Numeli 8:7 - Chiyawo Bible

⁷ mwamti myi: ŵamisile mesi gakuswejesya ni ŵasalile kuti amyole yilu yawo yosope ni kucapa yakuwala yawo. Kaneko taciŵa ali aswejele mpela mwa msyungu.

Numeli 8:7 Iomraidhean Croise

Genesesi 35:2

Myoyo Yakobo ŵalisalile liŵasa lyakwe ni ŵandu wosope ŵiŵaliji nawo kuti, “Mjase milungu ja ŵandu* ŵa mitundu jine jimli najo. Mliswejesye, nipo m'wale yakuwala yecape.

Masalimo 51:2

Anjojesye kusyene pakutyosya ungalumbana wangu, aswejesye une pakundyosya yakulemwa yangu.

Masalimo 51:7

Aswejesye ni hisope* ni timbe jwamswela anjojesye ni tiswejele mbee kugapunda utandi.

Ekisodo 19:10

AMBUJE ŵamsalile Mose kuti, “Mjawule kwa ŵanduwo ni mkasalile aŵe m'mipingu lelo ni malaŵi. Akacape yakuwala yawo,

Yesaya 52:15

Myoyo soni ŵandu ŵa mitundu josope tacisimonga najo, ni ayimwene ŵakwe ngasakola cakuŵeceta, pakuti yindu yanganiŵasalila kalakala taciyiwona, nipo yindu yanganayipikana kala kosope taciyipikanicisya.”

Yelemiya 4:14

Jemanja ŵandu ŵakutama mu Yelusalemu, mtyosye yakusakala m'mitima mwenu kuti mkulupuce. Ana nganisyo syenu timciŵa nasyope mpaka cakaci?

Esek 36:25

Tinjimtaga jemanja mesi gambone nipo timciswejela, yosope yakumsakasya yicityoka. Soni tinjimswejesya pakujityosya milungu jenu jine josope.

Lefitiko 15:27

Jwalijose jutakwaye yindu yeleyi ali mundu jwamsakale, acape yakuwala yakwe ni koga, nambo taŵe jwamsakalepe mpaka ligulo.

Lefitiko 16:28

Mundu jutatinisye yeleyi akwenela kucapa yakuwala yakwe ni koga cilu cakwe cosope mkanawujile ku masakasa.

Lefitiko 8:6

Jwalakwejo ŵaŵilasile Aloni ni ŵanace ŵakwe ŵacalume kuti ayice pasogolo, ni ŵasalile kuti akasukusule.

Numeli 19:13

Jwalijose jwakukwaya mtembo ni ngaliswejesya msyene taciŵa ali jwangaswejela, ligongo nginajoga mesi gakumswejesya gewanganye ni liwu. Jwelejo akusakasya tenti ja AMBUJE, nipo ngasamŵalanjila mpela jumo jwa ŵandu ŵa Mlungu.

Numeli 31:20

Aswejesye soni nguwo syosope, ni yosope yakupanganyidwa ni mapende, yakupanganya ni manyunya ga mbusi, kapena yitela.”

Numeli 8:21

Alefi ŵaliswejesye acimsyene ni kucapa yakuwala yawo, nipo Aloni ŵapelece kwa AMBUJE mpela mituka jakusosekwa. Jwalakwe ŵatendele soni msyungu wakwaswejelesya.

Ŵaeblania 9:10

Yikusagamba kusala ya yakulya, yakumwa, ni misyungu jakulekanganalekangana jakojela. Yosopeyo yili ya malamusi gakusala yakuwoneka ni meso basi, gaŵicidwe kuti gagambe kutama mpaka ndaŵi jitacikolosya Mlungu yosope.

Ŵaeblania 9:13

Miasi ja acitonde ni ja ng'ombe sya mikambako, soni liwu lya mwanace jwa ng'ombe jwa mkolo ŵamisilaga ŵandu ŵele ŵali ŵangalumbana ligongo lyangasamala misyungu ja Ciyuda. Yeleyi yaswejesyaga pakwatyosya likaku lya mcilu mwawo.

Yakobo 4:8

Mwaŵandicile Mlungu, nipo Ŵalakwe tacimŵandicila jemanja. Mtyosye nganisyo syakusakala m'mitima jenu, jemanja ŵandu ŵa unakunaku.

1 Petulo 3:21

mesigo gakulandanicisidwa ni ubatiso wele masiku agano ukusamkulupusya jemanja ligongo lyakwimuka ku ŵawe kwa Yesu* Klistu. Kubatisidwa kweleku nganikuŵa kutyosya likaku lya pa cilu, nambo kuli kulipeleka kwa Mlungu ni mtima wakuwona kupitila mwa Yesu Klistu,

Chunukuko 7:14

Une najanjile kuti, “Ambuje ŵangu, ŵakumanyilila yeleyo ni ŵalakwe.” Nipo jwalakwejo jwanjanjile kuti, “Jemanjaji ali ŵele ŵiŵapundile mu yisawusyo yekulungwa yila. Ŵacapile mikanjo jawo ni kujiswejesya m'miasi ja Mwanace Jwangondolo.