Numeli 8:8 - Chiyawo Bible

⁸ Kaneko tacijigala mwanace jwa ng'ombe ni mbopesi jakusosekwa ja utandi wewanganye ni mawuta ga olifi,* nipo wawojo tacijigala ng'ombe jine jakujipeleka ku mbopesi jakupesya ulemwa.*

Numeli 8:8 Iomraidhean Croise

Ekisodo 29:1

“Pakwaŵika pajika Aloni* ni ŵanace ŵawo, pa masengo ga kundumicila une gakutaga mbopesi, mkatende yindu ayi: Mkajigale ng'ombe jimo jamkambako ni ngondolo siŵili syamkambako syangalemala.

Ekisodo 29:3

Mkayiŵice yeleyo mlukalala, ni kwika nayo kwa une yili mlukalala, pampepe ni ng'ombe jamkambako ni ngondolo siŵili syamkambako sila.

Yesaya 53:10

Nambope ali AMBUJE jika uŵasosile kuti amlagasye, nipo ŵamlagasisye nditu. Jwalakwe jwapelece umi wakwe kuŵa mbopesi jakukulucila najo ulemwa. Myoyo taciyiwona yisukulu yakwe, taciŵa cijumi ndaŵi jajilewu, nipo lisosa lya AMBUJE tilicitendekwa mwa jwalakwe.

Lefitiko 1:3

Naga mundujo akupeleka ng'ombe jakwe kuti jiŵe mbopesi jakutinisya kwa une, apeleceje ng'ombe jamkambako jangalemala. Ajipeleceleje pa mlango wa citenti cakusimanilana, kuti AMBUJE ajipocele.

Lefitiko 16:3

Aloniwo akukomboleka kwinjila ku Cipinda Ceswela Mnope, ali ajigele mwanace jwamkambako jwa ng'ombe, kuti akaŵe mbopesi jakwaŵenda AMBUJE kululucila ulemwa,* ni ngondolo jamkambako kuti jikaŵe mbopesi jakutinisya.”

Lefitiko 2:1

Mundu jwalijose naga akwika kupeleka mbopesi ja utandi kwa AMBUJE,* mbopesijo jiŵe ja utandi wambone wakutililika cenene. Utandiwo awutaje mawuta ni ubani*

Lefitiko 4:14

Naga ali awumanyilile ulemwa wawowo, likuga lyosopelyo lipelece mwanace jwa ng'ombe jamkambako, kuti jiŵe mbopesi jakuŵenda kwa AMBUJE kululucila ulemwa, ni ayice najo pa mlango wa citenti cakusimanilana.

Lefitiko 4:3

Jwakulemwajo naga akuŵa Jwamkulungwa jwa Ŵakutaga Mbopesi,* kulemwa kwa jwalakweju ni kuti awuŵisile mpingo wosope wa ŵandu pa magambo, myoyo akwenela kupeleka kwa AMBUJE mwanace jwa ng'ombe jamkambako, jwangalemala, ligongo lya ulemwa* wakwewo. Jelejo ni mbopesi jakuŵenda kwa AMBUJE kuti akululucile ulemwa.

Lefitiko 8:2

“Mwajigale Aloni* ni ŵanace ŵakwe ŵacalume ku mlango ŵa citenti cakusimanilana, ni mjigale soni yakuwala, mawuta gakutendela msyungu wakupakasya, ng'ombe jamkambako jakupeleka mbopesi jakwaŵenda AMBUJE kululucila ulemwa,* ngondolo siŵili sya mkambako, ni lupeta lwa mikate jangali cakusasaŵilisya.

Ŵaloma 8:3

Mlungu ŵatesile yele Malamusi giŵalembile Mose* ngimkinigakombola kuyitenda, ligongo ndamo ja ŵandu jakusakala jatendekasisye kuti Malamusi gaŵe gangali macili. Nambo Mlungu ŵamgopwele jemanja piŵatumisye Mwanace jwakwe, jwele juŵayice mu upagwe wa cilu mpela ca uweji ŵandu ŵakulemwa, kukuwugomeka ulemwa.

2 Akoli 5:21

Klistu nganalemwa kose, nambo Mlungu ŵamtesile jwa ulemwa ligongo lyetuwe, kuti mwa Jwalakwejo uwe tuŵe ŵakulungamika pameso pa Mlungu.