Numeli 8:2 - Chiyawo Bible

² “Ŵasalile Aloni* kuti pitaŵiceje nyali msano ni siŵili pa cakuŵika pakwe, aŵiceje kuti lilanguka lyakwe tiliŵalileje pasogolo.”

Numeli 8:2 Iomraidhean Croise

Masalimo 119:105

Maloŵe gawo gali nyali ja ku sajo syangu, gakusamulicila litala lyangu.

Masalimo 119:130

Kugopolela kwa maloŵe gawo kukusapeleka lilanguka; kukusapeleka lunda kwa ŵandu ŵangamanyilila.

Ekisodo 25:37

Mkapanganye nyali msano ni siŵili, ni mkasiŵice pa cakuŵika nyali cila, kuti sikamuliceje malo gali pasogolo pakwe.

Ekisodo 37:23

Ni ŵapanganyisye nyali msano ni siŵili syakuŵika pa cakuŵika nyali cila, soni ŵapanganyisye cakusimila nyali, pampepe ni mbale syakutyocesya liwu, sya golidi jwambone mnope.

Ekisodo 39:37

Ŵayice naco cakuŵika nyali ca golidi jwambone mnope, ni nyali syakwe ni mawuta ga nyali gakwe,

Ekisodo 40:25

Pa cakuŵika nyalico ŵaŵisile nyali, kuti siŵe pameso pawo AMBUJE, mpela mwele AMBUJEWO ŵamlamulile Mose.

Yesaya 8:20

M'mwejo mkajanje kuti, “Mpikane yele yakumjiganya AMBUJE! Mkapikanilaga ŵakutenda ya misimu, yakuŵeceta jemanjajo ngaŵa mkutyosya yisawusyo.”

Lefitiko 24:4

Aloni apambe nyali sili pa cakuŵicila nyali ca golidi* jwambone mnope, kuti siŵeje syakukolela ndaŵi syosope pameso pa AMBUJE.

Numeli 8:1

AMBUJE* ŵamsalile Mose* kuti,

Numeli 8:3

Aloni ŵapikanile ni ŵasiŵisile nyalisyo ni kulolaga pasogolo pa cakuŵika nyalico.

Matayo 5:14

“Jemanja mli mpela lilanguka lya cilambo cosope. Msinda wuwutaŵidwe penani petumbi ngaŵa mkusisika kose.

Yohana 1:9

Ali ni lilanguka lisyesyene, lilanguka lyalikwisa mcilambo capasi ni kumulicilaga pa jwalijose.

2 Petulo 1:19

Mwakuti tukumanyilila sambano kuti maloŵe ga ŵakulocesya gala gali gakuwona. Kuli kwambone kuti mlolecesye mpela nyali jakuŵala m'malo ga cipi, kuyicila pa ndaŵi jijikutanda kuca, pele ndondwa ja mng'andu pitijicitanda kuŵala m'mitima mwenu.

Chunukuko 1:12

Pinagalawice kuti nimlole juŵambecetekasyagajo, m'malo mwakwe nayiweni yakuŵikapo nyali ya golidi* yakwana msano ni gaŵili,

Chunukuko 1:20

Aku kuli kugopolela kwa asili kwa ndondwa msano ni siŵili simsiweni mwigasa lyangu lya kumlyo sila, ni yakuŵikapo nyali ya golidi msano ni yiŵili yila: ndondwa msano ni siŵili sili acimlongola ŵa ku mipingo msano ni jiŵili, nipo yakuŵikapo nyali msano ni yiŵili yili mipingo msano ni jiŵili.

Chunukuko 4:5

Kutyocela mu citengumo mwakopokaga kumesya kwa njasi, masegwe ni kulindima. Pasogolo pa citengupo cicoco pakolelaga yenje msano ni yiŵili, yele yili misimu msano ni jiŵili ja Mlungu.