Numeli 8:6 - Chiyawo Bible

⁶ “Lefi ŵalekangenye ni Aisalaeli ni kwaswejesya

Numeli 8:6 Iomraidhean Croise

2 Mbi 29:11

Ŵanace ŵangu, mkajasa ndaŵi, pakuti AMBUJE amsagwile jemanja kuti mwatinicisyeje ubani ni kwatumicila ŵalakwewo pakwalongolela ŵandu kuti amlambileje jwalakwejo.”

Ekisodo 19:15

Mose ŵasalile kuti, “Mliŵicile cile kwana mapopelo mtondo, soni mkasimumkwaya jwamkongwe pa masiku gelega.”

Yesaya 52:11

Mnyakuce, nyakukani, mtyoce mwakwanguya ako ku Babiloniya, mkakwaya cindu cilicose cakunyalaya. Mtuluce mwelemo nipo mliswejesye, jemanja ŵimkunyakula yida yakwatumicila nayo AMBUJE.

Lefitiko 14:11

Jwakutaga mbopesi jutamswejesye jwakulwalajo, amjimice mundu jwakuti amswejesyejo pameso pa AMBUJE, pa mlango wa citenti cakusimanilana, pamo ni mbopesi syakwe syosope.

Mala 3:3

Tacitama pasi mpela jwa pa cipala jwakwenga silifa* nipo tacaswejesya Alefi mpela mwakusaswejelecesya golidi* ni silifa, mpaka ndaŵi jitacitanda kupeleka mbopesi syakwenela kwa AMBUJE.

Numeli 3:6

“Myice nalo lukosyo lwa Lefi nipo mwasagule kuti aŵe ŵakutumicila ŵa Aloni jwakutaga mbopesi.

Numeli 8:5

AMBUJE ŵatite kwa Mose,

2 Akoli 7:1

Acalongo acimjangu, pakuŵa tukwete cilanga* celeci, kwende tutyosye yindu yosope yakusakasya cilu cetu kapena mtima wetu. Nipo pakogopa Mlungu tuliswejesye kuŵa ŵaswela mtima.

Detulonomo 10:8

Ndili masile kuŵika maganga gaŵili gala mwibokosi, kwitumbi kula, AMBUJE ŵasagwile ŵandu ŵa lukosyo lwa Lefi, kuti aŵe ŵakunyakula ni kulolela Libokosi lya Cilanga, soni kuti aŵe ŵakutaga mbopesi ŵakwatumicila AMBUJE, ni kuti soni ŵapeje upile ŵandu ŵa ngosyo sine m'malo mu lina lyawo AMBUJE. Gelega ni gali masengo gawo mpaka lelo jino.

Yakobo 4:8

Mwaŵandicile Mlungu, nipo Ŵalakwe tacimŵandicila jemanja. Mtyosye nganisyo syakusakala m'mitima jenu, jemanja ŵandu ŵa unakunaku.