵaŵa.

Numeli 9:9

AMBUJE ŵamsalile Mose

Matayo 5:24

mlece mtuka wenuwo pa malo gakupelecela mbopesi papopo, nipo mjawule mkatande kaje kwilana ni mlongo mjenujo. Kaneko ni mjawule mkapelece mtuka wenu ula kwa Mlungu.

Yohana 11:55

Ndaŵi ja Cindimba ca Pasaka* jaŵandicile, nipo ŵandu ŵajinji ŵatyocele ku misi jawo kwawula ku Yelusalemu kukutenda msyungu wa kuliswejesya Pasaka mkanijiyice.

1 Akoli 11:28

Sambano, mkwenela kulipima mwacimsyene mkanimlye mkatewu ni kumwela mgawowu.