Numeli 8:11 - Chiyawo Bible

¹¹ nipo kaneko Aloni tacapeleka kwa une Alefiwo mpela mituka jakusosekwa jakutyocela kwa Aisalaeli, kuti jemanjajo apanganyeje masengo gangu.

Numeli 8:11 Iomraidhean Croise

Ekisodo 29:24

Mkayiŵice yakulya yosopeyi m'myala mwa Aloni ni mwa ŵanace ŵakwe ŵacalume, jemanjajo taciyinyakulila kwinani, kulosya kuti ayipelece kwa une.

Lefitiko 7:30

Ajigale m'magasa mwakwe yiŵalo ya nyama yakuŵajilwa kuyijoca pa moto pa kuyipeleka kwa AMBUJE, ajigale cidali pampepe ni mawuta. Cidalico acipelece kuŵa mtuka wa padela, ali mkuyuya makono gakwe, kuti ciŵe mbopesi jakupeleka pameso pa AMBUJE.

Lefitiko 7:34

Myoyo cidali cakucipeleka ali mkuyuya makono, pampepe ni ciga cakucipelekaco, AMBUJE ayityosisye yosopeyo m'myala mwa Aisalaeli. Ayityosisye pa mbopesi syawo sya mkamulano. Ni ayipelece kwa jwakutaga mbopesi Aloni ni kwa ŵanace ŵakwe ŵacalume, kuti yiŵeje mbuwa jawo kwa yaka yosope.

Lefitiko 8:27

Mose ŵayiŵisile yosopeyi m'magasa mwa Aloni ni m'magasa mwa ŵanace ŵakwe, ni ŵayipelece kuŵa mtuka wapadela, pa kuyiyuya m'makono mwawo kuti yiŵe mbopesi jakupeleka pameso pa AMBUJE.

Lefitiko 8:29

Mose ŵajigele cidali ni ŵacipelece kuŵa mtuka wa padela, pakuciyuya cidalico m'makono mwakwe, kuti jiŵe mbopesi jakupeleka pameso pa AMBUJE. Cidali ca ngondolo jamkambako, jakupeleka pa msyungu wakwapakasya mawuta ŵakutaga mbopesi, caliji mbuwa jakwe Mose, mpela yiŵatite AMBUJE pakumlamulile jwalakwe.

Numeli 6:20

Panyuma pakwe, jwakutaga mbopesijo taciyipeleka mpela mtuka wakusosekwa kwa AMBUJE, syelesi sili mbopesi syakusagulidwa sya jwakutaga mbopesijo, pakonjecesya pa cidali ni lukongolo lwa ngondolo yayili ya jwakutaga mbopesijo mpela mwa lilamusi. Panyuma pa yeleyo, mnasilijo akukomboleka kumwa finyo.

Detulonomo 10:8

Ndili masile kuŵika maganga gaŵili gala mwibokosi, kwitumbi kula, AMBUJE ŵasagwile ŵandu ŵa lukosyo lwa Lefi, kuti aŵe ŵakunyakula ni kulolela Libokosi lya Cilanga, soni kuti aŵe ŵakutaga mbopesi ŵakwatumicila AMBUJE, ni kuti soni ŵapeje upile ŵandu ŵa ngosyo sine m'malo mu lina lyawo AMBUJE. Gelega ni gali masengo gawo mpaka lelo jino.